Saturday, 31 July 2010 07:37

ਅਮਰੀਕੀ ਬਿਜਲੀ ਰੀਐਕਟਰ ‘ਚ ਭਿਆਨਕ ਧਮਾਕਾ, 5 ਦੀ ਮੌਤ

ਮਿਡਲਟਾਊਨ- ਅਮਰੀਕਾ ਦੇ ਕਨੈਕਟਿਕ ਵਿਚ ਸਥਿਤ ਇਕ ਨਿਰਮਾਣ ਅਧੀਨ ਬਿਜਲੀ ਰਐਕਟਰ ਵਿਚ ਭਿਆਨਕ ਧਮਾਕਾ ਹੋ ਗਿਆ। ਮਿਡਲਟਾਊਨ ਦੇ ਸਥਾਨਕ ਅਧਿਕਾਰੀਆਂ ਮੁਤਾਬਕ ਧਮਾਕੇ ਵਿਚ ਘੱਟ ਤੋਂ ਘੱਟ ਪੰਜ ਲੋਕੀ ਮਾਰੇ ਗਏ ਅਤੇ ਬਹੁਤ ਸਾਰੇ ਜ਼ਖਮੀ ਹੋਏ ਹਨ। ਸਥਾਨਕ ਲੋਕਾਂ ਮੁਤਾਬਕ ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਕਈ ਮੀਲਾਂ ਤੱਕ ਇਸਦੀ ਆਵਾਜ਼ ਬੁਣਾਈ ਦਿੱਤੀ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿਚ ਝਟਕੇ ਮਹਿਸੂਸ ਕੀਤੇ ਗੲੈ।
ਰੀਐਕਟਰ ਵਿਚ ਰਾਹਤ ਕੰਮ ਤੇਜ਼ ਕਰ ਦਿੱਤੇ ਗਏ ਹਨ। ਹੈਲੀਕਾਪਟਰਾਂ, ਅੱਗ ਬੁਝਾਊ ਦਸਤਿਆਂ ਅਤੇ ਐਂਬੂਲੈਂਸ ਨੂੰ ਉਧਰ ਆਉਂਦੇ-ਜਾਂਦੇ ਦੇਖਿਆ ਗਿਆ।
ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਬਿਜਲੀ ਰੀਐਕਟਰ ਦੀ ਗੈਸ ਪਾਈਪਲਾਈਨ ਵਿਚ ਲੀਕੇਜ ਹੋਣ ਕਾਰਨ ਧਮਾਕਾ ਹੋਇਆ ਹੈ। ਅੱਗ ਬੁਝਾਊ ਦਸਤੇ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਜਿਸ ਵਕਤ ਇਹ ਧਮਾਕਾ ਹੋਇਆ, ਉਸ ਸਮੇਂ ਪਲਾਂਟ ਦੇ ਅੰਦਰ ਘੱਟ ਤੋਂ ਘੱਟ 50 ਮਜ਼ਦੂਰ ਕੰਮ ਕਰ ਰਹੇ ਸਨ।
ਆਸ ਪਾਸ ਦੇ ਸ਼ਹਿਰਾਂ ਤੋਂ ਐਮਰਜੈਂਸੀ ਬਚਾਅ ਦਲ ਰਵਾਨਾ ਕੀਤੇ ਗਏ ਹਨ। ਕਨੈਕਟਿਕ ਸੂਬੇ ਦੀ ਰਾਜਧਾਨੀ ਹੈਰਟਫੋਰਡ ਦੇ ਦੱਖਣ ਵਿਚ ਗੈਸ ਅਤੇ ਤੇਲ ਨਾਲ ਚੱਲਣ ਵਾਲਾ ਇਹ 620 ਮੈਗਾਵਾਟ ਸਮਰੱਥਾ ਦਾ ਬਿਜਲੀ ਰੀਐਕਟਰ ਮੌਜੂਦ ਹੈ।