ਲੰਡਨ- ਮਸ਼ਹੂਰ ਸਪੈਨਿਸ਼ ਚਿੱਤਰਕਾਰ ਪਾਬਲੋ ਪਿਕਾਸੋ ਦੇ ਫਰਾਂਸ ਸਥਿਤ ਆਖਰੀ ਆਵਾਸ ਨੂੰ ਲੋਕਾਂ ਦੇ ਦਰਸ਼ਨਾਂ ਦੇ ਲਈ ਜਲਦੀ ਖੋਲ੍ਹਿਆ ਜਾਵੇਗਾ। ਵੀਹਵੀਂ ਸਦੀ ਦੇ ਸਭ ਤੋਂ ਵੱਧ ਚਰਚਿਤ ਚਿੱਤਰਕਾਰਾਂ ਵਿਚੋਂ ਇਕ ਪਿਕਾਸੋ ਨੂੰ ਉਹਨਾਂ ਦੀ ਮੌਤ ਤੋਂ ਬਾਅਦ ਦੱਖਣੀ ਫਰਾਂਸ ਸਥਿਤ ਉਹਨਾਂ ਦੇ ਵਿਸ਼ਾਲ ਬੰਗਲੇ ਜਾਂ ਮਹਿਲ ਸ਼ੈਤੋ ਦਾ ਬਾਵੂਵੇਨਾਰਗਸ ਦੇ ਗਲਿਆਰੇ ਵਿਚ ਦਫਨਾਇਆ ਗਿਆ ਸੀ। ਪਿਕਾਸੋ ਨੂੰ ਜਿੱਥੇ ਦਫਨਾਇਆ ਗਿਆ ਹੈ, ਉਸ ਸਥਾਨ ਨੂੰ 1993 ਵਿਚ ਬਣਾਈ ਗਈ ਉਹਨਾਂ ਦੀ ਇਕ ਮੂਰਤੀ ਫੇਮ ਓ ਵੇਸ ਨਾਲ ਲੈਸ ਕੀਤਾ ਗਿਆ ਹੈ। ਦਾ ਡੇਲੀ ਟੈਲੀਗ੍ਰਾਫ ਵਿਚ ਛਪੀ ਖਬਰ ਦੇ ਮੁਤਾਬਕ 14ਵੀਂ ਸਦੀ ਵਿਚ ਬਣਿਆ ਇਹ ਮਹਿਲ ਇਸ ਵਕਤ ਪਿਕਾਸੋ ਦੀ ਆਖਰੀ ਪਤਨੀ ਜੈਕਯੂਲਿਨ ਰੋਗ ਦੀ ਪੁੱਤਰੀ ਕੈਥਰੀਨ ਹਟਿਨ ਦੇ ਕਬਜ਼ੇ ਵਿਚ ਹੈ। ਇਹ ਉਹ ਮਹਿਲ ਪਿਕਾਸੋ ਦੇ ਪ੍ਰਸ਼ੰਸ਼ਕਾਂ ਦੇ ਲਈ ਛੇ ਮਹੀਨੇ ਤੱਕ ਖੋਲ੍ਹਣ ਲਈ ਰਾਜ਼ੀ ਹੋ ਗਈ ਹੈ।
 ਪਿਕਾਸੋ ਨੇ ਇਹ ਮਹਿਲ 1958 ਵਿਚ ਖਰੀਦਿਆ ਸੀ। ਇਹ ਸੇਂਟ ਵਿਕਟੋਰੀਆ ਦੀ ਉੱਤਰੀ ਢਲਾਣ ‘ਤੇ 2500 ਏਕੜ ਵਿਚ ਫੈਲਿਆ ਹੋਇਆ ਹੈ। ਇਸ ਵਿਚ ਬਣੇ ਪਿਕਾਸੋ ਦੇ ਸਟੂਡੀਓ ਨਾਲ ਹੁਣ ਤੱਕ ਕੋਈ ਛੇੜਛਾੜ ਨਹੀਂ ਕੀਤੀ ਗਈ ਹੈ। ਯਾਨਿ ਇਹ ਜਿਉਂ ਦਾ ਤਿਉਂ ਹੈ। ਪਿਕਾਸੋ ਨੇ ਇਹ ਮਹਿਲ ਕਾਂਸ ਤੋਂ ਚਲੇ ਆਉਣ ਦੇ ਬਾਅਦ ਖਰੀਦਿਆ ਸੀ। ਕਾਂਸ ਵਿਚ ਪਿਕਾਸੋ ਸੈਲਾਨੀਆਂ ਦੇ ਆਕਰਸ਼ਣ ਦਾ ਕੇਂਦਰ ਬਣ ਗਏ ਸਨ। ਉਥੇ ਆਉਣ ਵਾਲੇ ਸੈਲਾਨੀ ਮਹਾਨ ਕਲਾਕਾਰ ਦੀ ਝਲਕ ਪਾਉਣ ਲਈ ਜਦੋਂ ਕਦੋਂ ਉਥੇ ਪਹੁੰਚ ਜਾਂਦੇ ਸਨ। ਇਸ ਤੋਂ ਪਿਕਾਸੋ ਦੀ ਸ਼ਾਂਤੀ ਭੰਗ ਹੋ ਰਹੀ ਸੀ। ਇਸ ਮਹਿਲ ਵਿਚ ਪਿਕਾਸੋ ਦੇ ਵਰਤੇ ਗਏ ਫਰਨੀਚਰ ਹਾਲੇ ਵੀ ਰੱਖੇ ਹੋਏ ਹਨ। ਇਹਨਾਂ ਵਿਚੋਂ ਉਹ ਮੈਂਡੋਲਿਨ ਵੀ ਸ਼ਾਮਲ ਹੈ, ਜੋ ਪਿਕਾਸੋ ਦੇ ਅਨੇਕਾਂ ਚਿੱਤਰਾਂਵਿਚ ਨਜ਼ਰ ਆਉਂਦੀ ਹੈ।