ਜਰਮਨੀ- ਕਲੋਨ-ਸਰਦੂਲ ਸਿੰਘ ਸੇਖੋਂ - ਗੁਰਦੁਆਰਾ ਸ਼੍ਰੀ ਦਸਮੇਸ਼ ਸਿੰਘ ਸਭਾ ਕਲੋਨ ਜਰਮਨੀ ਵਿਖੇ ਜੂਨ 1984 ਦੇ ਘੱਲੂਘਾਰੇ ਦੇ ਸਮੇ ਸ਼ਹੀਦ ਹੋਏ ਸਮੂੰਹ ਸਿੰਘਾ  ਦੀ ਯਾਦ ਵਿੱਚ ਮਹਾਨ ਸ਼ਹੀਦੀ ਸਮਾਗਮ ਕੀਤਾ ਗਿਆ ਜਿਸ ਵਿੱਚ ਜਰਮਨ ਭਰ ਤੋ ਸਿੱਖ ਸੰਗਤਾਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆ ,ਪੰਥਕ ਜਥੇਬੰਦੀਆ ਦੇ ਆਗੂ ਸ਼ਾਮਲ ਹੋਏ । ਇਸ ਮੌਕੇ ਸ਼੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਪਾਏ ਗਏ ਉਪਰੰਤ ਕੀਰਤਨ ਦਰਬਾਰ ਸਜਾਏ ਗਏ ,ਭਾਈ ਜਸਵੰਤ ਸਿੰਘ ਬੱਬਰ ਨੇ ਕਵੀਸ਼ਰੀ ਨਾਲ ਸ਼ਹੀਦੀ ਸਮਾਗਮ ਦੀ ਅਰੰਭਤਾ ਕੀਤੀ,ਕਾਕਾ ਮਨਵੀਰ ਸਿੰਘ ਨੇ ਸ਼ਹੀਦਾ ਦੀ ਯਾਦ ਚ ਕਵਿਤਾ ਪੜ੍ਹੀ । ਉਪਰੰਤ ਪੰਥਕ ਢਾਡੀ ਜਥਾ ਗਿਆਨੀ ਜਵਾਲਾ ਸਿੰਘ ਪਤੰਗਾ ਮਾਧੋਪੁਰ ਵਾਲਿਆ ਨੇ ਜੋਸ਼ੀਲੀਆ ਵਾਰਾਂ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ ।ਉਪਰੰਤ ਸਿੱਖ ਫੇਡਰੇਸ਼ਨ ਜਰਮਨੀ ਦੇ ਆਗੂ ਭਾਈ ਗੁਰਦਿਆਲ ਸਿੰਘ ਲਾਲੀ ਨੇ ਜੂਨ 1984 ਦੇ ਸ਼ਹੀਦਾ ਅਤੇ ਸਿੱਖ ਸੰਘਰਸ਼ ਦੇ ਸਮੂੰਹ ਸ਼ਹੀਦਾ ਨੂੰ ਸ਼ਰਧਾਜਲੀਆ ਭੇਟ ਕੀਤੀਆ ।

ਲੰਡਨ- ਦੁਨੀਆਂ ਦਾ ਹਰ ਦੇਸ਼ ਨਕਲੀ ਨੋਆਂ ਤੋਂ ਪ੍ਰੇਸ਼ਾਨ ਹੈ। ਅਮਰੀਕਾ, ਕੈਨੇਡਾ, ਭਾਰਤ ਹੋਵੇ ਜਾਂ ਫਿਰ ਬ੍ਰਿਟੇਨ ਬਾਜ਼ਾਰ ਵਿਚ ਹਰ ਮੁਲਕ ਦੇ ਨਕਲੀ ਨੋਟਾਂ ਦੀ ਭਰਮਾਰ ਹੈ। ਹਰ ਦੇਸ਼ ਨਕਲੀ ਨੋਟਾਂ ਤੋਂ ਬਚਣ ਦੇ ਲਈ ਕਦਮ ਚੁੱਕਦਾ ਰਹਿੰਦਾ ਹੈ, ਫਿਰ ਵੀ ਇਹ ਸਮੱਸਿਆ ਜਿਉਂ ਦੀ ਤਿਉਂ ਕਾਇਮ ਹੈ। ਜ਼ਰਾ ਸੋਚੋ ਜੇਕਰ ਤੁਸੀਂ ਨੋਟ ਨੂੰ ਮੋੜਦੇ ਹੀ ਪਛਾਣ ਜਾਓ ਕਿ ਇਹ ਨਕਲੀ ਹੈ ਜਾਂ ਅਸਲੀ ਤਾਂ ਇਹ ਸਮੱਸਿਆ ਪੂਰੀ ਤਰ੍ਹਾਂ ਖਤਮ ਹੋ ਜਾਵੇਗੀ। ਬ੍ਰਿਟਿਸ਼ ਮਾਹਿਰਾਂ ਦੇ ਇਕ ਨਵੇਂ ਸੁਝਾਅ ਤੋਂ ਕੁਝ ਇਸੇ ਕਿਸਮ ਦੀ ਉਮੀਦ ਜਾਗੀ ਹੈ।
 ਬ੍ਰਿਟੇਨ ਦੀ ਫੌਜ ਦੇ ਲਈ ਖੋਜ ਦਾ ਕੰਮ ਕਰਨ ਵਾਲੇ ਕਯੂਨੇਟਿਕ ਕੰਪਨੀ ਦੇ ਇਕ ਮਾਹਿਰ ਨੇ ਸੁਝਾਅ ਦਿੱਤਾ ਹੈ ਕਿ ਇਸ ਸਮੱਸਿਆ ਨਾਲ ਮੈਗਨੈਟਿਕ ਇੰਕ ਦੇ ਜ਼ਰੀੇਏ ਨਿਪਟਿਆ ਜਾ ਸਕਦਾ ਹੈ। ਉਹਨਾਂ ਨੇ ਕਿਹਾ ਕਿ ਜੇਕਰ ਨੋਟ ਮੈਗਟੈਲਿਕ ਇੰਕ ਨਾਲ ਛਾਪਿਆ ਹੋਵੇ ਤਾਂ ਉਸਨੂੰ ਮੋੜਦੇ ਹੀ ਪਤਾ ਲੱਗ ਜਾਵੇਗਾ ਕਿ ਇਹ ਅਸਲੀ ਹੈ ਜਾਂ ਨਕਲੀ। ਅਜਿਹੇ ਨੋਟਾਂ ਦੀ ਕਾਪੀ ਕਰਕੇ ਨਕਲੀ ਬਣਾਉਣਾ ਸੰਭਵ ਨਹੀਂ ਹੋਵੇਗਾ। ਇਸ ਤਕਨੀਕ ਦੇ ਮੁਤਾਬਕ ਹਰ ਨੋਟ ‘ਤੇ ਦੋ ਧਰੁਵ ਬਣ ਜਾਣਗੇ, ਜੋ ਨੋਟ ਨੁੰ ਮੋੜਦੇ ਹੀ ਇਕ ਦੂਜੇ ਨੂੰ ਆਪਣੇ ਵੱਲ ਖਿੱਚਣਗੇ, ਇਹ ਖਿਚਾਅ ਕਾਫੀ ਹਲਕਾ ਹੋਵੇਗਾ। ਇਸ ਤਰ੍ਹਾਂ ਅਸਲੀ ਅਤੇ ਨਕਲੀ ਨੋਟਾਂ ਵਿਚ ਆਸਾਨੀ ਨਾਲ ਫਰਕ ਕੀਤਾ ਜਾ ਸਕਦਾ ਹੈ।
 ਬ੍ਰਿਟਿਸ਼ ਮਾਹਿਰਾਂ ਦੇਮੁਤਾਬਕ ਇਸ ਤਕਨੀਕ ਦਾ ਇਸਤੇਮਾਲ ਪਾਸਪੋਰਟ ਅਤੇ ਦੂਜੇ ਮਹੱਤਵਪੂਰਨ ਕਾਗਜ਼ਾਤਾਂ ਵਿਚ ਵੀ ਕੀਤਾ ਜਾ ਸਕਦਾ ਹੈ। ਹਾਲੇ ਨੋਟਾਂ ‘ਤੇ ਸੁਰੱਖਿਆ ਦੇ ਲਿਹਾਜ ਨਾ ਵਾਟਰਮਾਰਕ ਅਤੇ ਹੋਲੋਗ੍ਰਾਮ ਤਕਨੀਕ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ। ਇਸ ਤਰ੍ਹਾਂ ਦੇ ਸੁਰੱਖਿਆ ਮਾਪਦੰਡਾਂ ਨੂੰ ਅਲਟਰਾਵਾਇਲਟ ਪ੍ਰਕਾਸ਼ ਵਿਚ ਸਾਫ ਪਛਾਣਿਆ ਜਾ ਸਕਦਾ ਹੈ। ਬ੍ਰਿਟਿਸ਼ ਮਾਹਿਰਾਂ ਨੇ ਹਾਲਾਂਕਿ ਇਹ ਨਹੀਂ ਦੱਸਿਆ ਕਿ ਇਸ ਨਵੀਂ ਤਕਨੀਕ ਦੀ ਜਾਲਸਾਜ਼ ਕਾਪੀ ਕਰ ਸਕਣਗੇ ਜਾਂ ਨਹੀਂ।

ਨਿਊ ਹੈਵਨ-ਬ੍ਰਿਟੇਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਟੋਨੀ ਬਲੇਅਰ ਨੇ ਯਾਲੇ ਯੂਨੀਵਰਸਿਟੀ ਦੇ ਗ੍ਰੈਜੂਏਟਾਂ ਨੂੰ ਕਿਹਾ ਕਿ ਭਾਰਤ ਅਤੇ ਚੀਨ ਵਰਗੇ ਦੇਸ਼ ਤੇਜ਼ੀ ਨਾਲ ਸ਼ਕਤੀਸ਼ਾਲੀ ਹੋ ਰਹੇ ਹਨ, ਇਸ ਕਰਕੇ ਇਹਨਾਂ ਨਾਲ ਵਿਵਾਦਾਂ ਤੋਂ ਬਚਣ ਦੇ ਲਈ ਹਿੱਸੇਦਾਰੀ ਜ਼ਰੂਰੀ ਹੈ। ਬਲੇਅਰ ਨੇ ਕਿਹਾ ਕਿ ਪਹਿਲੀ ਵਾਰ ਤਾਕਤ ਪੂਰਬ ਵੱਲ ਜਾ ਰਹੀ ਹੈ।
 ਉਹਨਾਂ ਨੇ ਕਿਹਾ ਕਿ ਅਗਲੇ ਦੋ ਦਹਾਕਿਆਂ ਵਿਚ ਭਾਰਤ ਅਤੇ ਚੀਨ ਵਿਚ ਉਦਯੋਗੀਕਰਨ ਅਮਰੀਕੀ ਦੀ ਤੁਲਨਾ ਵਿਚ ਚਾਰ ਗੁਣਾਂ ਹੋਵੇਗਾ। ਬਲੇਅਰ ਨੇ ਕਿਹਾ ਕਿ ਸਾਨੂੰ ਜਾਣਨਾ ਚਾਹੀਦਾ ਹੈ ਕਿ ਇਸ ਨਵੇਂ ਵਿਸ਼ਵ ਵਿਚ ਸਾਨੂੰ ਹਿੱਸੇਦਾਰੀ ਦਾ ਰਸਤਾ ਚੁਣਨਾ ਹੋਵੇਗਾ ਨਾ ਕਿ ਤਾਕਤ ਨੂੰ ਲੈ ਕੇ ਇਕ ਦੂਜੇ ਦੇ ਆਹਮੋ-ਸਾਹਮਣੇ ਹੋਣਾ ਹੋਵੇਗਾ। ਬਲੇਅਰ ਨੇ ਇਹ ਵੀ ਕਿਹਾ ਕਿ ਗ੍ਰੈਜੂਏਟਾਂ ਨੂੰ ਮੌਸਮ ਤਬਦੀਲੀ, ਖੁਰਾਕ ਸੁਰੱਖਿਆ, ਵਧਦੀ ਆਬਾਦੀ ਅਤੇ ਧਰਮ ਆਧਾਰਿਤ ਅੱਤਵਾਦ ਵਰਗੇ ਕੌਮਾਂਤਰੀ ਮੁੱਦਿਆਂ ਨਾਲ ਜੂਝਣਾ ਹੋਵੇਗਾ। ਉਹਨਾਂ ਨੇ ਵਿਦਿਆਰਥੀਆਂ ਨੂੰ ਇਕ ਉਦੇਸ਼ ਮਈ ਜ਼ਿੰਦਗੀ ਜਿਊਣ ਲਈ ਕਿਹਾ।