ਬਾਕੀ ਰਹਿੰਦੇ ੳਮੀਦਵਾਰਾਂ ਦਾ ਐਲਾਨ ਜਲਦੀ ਅਤੇ 4 ਜਿਲ੍ਹਾ ਪ੍ਰੀਸ਼ਦ ਦੇ ਉਮੀਦਵਾਰ ਵੀ ਜਲਦੀ ਐਲਾਨੇ ਜਾਣਗੇ

ਸ਼ਾਹਕੋਟ, 19 ਅਪ੍ਰੈਲ (ਸੁਖਦਪਿ ਸਚਦੇਵਾ) ਪੰਜਾਬ ਵਿੱਚ ਬਲਾਕ ਸੰਮਤੀਆਂ ਅਤੇ ਜਿ਼ਲ੍ਹਾ ਪ੍ਰੀਸ਼ਦ ਦੀਆਂ ਚੋਣਾਂ ਦਾ ਬਿਗਲ ਵਜਦਿਆਂ ਹੀ ਚੋਣ, ਸਰਗਰਮੀਆਂ ਸ਼ੁਰੂ ਹੋ ਗਈਆਂ ਹਨ . ਅੱਜ ਜਥੇਦਾਰ ਅਜੀਤ ਸਿੰਘ ‘ਕੋਹਾੜ’ ਮਾਲ ਅਤੇ ਮੁੜ ਵਸੇਬਾ ਵਿਭਾਗ ਦੇ ਮੰਤਰੀ ਨੇ ਬਲਾਕ ਸ਼ਾਹਕੋਟ ਦੇ ਸਰਗਰਮ ਅਕਾਲੀ ਦਲ ਦੇ ਵਰਕਰਾਂ, ਯੂਥ ਅਕਾਲੀ ਵਰਕਰਾਂ ਅਤੇ ਅਕਾਲੀ ਦਲ ਦੇ ਅਹੁਦੇਦਾਰਾਂ ਨਾਲ ਬਲਾਕ ਸੰਮਤੀਆਂ ਤੇ ਜਿ਼ਲ੍ਹਾ ਪ੍ਰੀਸ਼ਦ ਦੀਆਂ ਚੋਣਾਂ ਸਬੰਧੀ ਹੰਗਾਮੀ ਮੀਟਿੰਗ ਬਾਬਾ ਸੁਖਚੈਨ ਦਾਸ ਦੇ ਗੁਰਦੁਆਰਾ, ਬਾਜਵਾ ਕਲਾਂ ਵਿਖੇ ਕੀਤੀ  . ਸ਼ਾਹਕੋਟ ਦੀ ਬਲਾਕ ਸੰਮਤੀ ‘ਚ 15 ਜ਼ੋਨਾਂ ਤੋਂ ‘15 ਬਲਾਕ ਸੰਮਤੀ ਦੇ ਮੈਂਬਰ ਚੁਣੇ ਜਾਣੇ ਹਨ ਅਤੇ ਸ਼ਾਹਕੋਟ ਦੀ ਸਬ-ਡਵੀਜ਼ਨ ‘ਚ 4 ਜਿ਼ਲ੍ਹਾ ਪ੍ਰੀਸ਼ਦ ਮੈਂਬਰ ਚੁਣੇ ਜਾਣੇ ਹਨ .  15 ਬਲਾਕ ਸੰਮਤੀ ਦੇ ਮੈਂਬਰਾਂ ‘ਚ 5 ਜ਼ੋਨ ਜਨਰਲ ਮਰਦ, 3 ਇਸਤਰੀਆਂ ਜਨਰਲ, 1 ਬੀ।ਸੀ। ਇਸਤਰੀ ਜਾਂ ਮਰਦ, 4 ਐਸ।ਸੀ। (ਮਰਦ) ਅਤੇ 2 ਐਸ।ਸੀ। ਇਸਤਰੀਆਂ ਦੇ ਅਨੁਸਾਰ ਉਮੀਦਵਾਰ ਚੋਣ ਲੜ ਸਕਣਗੇ . ਜਿ਼ਲ੍ਹਾ ਪ੍ਰੀਸ਼ਦ ਦੇ 4 ਮੈਂਬਰ ਸ਼ਾਹਕੋਟ ਸਬ ਡਵੀਜ਼ਨ ਤੋਂ ਚੋਣ ਲੜਨਗੇ, ਇਹ ਚਾਰ ਮੈਂਬਰ, ਜਿ਼ਲ੍ਹਾ ਪ੍ਰੀਸ਼ਦ ਦੀ ਢੰਡੋਵਾਲ ਜ਼ੋਨ ਤੋਂ ਐਸ।ਸੀ।(ਮਰਦ), ਕੁਲਾਰ ਜ਼ੋਨ ਤੋਂ ਐਸ।ਸੀ। (ਮਰਦ), ਬਾਜਵਾ ਕਲਾਂ ਜ਼ੋਨ ਤੋਂ ਐਸ।ਸੀ। (ਇਸਤਰੀ) ਅਤੇ ਗਿੱਦੜ ਪਿੰਡੀ ਤੋਂ ਐਸ।ਸੀ।(ਮਰਦ) ਚੋਣ ਲੜ ਸਕੇਗਾ . ਜਥੇ: ਕੋਹਾੜ ਨੇ ਬਲਾਕ ਸੰਮਤੀ ਦੇ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕਰਕੇ, ਚੋਣ ਮੁਹਿੰਮ ਦਾ ਬਿਗਲ ਵਜਾ ਦਿੱਤਾ ਹੈ . ਪੂਨੀਆਂ ਜ਼ੋਨ ਤੋਂ ਤੇਜਾ ਸਿੰਘ ਮਾਣਕਪੁਰ (ਸਾਬਕਾ ਸਰਪੰਚ), ਪਰਜੀਆਂ ਕਲਾਂ ਜ਼ੋਨ ਤੋਂ ਤਰਸਿੰਦਰ ਸਿੰਘ ਰੌਂਤ ਚੇਅਰਮੈਨ ਸਹਿਕਾਰੀ ਖੇਤੀਬਾੜੀ ਵਿਕਾਸ ਬੈਂਕ, ਤਲਵੰਡੀ ਬੂਟੀਆਂ ਜ਼ੋਨ ਤੋਂ ਮਲਕੀਤ ਸਿੰਘ ਰਾਜੇਵਾਲ, ਮੀਏਂਵਾਲ ਅਰਾਈਆਂ ਤੋਂ ਸਵਿਤਾ ਸਹੋਤਾ, ਕੋਟਲੀ ਗਾਜਰਾਂ ਜ਼ੋਨ ਤੋਂ ਬਿਮਲਾ ਰਾਣੀ ਅਤੇ ਬੁੱਢਣਵਾਲ ਜ਼ੋਨ ਤੋਂ ਜਸਵਿੰਦਰ ਕੌਰ ਬਲਾਕ ਸੰਮਤੀ ਦੀ ਚੋਣ ਲੜਨਗੇ . ਬਲਾਕ ਸੰਮਤੀ ਦੀਆਂ ਚੋਣਾਂ ਲਈ ਜੋ ਉੱਕਤ 6 ਉਮੀਦਵਾਰਾਂ ਦਾ ਐਲਾਨ ਕੀਤਾ ਗਿਆ ਹੈ, ਇਹ ਸਾਰੇ ਹੀ ਅਕਾਲੀ ਦਲ ਦੇ ਮਜ਼ਬੂਤ ਉਮੀਦਵਾਰ ਹਨ . ਜਥੇ: ਕੋਹਾੜ ਅਨੁਸਾਰ ਬਾਕੀ ਰਹਿੰਦੇ ਉਮੀਦਵਾਰਾਂ ਦਾ ਐਲਾਨ ਇੱਕ-ਦੋ ਦਿਨਾਂ ‘ਚ ਕਰ ਦਿੱਤਾ ਜਾਵੇਗਾ . ਅਕਾਲੀ ਦਲ ਬਲਾਕ ਸੰਮਤੀ ਦੇ 6 ਮੈਂਬਰਾਂ ਦੇ ਨਾਵਾਂ ਦਾ ਐਲਾਨ ਕਰਕੇ ਪਹਿਲ ਕਦਮੀ ਕੀਤੀ ਹੈ .