ਸਿਡਨੀ-ਆਸਟਰੇਲੀਆ ਦੇ ਬ੍ਰਿਸਬੈਨ ਸਥਿਤ ਨਿੱਜੀ ਸਕੂਲ ਵੱਲੋਂ ਇੱਕ ਸਿੱਖ ਵਿਦਿਆਰਥੀ ਨੂੰ ਸਕੂਲ ਵਿੱਚ ਦਾਖਲਾ ਦੇਣ ਤੋਂ ਮਨਾ ਕਰ ਦਿੱਤਾ ਗਿਆ ਹੈ। ਜਦੋਂ ਕਿ ਪਰਿਵਾਰ ਵਾਲਿਆਂ ਨੇ ਇਸ ਸਬੰਧੀ ਕੇਸ ਵਿੱਚ ਭੇਦ-ਭਾਵ ਸਬੰਧੀ ਕਮਿਸ਼ਨ ਤੱਕ ਪਹੁੰਚ ਕੀਤੀ ਹੈ। ਸਕੂਲ ਵੱਲੋਂ ਤਰਕ ਦਿੱਤਾ ਗਿਆ ਹੈ ਕਿ ਇਸ ਬੱਚੇ ਵੱਲੋਂ ਸਾਡਾ ਯੂਨੀਫਾਰਮ ਕੋਡ ਭੰਗ ਕੀਤਾ ਗਿਆ ਹੈ, ਇਸ ਲਈ ਇਸ ਬੱਚੇ ਨੂੰ ਦਾਖਲਾ ਦੇਣ ਤੋਂ ਮਨਾ ਕੀਤਾ ਗਿਆ ਹੈ।
ਸੂਤਰਾਂ ਮੁਤਾਬਕ ਇਸ ਸਕੂਲ ਨੇ 12 ਸਾਲੇ ਇੱਕ ਬੱਚੇ ਨੂੰ ਦਾਖਲ ਦੇਣ ਤੋਂ ਇਸ ਕਰਕੇ ਮਨਾ ਕਰ ਦਿੱਤਾ ਕਿਉਂਕਿ ਉਸ ਨੇ ਵਾਲ ਕੱਟਣ ਤੇ ਪਟਕਾ ਬੰਨਣ ਤੋਂ ਮਨਾ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਭੇਦ ਭਾਵ ਸਬੰਧੀ ਕਮਿਸ਼ਨ (ਟ੍ਰਿਬਿਊਨਲ) ਨੇ ਇਸ ਮਾਮਲੇ ਨੂੰ ਆਪਣੇ ਹੱਥ ਵਿੱਚ ਲੈਣ ਦਾ ਫੈਸਲਾ ਕਰ ਲਿਆ ਪਰ ਅਜੇ ਸੁਣਵਾਈ ਸਬੰਧੀ ਕੋਈ ਮਿਤੀ ਨਿਸ਼ਚਿਤ ਨਹੀਂ ਕੀਤੀ ਗਈ। ਸਕੂਲ ਦੇ ਅਧਿਕਾਰੀਆਂ ਨੇ ਮਾਮਲੇ ਸਬੰਧੀ ਆਪਣਾ ਸਪੱਸ਼ਟੀਕਰਨ ਦਿੰਦਿਆਂ ਕਿਹਾ ਕਿ ਹਰੇਕ ਸਕੂਲ ਦੇ ਆਪਣੇ ਨਿਯਮ ਹੁੰਦੇ ਹਨ ਤੇ ਕਿਸੇ ਧਰਮ ਦੇ ਵਿਸ਼ਵਾਸ ਕਾਰਨ ਬਾਰ-ਬਾਰ ਇਹ ਨਿਯਮ ਤੋੜੇ ਨਹੀਂ ਜਾ ਸਕਦੇ। ਵੱਖ-ਵੱਖ ਲੋਕਾਂ ਨੇ ਇਸ ਮਾਮਲੇ ਸਬੰਧੀ ਟਿੱਪਣੀਆਂ ਕੀਤੀਆਂ ਹਨ। ਪਟਿਆਲਾ ਤੋਂ 2002 ਵਿੱਚ ਆਸਟਰੇਲੀਆ ਗਏ ਤਰਨਪ੍ਰੀਤ ਸਿੰਘ ਨੇ ਸਕੂਲ ਦੇ ਇਸ ਫੈਸਲੇ ਨੂੰ ਪੂਰੀ ਤਰ੍ਹਾਂ ਗਲਤ ਦੱਸਿਆ ਤੇ ਕਿਹਾ ਕਿ ਸਕੂਲ ਵੱਲੋਂ ਧਾਰਮਿਕ ਆਧਾਰ ‘ਤੇ ਬੱਚਿਆਂ ਨੂੰ ਬਾਹਰ ਕੱਢਣਾ ਮਾੜੀ ਗੱਲ ਹੈ ਤੇ ਬੱਚੇ ਨੂੰ ਸਕੂਲ ‘ਚ ਦਾਖਲਾ ਨਾ ਦੇਣਾ ਨਿੰਦਣਯੋਗ ਹੈ।
ਇਸ ਘਟਨਾ ਤੋਂ ਬਾਅਦ ਬੱਚੇ ਨੂੰ ਦੂਜੇ ਸਕੂਲ ਵਿੱਚ ਭਰਤੀ ਕਰਵਾ ਦਿੱਤਾ ਗਿਆ ਹੈ, ਜਿੱਥੇ ਬੱਚੇ ਨੂੰ ਪੱਗੜੀ ਬੰਨਣ ਦੀ ਮਨਾਹੀ ਨਹੀਂ ਹੈ। ਕਈ ਕਾਨੂੰਨੀ ਮਾਹਿਰਾਂ ਨੇ ਤਾਂ ਇਸ ਮਾਮਲੇ ਨੂੰ ਪੂਰੀ ਤਰ੍ਹਾਂ ਗਲਤ ਦੱਸਦਿਆਂ ਕਿਹਾ ਕਿ ਉਪਰੋਕਤ ਸਕੂਲ ਭੇਦ-ਭਾਵ ਸਬੰਧੀ ਕਮਿਸ਼ਨ ਵੱਲੋਂ ਸਥਾਪਿਤ ਨਿਯਮਾਂ ਨੂੰ ਵੀ ਅੱਖੋਂ-ਪਰੋਖੇ ਕਰ ਰਹੇ ਹਨ।

ਓਸਲੋ(ਰੁਪਿੰਦਰ ਢਿੱਲੋ ਮੋਗਾ)-ਟੈਲੀਫੋਨ ਤੇ ਮਿਲੀ ਜਾਣਕਾਰੀ ਅਨੁਸਾਰ  ਸ੍ਰ  ਗੁਰਚਰਨ ਸਿੰਘ ਕੁਲਾਰ ਪ੍ਰਧਾਨ ਦਸਮੇਸ਼ ਕੱਲਬ ਨਾਰਵੇ ਦੀ ਪ੍ਰਧਾਨਗੀ ਹੇਠ ਇੱਕ ਅਹਿਮ ਮੀਟਿੰਗ ਹੋਈ , ਜਿਸ ਵਿੱਚ ਇਹ ਮਤਾ ਪਾਸ ਕੀਤਾ ਗਿਆ ਨਾਰਵੇ ਵਿੱਚ ਵੱਸਦੇ  ਭਾਰਤੀ ਭਾਈਚਾਰੇ ਦੇ ਬੱਚਿਆ ਅੱਤੇ ਨੋਜਵਾਨਾ ਲਈ ਆਊਟ ਡੋਰ  ਖੇਡਾਂ ਤੋ ਇਲਾਵਾ ਇੰਨਡੋਰ ਖੇਡਾ ਦਾ ਵੀ ਪ੍ਰੰਬੱਧ ਕੀਤਾ ਜਾਵੇ।ਇਸ ਮਕਸੱਦ ਨਾਲ ਜਲਦ ਹੀ ਦਸਮੇਸ਼ ਕੱਲਬ ਵੱਲੋ  ਇੰਨਡੋਰ  ਸਟੈਡੀਅਮ ਚ ਵਾਲੀਬਾਲ,ਫੁੱਟਬਾਲ ਅੱਤੇ ਹਾਕੀ ਦਾ  ਟੂਰਨਾਂਮੈਟ ਕਰਾਇਆ ਜਾ ਰਿਹਾ ਹੈ।ਦਸਮੇਸ਼ ਕੱਲਬ ਨਾਰਵੇ ਪਿੱਛਲੇ ਕਾਫੀ ਅਰਸੇ ਤੋ  ਨਾਰਵੇ ਚ ਗਰਮੀ  ਰੁੱਤੇ ਹੁੰਦੇ ਟੂਰਨਾਂਮੈਟਾ ਚ ਵੱਧ ਚੜ ਕੇ  ਹਿੱਸਾ ਲੈਦਾ ਆ ਰਿਹਾ ਹੈ। ਇਸ ਤੋ ਇਲਾਵਾ ਦੂਸਰੇ ਸਮਾਜਿਕ ਕੰਮਾਂ ਚ ਕੱਲਬ ਵੱਲੋ ਸਲਾਘਾਂਯੋਗ ਕੰਮ ਕੀਤੇ  ਗਏ ਹਨ।  ਇਸ ਮੀਟਿੰਗ ਵਿੱਚ  ਪ੍ਰਧਾਨ  ਗਰੁਚਰਨ ਸਿੰਘ ਕੁਲਾਰ ਤੋ ਇਲਾਵਾ   ਕੱਲਬ ਮੈਬਰ ਹਰਵਿੰਦਰ ਪਰਾਸ਼ਰ, ਗੁਰਦੇਵ ਸਿੰਘ ਕੌੜਾ, ਗੁਰਸਿ਼ੰਦਰ ਸਿੰਘ, ਮਲਕੀਅਤ ਸਿੰਘ, ਸਨਦੀਪ ਕੁਲਾਰ  ਮਹਿੰਦਰ ਸਿੰਘ ਸਿੱਧੂ, ਬਿੰਦਰ ਮੱਲੀ, ਰਣਜੀਤ ਸਿੰਘ ਗਿੱਲ, ਸਿ਼ੰਦਰ ਪਾਲ ਸਿੰਘ, ਅਸ਼ਵਨੀ ਕੁਮਾਰ  ਆਦਿ ਸ਼ਾਮਲ ਸਨ।