ਇਟਲੀ – (ਗੁਰਮੁਖ ਸਿੰਘ ਸਰਕਾਰੀਆ)  ਲੋਕ ਆਵਾਜ਼ ਪ੍ਰੈੱਸ ਯੂਨੀਅਨ ਇਟਲੀ ਦੇ ਅਹੁੱਦੇਦਾਰਾਂ ਨੇ ਪੰਜਾਬ ਸਰਕਾਰ ਵਲੋਂ ਸਪੋਕਸਮੈਨ ਦੇ ਮੁੱਖ ਸੰਪਾਦਕ ਸ੍ਰ ਜੋਗਿੰਦਰ ਸਿੰਘ ਤੇ ਫਰਜੀ ਕੇਸ ਦਰਜ਼ ਕਰਨ ਦੀ ਨਿੰਦਾ ਕਰਦਿਆਂ ਕਿਹਾ ਪ੍ਰੈੱਸ ਲੋਕਤੰਤਰ ਦਾ ਤੀਜਾ ਥੰਮ ਹੈ ਤੇ ਪ੍ਰੈੱਸ ਦੀ ਅਜ਼ਾਦੀ ਬਰਕਰਾਰ ਰਹਿਣੀ ਚਾਹੀਦੀ ਹੈ , ਪ੍ਰੰਤੂ ਸਮੇਂ ਸਮੇਂ ਦੀਆਂ ਦੀਆਂ ਵਰਤਮਾਨ ਸਰਕਾਰਾਂ ਪ੍ਰੈੱਸ ਨੂੰ ਆਪਣਾ ਹੱਥ ਠੋਕਾ ਬਣਾ ਕੇ ਵਰਤਣ ਦਾ ਯਤਨ ਕਰਦੀਆਂ ਹਨ ਤੇ ਸਰਕਾਰ ਦੇ ਮੁਤਾਬਕ ਚੰਨ ਨੂੰ ਸੂਰਜ  ਤੇ ਦਿਨ ਨੂੰ ਰਾਤ ਨਾ ਕਹਿਣ ਵਾਲੀਆਂ ਅਖ਼ਬਾਰਾਂ ਨੂੰ ਹੁਕਮਰਾਨਾਂ ਦੀ ਨਰਾਜ਼ਗੀ ਦਾ ਸਾਹਮਣਾ ਕਰਨਾ ਪੈ ਜਾਂਦਾ  ਹੈ ਤੇ ਸਰਕਾਰ ਨੂੰ ਗੁੱਸਾ ਕਰਨ ਦਾ ਖਮਿਆਜ਼ਾ ਸਰਕਾਰੀ ਇਸ਼ਤਿਹਾਰਾਂ ਤੋਂ ਵਾਂਝੇ ਰਹਿ ਕੇ ਭੁਗਤਣਾ ਪੈਂਦਾ ਹੈ ਜੋ ਰੋਜ਼ਾਨਾਂ ਸਪੋਕਸਮੈਨ ਨੇ ਸੱਚ ਨੂੰ ਸੱਚ ਕਹਿ ਕੇ ਨਿਧੱੜਕ ਪੱਤਰਕਾਰੀ ਸਬੂਤ ਦਿੱਦਿਆਂ ਭੁਗਤਣਾ ਪੇ ਰਿਹਾ ਹੈ। ਇੱਥੇ ਹੀ ਬੱਸ ਨਹੀਂ  ਹੁਕਮਰਾਨਾਂ ਦੀ ਇਹ ਨਰਾਜ਼ਗੀ ਪੱਤਰਕਾਰਾਂ , ਸੰਪਾਦਕਾਂ ਤੇ ਕੇਸ ਦਰਜ਼ ਕਰ ਪ੍ਰਗਟ ਕੀਤੀ ਜਾਵੇਗੀ ਇਸ ਦਾ ਸਬੂਤ ਸਪੋਕਸਮੈਨ ਦੇ ਮੁੱਖ ਸੰਪਾਦਕ ਸ੍ਰ ਜੋਗਿੰਦਰ ਸਿੰਘ ਤੇ ਮੌਜੂਦਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਇੱਕ ਇਸ਼ਾਰੇ ਤੇ ਜਲੰਧਰ ਪੁਲਿਸ ਵਲੋਂ ਫਰਜ਼ੀ ਕੇਸ ਦਰਜ ਕਰਨ ਦਾ ਹੈ। ਪੱਤਰਕਾਰਾਂ ਨੇ ਕਿਹਾ ਕੇ ਸਰਕਾਰਾਂ ਅਕਸਰ ਹੀ ਸਰਕਾਰੀ ਇਸ਼ਤਿਹਾਰ ਬੰਦ ਕਰਕੇ ਪ੍ਰੈੱਸ ਨੂੰ ਆਰਥਿਕ ਪੱਖੋਂ ਕਮਜੋਰ ਕਰਨ ਦਾ ਭਰਮ ਪਾਲ ਲੈਂਦੀਆਂ ਹਨ ਪ੍ਰੰਤੂ ਚਹੇਤੇ ਪਾਠਕਾਂ ਦੇ ਸਾਥ ਸਦਕਾ ਹੁਕਮਰਾਨਾਂ ਦੇ ਇਹ ਮਨਸੂਬੇ ਸਫਲ ਨਹੀਂ ਹੁੰਦੇ । ਅੰਤ ਵਿਚ ਪ੍ਰੈੱਸ ਯੂਨੀਅਨ ਦੇ ਅਹੁਦੇਦਾਰਾਂ ਬਲਦੇਵ ਸਿੰਘ ਬੂਰੇਜੱਟਾਂ (ਪ੍ਰਧਾਨ) ,ਚੇਅਰਮੈਨ ਵਿਸ਼ਾਲ, ਕਨਵੀਨਰ ਪਰਮਜੀਤ ਸਿੰਘ ਕਰਮੋਨਾ, ਮੀਤ ਪ੍ਰਧਾਨ ਸ਼ਰਨਜੀਤ ਸਿੰਘ ਬੈਂਸ , ਮੀਤ ਪ੍ਰਧਾਨ ਸੱਤੀ ਕੰਵਰ  ਤੇ ਟੇਕ ਚੰਦ , ਮੁੱਖ ਸਕੱਤਰ ਪੱਪਾ ਸਿੰਘਪੁਰੀਆ ,ਜਨਰਲ ਸਕੱਤਰ ਪੰਮਾ ਲਸਾੜੀਆ, ਸਕੱਤਰ ਗੁਰਮੁਖ ਸਿੰਘ ਸਰਕਾਰੀਆ ,ਪ੍ਰੈੱਸ ਸਕੱਤਰ ਸੁਖਜਿੰਦਰ ਸਿੰਘ , ਮੁੱਖ ਸੰਪਾਦਕ ਇੰਡੋ ਇਟਾਲੀਅਨ ਜੋਗਾ ਸਿੰਘ ਸੰਘਾ , ਕਿਰਪਾਲ ਸਿੰਘ ਹੁੰਦਲ ਤੇ ਜਤਿੰਦਰ ਸਿੰਘ ਬੁਗਲੀ ਨੇ ਪੂਰੀ ਦੁਨੀਆਂ ਦੀ ਪੰਜਾਬੀ ਮੀਡੀਆ ਪ੍ਰੈੱਸ ,ਪੰਜਾਬੀ ਰੇਡੀਓ ਤੇ ਪੰਜਾਬੀ ਟੀ ਵੀ ਚੈਨਲਾਂ  ਨੂੰ ਪੁਰਜੋਰ ਅਪੀਲ ਕੀਤੀ ਕਿ ਹੁਣ ਸਮਾਂ ਹੈ ਸਪੋਕਸਮੈਨ ਦੇ ਹੱਕ ਵਿਚ ਖੜ੍ਹ ਕੇ ਏਕਤਾ ਦਾ ਸਬੂਤ ਦੇਈਏ ਤਾਂ ਜੋ ਪ੍ਰੈੱਸ ਦੇ ਅਜ਼ਾਦੀ ਬਰਕਰਾਰ ਰਹਿ ਸਕੇ।