ਸ਼ਿਵਰਾਜ ਪਾਟਿਲ ਨੇ ਪੰਜਾਬ ਦੇ 33ਵੇਂ ਰਾਜਪਾਲ ਵਜੋਂ ਸਹੁੰ ਚੁੱਕੀ

Wednesday, 27 January 2010 00:00

Written by Aman Bansil

ਚੰਡੀਗੜ੍ਹ-ਅੱਜ ਇਥੇ ਪੰਜਾਬ ਰਾਜ ਭਵਨ ਵਿੱਚ ਇੱਕ ਸਾਦੇ ਪ੍ਰੰਤੂ ਪ੍ਰਭਾਵਸ਼ਾਲੀ ਸਮਾਰੋਹ ਦੌਰਾਨ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਚੀਫ ਜਸਟਿਸ ਮਿਸਟਰ ਮੁਕਲ ਮੋਦਗਿਲ ਨੇ ਸ੍ਰੀ ਸਿਵਰਾਜ ਪਾਟਿਲ ਨੂੰ ਪੰਜਾਬ ਦੇ ਰਾਜਪਾਲ ਵਜੋਂ ਸਹੁੰ ਚੁਕਾਈ।
ਸ੍ਰੀ ਸਿਵਰਾਜ ਵੀ ਪਾਟਿਲ ਨੇ ਅੰਗਰੇਜੀ ਵਿੱਚ ਸਹੁੰ ਚੁੱਕੀ। ਚੀਫ ਜਸਟਿਸ ਵਲੋ' ਹਸਤਾਖਰਤ ਕੀਤੇ ਸਹੁੰਨਾਮੇ 'ਤੇ ਸ੍ਰੀ ਪਾਟਿਲ ਵਲੋ' ਦਸਖਤ ਕੀਤੇ ਗਏ। ਸ੍ਰੀ ਪਾਟਿਲ ਵਲੋਂ ਰਾਜਪਾਲ ਪੰਜਾਬ ਅਤੇ ਪ੍ਰਸ਼ਾਸਕ ਕੇ'ਦਰ ਪ੍ਰਸਾਸਤ ਪ੍ਰਦੇਸ਼ ਚੰਡੀਗੜ੍ਹ ਦੋਹਾਂ ਆਹੁੱਦਿਆਂ ਲਈ ਵੱਖ ਵੱਖ ਚਾਰਜ ਰਿਪੋਰਟ ਤੇ ਹਸਤਾਖਰਤ ਕੀਤੇ ਗਏ।ਪੰਜਾਬ ਦੇ ਮੁੱਖ ਸਕੱਤਰ ਸ੍ਰੀ ਐਸ.ਸੀ.ਆਗਰਵਾਲ ਨੇ ਸਮਾਰੋਹ ਦੀ ਕਾਰਵਾਈ ਸ਼ੁਰੂ ਕਰਨ ਦੀ ਪ੍ਰਵਾਨਗੀ ਲੈਣ ਉਪਰੰਤ ਸ੍ਰੀ ਸਿਵਰਾਜ ਵੀ ਪਾਟਿਲ ਨੂੰ ਪੰਜਾਬ ਦੇ ਰਾਜਪਾਲ ਵਜੋ' ਨਿਯੁਕਤ ਕਰਨ ਦਾ ਪਰਚਾ ਪੜਿਆ। ਇਸ ਤੋ' ਬਾਅਦ ਮੁੱਖ ਸਕੱਤਰ ਨੇ ਸਮਾਰੋਹ ਦੀ ਸਮਾਪਤੀ ਦਾ ਐਲਾਨ ਕੀਤਾ। ਸਮਾਰੋਹ ਤੋ'ਬਾਅਦ ਰਾਜਪਾਲ ਨੇ ਪੰਜਾਬ ਆਰਮਡ ਪੁਲਿਸ ਦੀ ਪੂਰੀ ਟੁਕੜੀ ਤੋ' ਸਲਾਮੀ ਲਈ। ਕੌਮੀ ਝੰਡਾ ਲਹਿਰਾਉਣ ਦੇ ਨਾਲ-ਨਾਲ ਪੰਜਾਬ ਪੁਲਿਸ ਬੈਡ ਨੇ ਰਾਸ਼ਟਰੀ ਗੀਤ ਗਾਇਆ।