|
ਨਟਵਰ ਸਿੰਘ ਭਾਜਪਾ ਵਿੱਚ ਸ਼ਾਮਲ ਹੋਣਗੇ |
|
Saturday, 16 February 2008 |
ਮੁੰਬਈ - ਭਾਜਪਾ ਦੇ ਕੌਮੀ ਜਨਰਲ ਸਕੱਤਰ ਗੋਪੀ ਨਾਥ ਮੁੰਡੇ ਨੇ ਇੱਥੇ ਕਿਹਾ ਕਿ ਸਾਬਕਾ ਵਿਦੇਸ਼ ਮੰਤਰੀ ਨਟਵਰ ਸਿੰਘ ਤੇ ਉਨ੍ਹਾਂ ਦੇ ਪੁੱਤਰ ਜਗਤ ਸਿੰਘ ਸੰਭਵ ਤੌਰ ‘ਤੇ ਛੇਤੀ ਹੀ ਭਾਜਪਾ ਵਿੱਚ ਸ਼ਾਮਲ ਹੋ ਜਾਣਗੇ। ਉਨ੍ਹਾਂ ਕਿਹਾ ਕਿ ਅਸੀਂ ਖੁੱਲ੍ਹੀਆਂ ਬਾਹਵਾਂ ਨਾਲ ਪਿਉ-ਪੁੱਤਰ ਦਾ ਸਵਾਗਤ ਕਰਾਂਗੇ। ਸਾਬਕਾ ਵਿਦੇਸ਼ ਮੰਤਰੀ ਕੇ. ਨਟਵਰ ਸਿੰਘ ਜਿਨ੍ਹਾਂ ਕਾਂਗਰਸ ਤੋਂ ਪਿਛਲੇ ਦਿਨੀਂ ਆਪਣੇ ਅਸਤੀਫੇ ਦਾ ਐਲਾਨ ਕਰ ਦਿੱਤਾ ਸੀ, ਨੇ ਸਪਸ਼ੱਟ ਕੀਤਾ ਹੈ ਕਿ ਉਹ ਅਨਾਜ ਬਦਲੇ ਤੇਲ ਘਪਲੇ ਤੋਂ ਭੜਕਾਹਟ ਵਿੱਚ ਨਹੀਂ ਆਏ ਜਿਵੇਂ ਕਿ ਜੈਪੁਰ ਤੋਂ ਮੀਡੀਆ ਖਬਰਾਂ ਵਿੱਚ ਜਿ਼ਕਰ ਕੀਤਾ ਗਿਆ ਹੈ। ਨਟਵਰ ਸਿੰਘ ਨੇ ਇੱਕ ਬਿਆਨ ਵਿੱਚ ਕਿਹਾ, “ਜਸਟਿਸ ਪਾਠਕ ਕਮੇਟੀ, ਜਿਸਨੇ ਘਪਲੇ ਦੀ ਜਾਂਚ ਕੀਤੀ ਸੀ, ਨੇ ਸਪਸ਼ੱਟ ਕਿਹਾ ਸੀ ਕਿ ਇਹ ਦਿਖਾਉਣ ਲਈ ਕੋਈ ਠੋਸ ਸਬੂਤ ਨਹੀਂ ਹੈ ਕਿ ਉਨ੍ਹਾਂ ਇਰਾਕ ਨਾਲ ਤੇਲ ਠੇਕਿਆਂ ਤੋਂ ਮਾਲੀ ਜਾਂ ਕੋਈ ਹੋਰ ਨਿੱਜੀ ਲਾਭ ਲਿਆ ਸੀ।”
|