ਵਾਸ਼ਿੰਗਟਨ- ਹਾਈਟੈਕ ਪ੍ਰੋਫੈਸ਼ਨਲਜ਼ ਦੇ ਨਾਂ ‘ਤੇ ਅਮਰੀਕਾ ਦਾ ਐਚ1-ਬੀ ਵੀਜਾ ਪ੍ਰਾਪਤ ਕਰਨ ਵਾਲੇ ਜ਼ਿਆਦਾਤਰ ਲੋਕ ਔਸਤ ਦਰਜੇ ਦੇ ਹੁੰਦੇ ਹਨ, ਨਾ ਕਿ ਨਵੇਂ ਵਿਚਾਰਾਂ ਵਾਲੇ ਅਸਧਾਰਨ ਰੂਪ ਵਿਚ ਕੁਸ਼ਲ ਕਾਮੇ ਜਿਵੇਂ ਕਿ ਦਾਅਵਾ ਕੀਤਾ ਜਾਂਦਾ ਹੈ। ਇਹ ਗੱਲ ਸੈਂਟਰ ਫਾਰ ਇਮੀਗ੍ਰੇਸ਼ਨ ਸਟੱਡੀਜ਼ ਦੀ ਇਕ ਰਿਪੋਰਟ ਵਿਚ ਕਹੀ ਗਈ ਹੈ। ਰਿਪੋਰਟ ਵਿਚ ਐਚ1-ਬੀ ਵੀਜਾ ਦੀ ਗਿਣਤੀ ਵਧਾਉਣ ਦੀ ਮੰਗ ਦਾ ਵਿਰੋਧ ਕੀਤਾ ਗਿਆ ਹੈ। ਵਰਣਨਯੋਗ ਹੈ ਕਿ ਐਚ1-ਬੀ ਵੀਜਾ ਪ੍ਰਾਪਤ ਕਰਨ ਦੇ ਲਈ ਭਾਰਤੀਆਂ ਸਮੇਤ ਹਾਈਟੈਕ ਪੇਸ਼ੇਵਰ ਬਹੁਤ ਜ਼ਿਆਦਾ ਉਤਸੁਕ ਰਹਿੰਦੇ ਹਨ। ਅੰਕੜਿਆਂ ਦੇ ਨਵੇਂ ਵਿਸ਼ਲੇਸ਼ਣ ਦੇ ਆਧਾਰ ‘ਤੇ ਸੀ. ਆਈ. ਐਸ. ਨੇ ਇਕ ਬਿਆਨ ਵਿਚ ਕਿਹਾ ਹੈ ਕਿ ਐਚ1-ਬੀ ਵੀਜਾ ਦੀ ਗਿਣਤੀ ਵਧਾਉਣ ਦੀ ਮੰਗ ਕਰਨ ਵਾਲੇ ਇਹ ਦਾਅਵਾ ਕਰਦੇ ਹਨ ਕਿ ਵਿਗਿਆਨ, ਤਕਨੀਕ, ਇੰਜੀਨੀਅਰਿੰਗ ਅਤੇ ਗਣਿਤ ਦੇ ਖੇਤਰ ਵਿਚ ਅਮਰੀਕਾ ਦਾ ਲਗਾਤਾਰ ਮੋਹਰੀ ਰਹਿਣਾ ਦੁਨੀਆਂ ਦੇ ਸ਼੍ਰੇਸਠ ਇੰਜੀਨੀਅਰਾਂ ਅਤੇ ਵਿਗਿਆਨੀਆਂ ਨੂੰ ਆਯਾਤ ਕਰਨ ਦੀ ਸਾਡੀ ਸਮਰੱਥਾ ‘ਤੇ ਨਿਰਭਰ ਹੈ।
 ਐਚ1-ਬੀ ਵੀਜਾ ਸਟਿਲ ਨਾਟ ਦਾ ਬੈਸਟ ਐਂਡ ਦਾ ਬ੍ਰਾਈਟੈਸਟ ਟਾਈਟਲ ਵਾਲੀ ਇਹ ਰਿਪੋਰਟ ਸੀ. ਆਈ. ਐਸ. ਦੇ ਮਈ ਦੇ ਅੰਕ ਵਿਚ ਪ੍ਰਕਾਸ਼ਿਤ ਹੋਈ ਹੈ। ਇਸਨੂੰ ਯੂਨੀਵਰਸਿਟੀ ਆਫ ਕੈਲੇਫੋਰਨੀਆ ਵਿਚ ਕੰਪਿਊਟਰ ਸਾਇੰਸ ਦੇ ਪ੍ਰੋਫੈਸਰ ਨਾਰਮਨ ਮੈਟਲਾਫ ਨੇ ਤਿਆਰ ਕੀਤਾ ਹੈ।

 ਪੈਰਿਸ- ਟੈਲੀਵਿਜ਼ਨ ‘ਤੇ ਫੈਸ਼ਨ ਸ਼ੋਅ ਵਿਚ ਕੈਟਵਾਕ ਕਰਨ ਵਾਲੀਆਂ ਪਤਲੀਆਂ-ਪਤਲੀਆਂ ਮਾਡਲਾਂ ਨੂੰ ਦੇਖ ਕੇ ਜੇਕਰ ਤੁਹਾਡੇ ਮਨ ਵਿਚ ਵੀ ਪਤਲਾ ਹੋਣ ਦਾ ਖਿਆਲ ਆਉਂਦਾ ਹੈ ਤਾਂ ਜ਼ਰਾ ਸੰਭਲ ਜਾਓ। ਅਜਿਾ ਨਹੀਂ ਹੈ ਕਿ ਇਹ ਹਦਾਇਤ ਸਿਰਫ ਤੁਹਾਨੂੰ ਦਿੱਤੀ ਜਾ ਰਹੀ ਹੈ, ਬਲਕਿ ਖੁਦ ਮਾਡਲਾਂ ਦੇ ਲਈ ਵੀ ਹੁਣ ਇਸ ਗੱਲ ‘ਤੇ ਗੌਰ ਕਰਨੀ ਜ਼ਰੂਰੀ ਹੋ ਜਾਵੇਗੀ। ਫਰਾਂਸ ਦੀ ਸੰਸਦ ਵਿਚ ਇਸ ਸਬੰਧ ਵਿਚ ਇਕ ਅਜੀਬ ਪਹਿਲ ਹੋਈ ਹੈ। ਇੱਥੇ ਪੇਸ਼ ਇਕ ਬਿਲ ਵਿਚ ਪਤਲੇਪਣ ਨੂੰ ਉਕਸਾਵਾ ਜਾਂ ਉਤਸ਼ਾਹ ਦੇਣਾ ਪੂਰੀ ਤਰ੍ਹਾਂ ਵਰਜਿਤ ਕਰ ਦਿੱਤੇ ਜਾਣ ਦਾ ਪ੍ਰਸਤਾਵ ਹੈ। ਹਾਲਾਂਕਿ ਫੈਸ਼ਨ ਮਾਹਿਰਾਂ ਦਾ ਮੰਨਣਾ ਹੈ ਕਿ ਜੇਕਰ ਇਹ ਬਿਲ ਪਾਸ ਹੋ ਜਾਂਦਾ ਹੈ ਤਾਂ ਮਾਡਲਿੰਗ ਦੀ ਦੁਨੀਆਂ ਦੇ ਲਈ ਇਹ ਹੁਣ ਤੱਕ ਦਾ ਸਭ ਤੋਂ ਸਖਤ ਫੈਸਲਾ ਹੋ ਜਾਵੇਗਾ। ਇਸ ਬਿਲ ਦੇ ਦਾਇਰੇ ਵਿਚ ਫੈਸ਼ਨ ਮੈਗਜ਼ੀਨ, ਇਸ਼ਤਿਹਾਰਦਾਤਾ ਅਤੇ ਵੈਬਸਾਈਟਾਂ ਨੂੰ ਵੀ ਲਿਆਂਦਾ ਗਿਆ ਹੈ, ਜਿਸਦਾ ਸਪਸ਼ਟ ਜਿਹਾ ਮਤਲਬ ਹੈ ਕਿ ਉਹ ਹੁਣ ਪਤਲੇ ਸਰੀਰ ਵਾਲੀਆਂ ਮਾਡਲਾਂ ਤੋਂ ਉਤਪਾਦਨਾਂ ਦਾ ਪ੍ਰਚਾਰ ਨਹੀਂ ਕਰਵਾ ਸਕਣਗੇ ਅਤੇ ਨਾ ਹੀ ਅਜਿਹੀ ਮਾਡਲ ਰੈਂਪ ‘ਤੇ ਕੈਟਵਾਕ ਕਰ ਸਕੇਗੀ। ਗੌਰ ਕਰਨ ਵਾਲੀ ਗੱਲ ਇਹ ਹੈ ਕਿ ਇਸ ਬਿਲ ਦੀ ਵਿਵਸਥਾ ਪੁਰਸ਼ ਅਤੇ ਔਰਤ ਦੋਵਾਂ ਮਾਡਲਾਂ ‘ਤੇ ਬਰਾਬਰ ਲਾਗੂ ਹੋਵੇਗੀ।
 ਇਸ ਬਿਲ ਨੂੰ ਬਹੁਤ ਜ਼ਿਆਦਾ ਪਤਲੀਆਂ ਮਾਡਲਾਂ ਦੇ ਇਸਤੇਮਾਲ ਨੂੰ ਰੋਕਣ ਦੇ ਲਈ ਤਾਜ਼ਾ ਪਹਿਲ ਦੇ ਰੂਪ ਵਿਚ ਦੇਖਿਆ ਜਾ ਰਿਹਾ ਹੈ। ਪਤਲੀਆਂ ਮਾਡਲਾਂ ਦੇ ਇਸਤੇਮਾਲ ‘ਤੇ ਸਵਾਲ ਉਦੋਂ ਤੋਂ ਉੱਠ ਰਹੇ ਹਨ, ਜਦੋਂ ਤੋਂ ਸਾਲ 2006 ਵਿਚ ਬ੍ਰਾਜੀਲੀਆਈ ਮਾਡਲ ਦੀ ਮੌਤ ਹੋਈ ਸੀ। ਇਸ ਮਾਡਲ ਦੀ ਮੌਤ ਦਾ ਕਾਰਨ ਅਨੋਰੈਕਸੀਆ ਨਾਲ ਜੁੜਿਆ ਹੋਇਆ ਸੀ। ਬਿਲ ਤਿਆਰ ਕਰਨ ਵਾਲੀ ਵੇਲਰੀ ਬਾਇਰ ਕਹਿੰਦੀ ਹੈਕਿ ਹੁਣ ਤੱਕ ਇਸ ‘ਤੇ ਜਿੰਨੇ ਵੀ ਕਦਮ ਚੁੱਕੇ ਗੲੈ ਹਨ, ਉਹ ਕਾਫੀ ਨਹੀਂ ਮੰਨੇ ਜਾ ਸਕਦੇ। ਉਹ ਅਨੋਰੈਕਸੀਆ ਨੂੰ ਉਕਸਾਵਾ ਦੇਣ ਨੂੰ ਸਜ਼ਾਯੋਗ ਅਪਰਾਧ ਬਣਾਉਣ ਦੇ ਹੱਕ ਵਿਚ ਹਨ। ਉਹਨਾਂ ਨੇ ਪੇਸ਼ ਬਿਲਵਿਚ ਮੁੱਖ ਤੌਰ ‘ਤੇ ਅਨੋਰੈਕਸਿਕ ਵੈਬਸਾਈਟਾਂ ਨੂੰ ਨਿਸ਼ਾਨਾ ਬਣਾਇਆ ਹੈ। ਹਾਲਾਂਕਿ ਬਾਇਰ ਦਾ ਕਹਿਣਾ ਹੈ ਕਿ ਇਸ ਬਿਲ ਨੂੰ ਫੈਸ਼ਨ ਉਦਯੋਗ ਦੇ ਖਿਲਾਫ ਵੀ ਇਸਤੇਮਾਲ ਕੀਤਾ ਜਾ ਸਕਦਾ ਹੈ।