ਫਰੀਦਕੋਟ-ਪਹਿਲੀ ਸਤੰਬਰ ਨੂੰ ਮੁੱਖ ਮੰਤਰੀ ਪੰਜਾਬ ਸ: ਪ੍ਰਕਾਸ਼ ਸਿੰਘ ਬਾਦਲ ਦੇ ਨਿਜੀ ਵਿਧਾਨ ਸਭਾ ਹਲਕੇ ਲੰਬੀ ਵਿਖੇ ਹੋਣ ਵਾਲੀ ਕਾਂਗਰਸ ਰੈਲੀ ਦਾ ਐਲਾਨ ਹੁੰਦਿਆਂ ਹੀ ਉੱਥੇ ਵਿਆਹ ਵਰਗਾ ਮਾਹੌਲ ਬਣ ਗਿਆ ਹੈ ਅਤੇ ਸਿਰਫ਼ ਕਾਂਗਰਸੀ ਵਰਕਰ ਹੀ ਨਹੀਂ ਸਗੋਂ ਆਮ ਲੋਕੀਂ ਵੀ ਇਸ ਨੂੰ ਕਾਮਯਾਬ ਕਰਨ ਲਈ ਭਾਰੀ ਉਤਸ਼ਾਹ ਵਿੱਚ ਹਨ। ਇਹ ਸ਼ਬਦ ਤਲਵੰਡੀ ਸਾਬੋ ਵਿਧਾਨ ਸਭਾ ਹਲਕੇ ਤੋਂ ਕਾਂਗਰਸੀ ਟਿਕਟ ‘ਤੇ ਜਿੱਤੇ ਵਿਧਾਇਕ ਅਤੇ ਕੈਪਟਨ ਅਮਰਿੰਦਰ ਸਿੰਘ ਦੇ ਅਤਿ ਨਜ਼ਦੀਕੀ ਸ: ਜੀਤਮਹਿੰਦਰ ਸਿੰਘ ਸਿੱਧੂ ਨੇ ਕਹੇ। ਸ: ਸਿੱਧੁੂ ਨੇ ਕਿਹਾ ਕਿ ਇਸ ਰੈਲੀ ਨੂੰ ਸਫਲ ਕਰਨ ਲਈ ਉਨ੍ਹਾਂ ਹਲਕੇ ਦੇ ਜਿਸ ਵੀ ਆਗੂ ਜਾਂ ਵਰਕਰ ਨੂੰ ਫੋਨ ਕੀਤਾ ਤਾਂ ਹਰ ਇੱਕ ਪਾਸੋਂ ਬੜੇ ਉਤਸ਼ਾਹਜਨਕ ਸ਼ਬਦ ਸੁਣ ਕੇ ਉਨ੍ਹਾਂ ਨੂੰ ਅਤਿਅੰਤ ਖੁਸ਼ੀ ਹੋਈ ਜਦੋਂ ਹਰ ਇੱਕ ਦੇ ਹੀ ਇਹ ਸ਼ਬਦ ਹੁੰਦੇ ਸਨ ਕਿ ਤੁਹਾਨੂੰ ਚਿੰਤਾ ਕਰਨ ਦੀ ਲੋੜ ਨਹੀਂ, ਰੈਲੀ ਨੂੰ ਸਫ਼ਲ ਕਰਨਾ ਸਾਡਾ ਕੰਮ ਅਤੇ ਜ਼ਿੰਮੇਵਾਰੀ ਹੈ।

ਲੰਡਨ- ਦੁਨੀਆ ਭਰ ਦੀਆਂ ਸਰਕਾਰਾਂ ਅੱਤਵਾਦ ਨੂੰ ਖਤਮ ਕਰਨ ਅਤੇ ਅਪਰਾਧਿਕ ਘਟਨਾਵਾਂ ਨੂੰ ਰੋਕਣ ਦੇ ਲਈ ਈ-ਸਰਵਿਲਾਂਸ ਨੂੰ ਈਜਾਦ ਕਰਨ ਵਿਚ ਜੁਟੀਆਂ ਹਨ, ਜਿਸ ਤੋਂ ਕਿ ਸਮਾਂ ਰਹਿੰਦੇ ਇਹਨਾਂ ਘਟਨਾਵਾਂ ਦੀ ਪਛਾਣ ਕਰਕੇ ਇਹਨਾਂ ਨੂੰ ਰੋਕਿਆ ਜਾ ਸਕੇ। ਬ੍ਰਿਟੇਨ ਦੀ ਸਰਕਾਰ ਨੇ ਅਜਿਹੀ ਯੋਜਨਾ ਦਾ ਐਲਾਨ ਕੀਤਾ ਹੈ ਜਿਸ ਤੋਂ ਵੱਖ ਵੱਖ ਏਜੰਸੀਆਂ, ਸਥਾਨਕ ਪਰਿਸ਼ਦਾਂ ਅਤੇ ਲੋਕ ਸੰਸਥਾਵਾਂ ਸ਼ਾਮਲ ਹੋਣਗੀਆਂ, ਜਿਹਨਾਂ ਦੇ ਕੋਲ ਆਮ ਜਨਤਾ ਦੇ ਮੈਸੇਜ, ਈ-ਮੇਲ ਦਾ ਰਿਕਾਰਡ ਰੱਖਣ ਦਾ ਅਧਿਕਾਰ ਹੋਵੇਗਾ, ਜਿਸ ਤੋਂ ਕਿ ਸਰਵਿਲਾਂਸ ਦੇ ਇਸਤੇਮਾਲ ਵਿਚ ਸੌਖ ਹੋ ਸਕੇ। ਨਿਊ ਸਾਇੰਟਿਸਟ ਵਿਚ ਛਪੀ ਇਕ ਰਿਪੋਰਟ ਮੁਤਾਬਕ ਬ੍ਰਿਟੇਨ ਦਾ ਗ੍ਰਹਿ ਵਿਭਾਗ ਅਜਿਹੇ ਸ਼ਕਤੀਸ਼ਾਲੀ ਡਾਟਾਬੇਸ ਨੂੰ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਜਿਸ ਨਾਲ ਲੋਕਾਂ ਨਾਲ ਜੁੜੀਆਂ ਸਾਰੀਆਂ ਜਾਣਕਾਰੀਆਂ ਹਾਸਲ ਕੀਤੀਆਂ ਜਾ ਸਕਣ।

ਨਿਊਯਾਰਕ- ਸੀ. ਆਈ. ਏ. ਦੇ ਸਵਿਸ ਇੰਜੀਨੀਅਰ ਦੇ ਪਰਿਵਾਰ ਦੇ ਨਾਲ ਹੋਏ ਇਕ ਸੌਦੇ ਦੀ ਮਦਦ ਨਾਲ ਪਾਕਿਸਤਾਨ ਦੇ ਵਿਵਾਦਗ੍ਰਸਤ ਪਰਮਾਣੂ ਵਿਗਿਆਨੀ ਏ. ਕਿਊ. ਖਾਨ ਦੇ ਜ਼ਮੀਨਦੋਜ਼ ਨੈਟਵਰਕ ਦਾ ਪਰਦਾਫਾਸ਼ ਕੀਤਾ ਸੀ। ਇਸ ਤੋਂ ਲਿਬੀਆ ਅਤੇ ਇਰਾਨ ਦੇ ਇਰਾਦਿਆਂ ਦਾ ਪਤਾ ਲੱਗਿਆ। ਨਿਊਯਾਰਕ ਟਾਈਮਜ਼ ਨੇ ਦੱਸਿਆ ਕਿ ਲਿਬੀਆ ਅਤੇ ਇਰਾਨ ਨੂੰ ਪਰਮਾਣੂ ਸਮੱਗਲਿੰਗ ਦੀ ਮਦਦ ਕਰਨ ਦੇ ਮਾਮਲੇ ਵਿਚ ਸ਼ੱਕੀ ਸਵਿਸ ਪਰਿਵਾਰ ਦੇ ਵਪਾਰ ਸਬੰਧੀ ਕੰਪਿਊਟਰ ਫਾਈਲਾਂ ਅਤੇ ਹੋਰ ਵਸਤੂਆਂ ਇਸ ਕਰਕੇ ਨਸ਼ਟ ਕੀਤੀਆਂ ਗਈਆਂ ਤਾਂ ਜੋ ਇਹ ਅੱਤਵਾਦੀਆਂ ਦੇ ਹੱਥ ਨਾ ਲੱਗ ਜਾਣ। ਇਸ ਜਾਣਕਾਰੀ ਨੂੰ ਨਸ਼ਟ ਕਰਨ ਦੇ ਲਈ ਸੀ. ਆਈ. ਏ. ਨੇ ਦਬਾਅ ਪਾਇਆ ਸੀ। ਸੀ. ਆਈ. ਏ. ਨੂੰ ਡਰ ਸੀ ਕਿ ਸਵਿਸ ਪਰਿਵਾਰ ਦੇ ਨਾਲ ਉਸਦੇ ਸੌਦੇ ਦਾ ਕਿਤੇ ਖੁਲਾਸਾ ਨਾ ਹੋ ਜਾਵੇ। ਟਾਈਮ ਦੇ ਮੁਤਾਬਕ ਇਸ ਕੰਮ ਵਿਚ ਫੈਂਡਰਿਕ ਟਿਨੇਰ ਅਤੇ ਉਹਨਾਂ ਦੇ ਦੋ ਪੁੱਤਰ ਸ਼ਾਮਲ ਰਹੇ। ਇਹ ਲੋਕ ਸਵਿਟਜ਼ਰਲੈਂਡ ਵਿਚ ਪਰਮਾਣੂ ਤਕਨੀਕ ਅਤੇ ਉਪਕਰਨ ਹਾਸਲ ਕਰਨ ਦੀ ਇੱਛਾ ਰੱਖਣ ਵਾਲੇ ਦੇਸ਼ਾਂ ਦੇ ਨਾਲ ਸੌਦਾ ਕਰਨ ਦੇ ਦੋਸ਼ੀ ਰਹੇ ਹਨ।

ਬੈਲਜੀਅਮ(ਭੋਗਲ) ਕਰਨਲ ਗੁਰਬੀਰਇੰਦਰ ਸਿੰਘ ਸੰਧੂ ਬੀਤੇ ਐਤਵਾਰ ਨੂੰ ਆਪਣੀ ਯੋਰਪ ਫੇਰੀ ਦੋਰਾਨ ਸ਼੍ਰੀ ਗੁਰੂ ਸਿੰਘ ਸਭਾ ਡੈਨਹਾਗ ਹਾਲੈਂਡ ਵਿਖੇ ਪਹੂੰਚੇ ਜਿਸ ਵਿੱਚ ਕਰਨਲ ਸੰਧੂ ਨੇ ਭਿਰਸ਼ਟਾਚਾਰ ਦੇ ਖਿਲਾਫ ਅਤੇ ਅਖੌਤੀ ਨਿਹੰਗ ਪੂਹਲੇ ਦੇ ਬਾਰੇ ਸੰਗਤਾ ਨਾਲ ਖੁੱਲਕੇ ਵਿਚਾਰ ਸਾਝੇ ਕੀਤੇ।ਸ਼੍ਰ; ਕਰਨਲ ਸੰਧੂ ਜੀ ਨੇ ਸਮੂਹ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਡੈਨਹਾਗ ਦੀ ਸਾਧ ਸੰਗਤ ਨੂੰ ਸੰਬੋਧਿਤ ਕਰਦਿਆ ਕਿਹਾ ਕਿ ਸਾਨੂੰ ਯਹੂਦੀਆ ਤੋਂ ਵੀ ਕੁਝ ਸਿਖਿਆ ਲੈਣੀ ਚਾਹੀਦੀ ਹੈ ਜਿਂਵੇ ਸਾਡੇ ਪੰਜਾਬੀਆ ਵਿੱਚੋ ਪੰਜਾਹ ਹਜਾਰ ਜਾ ਸੱਠ ਹਜਾਰ ਸ਼ਹੀਦ ਹੋਏ ਹੋਣਗੇ ਅਤੇ ਸਾਨੂੰ ਸ਼ਹੀਦਾ ਦੇ ਡੁਲੇ ਖੂਨ ਵੱਲ ਧਿਆਨ ਰੱਖਣਾ ਚਾਹੀਦਾ ਹੈ, ਬਹੁਤ ਵੱਡੀ ਕੁਰਬਾਨੀ ਸੀ ਪਰ ਲੀਡਰਸ਼ਿਪ ਕੋਈ ਨਹੀਂ ਸੀ। ਉਹਨਾਂ ਨੇ ਯਹੂਦੀਆ ਦੀ ਕੁਰਬਾਨੀਆ ਬਾਰੇ ਦਸਿਆ ਕਿ 10 ਲੱਖ ਯਹੂਦੀਆ ਨੂੰ ਹਿਟਲਰ ਨੇ ਮੌਤ ਦੇ ਘਾਟ ਉਤਾਰ ਦਿੱਤਾ ਸੀ ਤੇ ਉਸ ਕੌਮ ਨੂੰ ਵੇਖੋ ਕਿਤਨੀ ਤੱਰਕੀ ਕੀਤੀ ਹੈ, ਪਰ ਸਾਡੇ ਪੰਜਾਬੀ ਵੀ ਉਹਨਾਂ ਤੋਂ ਘਟ ਨਹੀਂ ਪਰ ਉਹਨਾਂ ਦੀ ਹਿਸਟਰੀ ਤੋਂ ਵੀ ਸਾਨੂੰ ਕੁਝ ਸਿਖਿਆ ਲੈਣੀ ਚਾਹੀਦੀ ਹੈ ਜਿਂਵੇ ਉਹਨਾਂ ਦੇ ਸਕੂਲ ਵੇਖਕੇ ਜਾ ਉਹਨਾਂ ਦਾ ਇੱਕਠ ਵੇਖਕੇ ਸਾਨੂੰ ਹੈਰਾਨੀ ਹੁੰਦੀ ਹੈ ਕਿ ਕਿਂਵੇ ਉਹ ਬੇਸਹਾਰਾ ਦੀ ਬਾਂਹ ਪਕੜਦੇ ਹਨ ਤੇ ਜੇ ਕੋਈ ਪਰਿਵਾਰ ਆਪਣੇ ਬਚਿਆ ਨੂੰ ਪੜਾਈ ਨ੍ਹਹੀਂ ਕਰਵਾ ਸਕਦਾ ਤਾਂ ਉਹ ਉਹਨਾਂ ਦੇ ਪਰਿਵਾਰ ਨੂੰ ਪੜਾਈ ਕਰਨ ਵਿੱਚ ਵੀ ਮਦਦ ਕਰਦੇ ਹਨ, ਬਿਜਨੈਸ ਵਿੱਚ ਵੀ ਮਦਦ ਕਰਦੇ ਹਨ। ਉਹਨਾਂ ਨੇ ਸ਼੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦਾ ਆਸਰਾ ਲੈਕੇ ਨਾਮ ਜੱਪਣ ਦੀ ਵੀ ਬੇਨਤੀ ਕੀਤੀ ਅਤੇ ਕਿਹਾ ਕਿ ਸਾਨੂੰ ਆਪਣੀ ਸਿੱਖੀ ਨੂੰ ਕਾਇਮ ਰੱਖਣਾ ਚਾਹੀਦਾ ਹੈ।

ਅੰਤ ਵਿੱਚ ਸ੍ਰੀ ਗੁਰੂ ਸਿੰਘ ਸਭਾ ਵਲੋ ਭਾਈ ਜੁਗਿੰਦਰ ਸਿੰਘ ਜੀ ਨੇ ਕਰਨਲ ਗੁਰਬੀਰਇੰਦਰ ਸਿੰਘ ਸੰਧੂ ਨੂੰ ਸਿਰੋਪਾ ਦੇ ਕੇ ਸਨਮਾਨਤ ਕੀਤਾ।ਪ੍ਰਬੰਧਕ ਕਮੇਟੀ ਨੇ ਕਰਨਲ ਸੰਧੂ ਅਤੇ ਆਈ ਸਾਧ ਸੰਗਤ ਦਾ ਧੰਨਵਾਦ ਕੀਤਾ।

 

"I have never seen anything like this in my life," ambulance driver Luis Ferreras, who viewed the crash site, was quoted as saying by El Pais.