ਨਵੀਂ ਦਿੱਲੀ - ਤੁਹਾਨੂੰ ਹਾਈ ਬਲੱਡ ਪ੍ਰੈਸ਼ਰ ਦੀ ਸਿ਼ਕਾਇਤ ਹੈ ਤਾਂ ਇਸਨੂੰ ਚੁਕੰਦਰ ਦਾ ਰਸ ਨਾਲ ਠੀਕ ਕੀਤਾ ਜਾ ਸਕਦਾ ਹੈ ਅਤੇ ਹਾਈ ਬਲੱਡ ਪ੍ਰੈਸ਼ਰ ਵਾਸਤੇ ਕਿਸੇ ਦਵਾਈ ਦੀ ਵੀ ਜਰੂਰਤ ਨਹੀਂ। ਬਰਤਾਨੀਆ ਵਿੱਚ ਬਾਰਟਸ ਅਤੇ ਲੰਡਨ ਸਕੂਲ ਆਫ ਮੈਡੀਸਨ ਦੇ ਵਿਗਿਆਨੀਆਂ ਨੇ ਇਸ ਬਾਰੇ ਅਧਿਐਨ ਕੀਤਾ ਹੈ ਕਿ ਜੇਕਰ ਹਫਤੇ ਵਿੱਚ ਕੇਵਲ ਅੱਧਾ ਲੀਟਰ ਜੂਸ ਹਰ ਰੋਜ਼ ਪੀਤਾ ਜਾਵੇ ਤਾਂ ਬਲੱਡ ਪ੍ਰੈਸ਼ਰ ਦੀ ਬੀਮਾਰੀ ਉੱਤੇ ਕਾਬੂ ਪਾਇਆ ਜਾ ਸਕਦਾ ਹੈ। ਵਿਗਿਆਨੀਆਂ ਮੁਤਾਬਕ ਚੁਕੰਦਰ ਵਿੱਚ ਨਾਈਟ੍ਰੇਟ ਦੇ ਸੰਅਟਕ ਹੁੰਦੇ ਹਨ ਅਤੇ ਇਹ ਕਾਫੀ ਹੱਦ ਤੱਕ ਪੱਤੇਦਾਰ ਹਰੀਆਂ ਸਬਜ਼ੀਆਂ ਵਿੱਚ ਵੀ ਦੇਖੇ ਜਾ ਸਕਦੇ ਹਨ। ਵਿਗਿਆਨੀਆਂ ਦੀ ਟੀਮ ਦੇ ਮੁਖੀ ਪ੍ਰੋ. ਅੰਮ੍ਰਿਤਾ ਆਹਲੂਵਾਲੀਆ ਨੇ ‘ਦਿ ਡੇਲੀ ਟੈਲੀਗ੍ਰਾਫ’ ਦੇ ਹਵਾਲੇ ਨਾਲ ਦੱਸਿਆ, “ਸਾਡਾ ਅਧਿਐਨ ਸੁਝਾਅ ਦਿੰਦਾ ਹੈ ਕਿ ਚੁਕੰਦਰ ਦਾ ਰਸ ਪੀਣ ਜਾਂ ਹੋਰ ਨਾਈਟ੍ਰੇਟ ਯੁਕਤ ਸਬਜ਼ੀਆਂ ਖਾਣ ਨਾਲ ਹਿਰਦੇ ਗਤੀ ਪ੍ਰਣਾਲੀ ਨੂੰ ਕਾਬੂ ਵਿੱਚ ਰੱਖਿਆ ਜਾ ਸਕਦਾ ਹੈ।” ਅਧਿਐਨ ਅਨੁਸਾਰ 14 ਸਿਹਤਮੰਦ ਵਿਅਕਤੀਆਂ ਨੂੰ 500 ਮਿਲੀਲੀਟਰ ਚੁਕੰਦਰ ਦਾ ਰਸ ਜਾਂ ਇਤਨੀ ਹੀ ਮਾਤਰਾ ਵਿੱਚ 30 ਦਿਨ ਤੱਕ ਪਾਣੀ ਪਿਲਾਇਆ ਗਿਆ, ਇਨ੍ਹਾਂ ਦਾ ਬਲੱਡ ਪ੍ਰੈਸ਼ਰ ਲਗਾਤਾਰ ਹਰ 15 ਮਿੰਟਾਂ ਮਗਰੋਂ ਚੈੱਕ ਕੀਤਾ ਜਾਂਦਾ ਰਿਹਾ। ਆਖਰ ਵਿੱਚ ਮਿਆਦ ਪੂਰੀ ਹੋਣ ਮਗਰੋਂ ਦੇਖਿਆ ਗਿਆ ਕਿ ਚੁਕੰਦਰ ਦਾ ਰਸ ਪੀਣ ਵਾਲਿਆਂ ਦਾ ਬਲੱਡ ਪ੍ਰੈਸ਼ਰ ਬਿਲਕੁਲ ਨਾਰਮਲ ਸੀ।