ਵਾਸਿ਼ੰਗਟਨ - ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਿਲ ਕਲਿੰਟਨ ਨੇ ਮੰਨਿਆ ਹੈਕਿ ਉਸਨੇ ਰਾਸ਼ਟਰਪਤੀ ਅਹੁਦੇ ਦੀ ਦੌੜ ਵਿੱਚ ਸ਼ਾਮਲ ਆਪਣੀ ਪਤਨੀ ਹਿਲੇਰੀ ਕਲਿੰਟਨ ਦੀ ਪ੍ਰਚਾਰ ਮੁਹਿੰਮ ਦੌਰਾਨ ਇੱਕ ਟਿੱਪਣੀ ਕਰਕੇ ਗਲਤੀ ਕੀਤੀ ਸੀ ਪਰ ਉਨ੍ਹਾਂ ਨੇ ਕਦੀ ਵੀ ਹਿਲੇਰੀ ਕਲਿੰਟਨ ਦੇ ਵਿਰੋਧੀ ਉਮੀਧਵਾਰ ਬਰਾਕ ਓਬਾਮਾ ‘ਤੇ ਨਿੱਜੀ ਹਮਲਾ ਨਹੀਂ ਕੀਤਾ। ਕਲਿੰਟਨ ਨੇ ਕਿਹਾ ਕਿ ਮੈਂ ਸਮਝਦਾ ਹਾਂ ਕਿ ਮੇਰੀ ਇਹ ਸੋਚ ਗਲਤ ਸੀ ਕਿ ਮੈਂ ਦੂਜੇ ਪਤੀਆਂ ਵਾਂਗ ਹੀ ਜਾਂ ਜਿਹੜਾ ਆਪਣੇ ਉਮੀਦਵਾਰ ਦਾ ਬਚਾਅ ਕਰ ਸਕਦਾ ਹਾਂ। ਗੌਰਤਲਬ ਹੈ ਕਿ ਕਲਿੰਟਨ ਨੇ ਹਿਲੇਰੀ ਦੇ ਪੱਖ ਵਿੱਚ ਪ੍ਰਚਾਰ ਕਰਦਿਆਂ ਬਰਾਕ ਓਬਾਮ ਦੀ ਤੁਲਨਾ ਪਹਿਲੇ ਕਾਲੇ ਨੇਤਾ ਜੈਕਸਨ ਨਾਲ ਕੀਤੀ ਸੀ ਜਿਸ ਤੋਂ ਵਿਵਾਦ ਪੈਦਾ ਹੋ ਗਿਆ ਸੀ। ਪਰ ਕਲਿੰਟਨ ਨੇ ਹੁਣ ਕਿਹਾ ਹੈ ਕਿ ਮੀਡੀਆ ਵੱਲੋਂ ਤੱਥਾਂ ਨੂੰ ਤਰੋੜ-ਮਰੋੜ ਕੇ ਪੇਸ਼ ਕੀਤਾ ਗਿਆ ਮੈਂ ਕਦੇ ਵੀ ਓਬਾਮਾ ‘ਤੇ ਨਿੱਜੀ ਹਮਲਾ ਨਹੀਂ ਕੀਤਾ।