|
ਸੰਯੁਕਤ ਰਾਸ਼ਟਰ ਨੇ ਆਸਕਰ ਐਵਾਰਡ ਜੇਤੂ ਕਲੂਨੀ ਦਾ ਮੂੰਹ ਬੰਦ ਕਰਵਾਇਆ |
|
Wednesday, 06 February 2008 |
 ਨਿਊਯਾਰਕ - ਜਾਪਦਾ ਹੈ ਕਿ ਸੰਯੁਕਤ ਰਾਸ਼ਟਰ ਦੇ ਨੌਂਵੇਂ ਅਮਨ ਦੂਤ ਜਾਰਜ ਕਲੂਨੀ ਲਈ ਆਉਣ ਵਾਲੇ ਦਿਨ ਕਾਫੀ ਔਖੇ ਹੋ ਸਕਦੇ ਹਨ। ਆਸਕਰ ਪੁਰਸਕਾਰ ਜੇਤੂ ਕਲੂਨੀ ਨੇ ਜਦੋਂ ਸੰਯੁਕਤ ਰਾਸ਼ਟਰਦੇ ਮੁੱਖ ਦਫਤਰ ਵਿੱਚ ਕਾਰਫੁਰ ਵਿੱਚ ਆਪਣੇ ਅਨੁਭਵਾਂ ਬਾਰੇ ਭਾਸ਼ਣਾ ਦੇਣਾ ਸ਼ੁਰੂ ਕੀਤਾ ਤਾਂ, ਉਸ ਨੂੰ ਰੋਕ ਦਿੱਤਾ ਗਿਆ। ਰੂਸ ਅਤੇ ਫਰਾਂਸ ਸਣੇ ਕਈ ਦੇਸ਼ਾਂ ਨੇ ਉਸ ਨੂੰ ਸਰਵਜਨਕ ਤੌਰ ‘ਤੇ ਬੋਲਣ ਦੀ ਆਗਿਆ ਨਾ ਦਿੱਤੀ। ਇਹ ਦੇਸ਼ ਸੰਯੁਕਤ ਰਾਸ਼ਟਰ ਦੇ 17 ਅਮਨ ਮਿਸ਼ਨਾਂ ਲਈ ਆਪਣੇ ਫੌਜੀ ਦਸਤੇ ਭੇਜਦੇ ਹਨ। ਸੰਯੁਕਤ ਰਾਸ਼ਟਰ ਦੇ ਸੂਤਰਾਂ ਅਨੁਸਾਰ ਇਹ ਦੇਸ਼ ਇਸ ਖਿਆਲ ਦੇ ਵੀ ਵਿਰੁੱਧ ਸਨ ਕਿ ਕੋਈ ਐਕਟਰ ਸੁਡਾਨ ਅਤੇ ਨਾਲ ਲੱਗਦੇ ਦੇਸ਼ ਚਾਡ ਵਿੱਚ ਚੱਲ ਰਹੇ ਖੂਨ-ਖਰਾਬੇ ਬਾਰੇ ਉਨ੍ਹਾਂ ਨੂੰ ਜਾਣਕਾਰੀ ਦੇਵੇ। ਉਂਝ, ਦੇਸ਼ਾਂ ਦੇ ਪ੍ਰਤੀਨਿਧਾਂ ਦੀ ਮੀਟਿੰਗ ਵਿੱਚ ਬੋਲਣ ਦੀ ਬਜਾਏ ਕਲੂਨੀ ਨੇ ਪੱਤਰਕਾਰਾਂ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ ਕਿ, ‘ਮੈਨੂੰ ਇੱਥੇ ਅਮਨ ਦੂਤ ਬਣ ਕੇ ਆਉਣ ‘ਤੇ ਫਖਰ ਹੈ ਅਤੇ ਮੇਰਾ ਸੰਦੇਸ਼ ਇਹ ਹੈ ਕਿ ਦੁਨੀਆਂ ਦੇਖ ਰਹੀ ਹੈ ਕਿ ਇਸ ਮੌਕੇ ਅਸੀਂ ਨਾਕਾਮੀ ਦਾ ਬੋਝ ਬਰਦਾਸ਼ਤ ਨਹੀਂ ਕਰ ਸਕਦੇ।” ਉਨ੍ਹਾਂ ਕਿਹਾ ਕਿ ਉਹ ਖੁਦ ਇੱਕ ਪੱਤਰਕਾਰ ਦੇ ਪੁੱਤਰ ਹਨ। ਸੰਦੇਸ਼ ਵਾਹਕ ਦੇ ਕੰਮ ਨਾਲ ਤੱਥਾਂ ਨਾਲ ਸਿੱਝਣ ਦੀ ਜਿੰਮੇਵਾਰੀ ਜੁੜੀ ਹੁੰਦੀ ਹੈ ਨਾ ਕਿ ਲੋਕਾਂ ਨੂੰ ਉਹ ਦੱਸਿਆ ਜਾਵੇ ਜੇ ਉਹ ਸੁਣਨਾ ਚਾਹੁੰਦੇ ਹੋਣ ਸਗੋਂ ਉਨ੍ਹਾਂ ਅਣਪੁਣਿਆ ਸੱਚ ਦੱਸਿਆ ਜਾਵੇ।
|
