ਨਵੀਂ ਦਿੱਲੀ- ਹਾਕੀ ਹਾਰ ਗਈ, ਗਿੱਲ ਅਜਿੱਤ ਹਨ, ਖੇਡ ਮੰਤਰਾਲਾ ਹੱਥ ਖੜ੍ਹੇ ਕਰ ਚੁੱਕਾ ਹੈ ਅਤੇ ਕੋਈ ਵੀ ਗਿੱਲ ਬਾਰੇ ਕੁਝ ਕਹਿਣ ਲਈ ਤਿਆਰ  ਨਹੀਂ। ਅਜਿਹੇ ਵਿਚ ਗਿੱਲ  ਨੂੰ ਹਰਾਉਣ ਲਈ ਭਾਰਤ ਦੇ ਰਾਜਨੀਤਿਕ ਅਖਾੜੇ ਦੇ ਖਿਡਾਰੀ ਸਾਹਮਣੇ ਆ ਗਏ ਹਨ।
 ਸਾਬਕਾ ਐਮ. ਪੀ. ਅਤੇ ਉਲੰਪੀਅਨ ਅਸਲਮ ਸ਼ੇਰ ਖਾਨ ਦੀ ਪਹਿਲ ‘ਤੇ ਚੱਲੀ ਦਸਤਖਤ ਮੁਹਿੰਮ ਵਿਚ ਸੌ ਤੋਂ ਵੱਧ ਸਾਂਸਦ ਸ਼ਾਮਲ ਹੋ ਚੁੱਕੇ ਹਨ। ਸਾਂਸਦਾਂ ਨੇ ਇਸ ਮਾਮਲੇ ਵਿਚ ਪ੍ਰਧਾਨ ਮੰਤਰੀ ਨੂੰ ਦਖਲ ਦੇ ਕੇ ਗਿੱਲ ਨੂੰ ਹਟਾਉਣ ਦੀ ਮੰਗ ਕੀਤੀ ਹੈ।
 ਭਾਰਤੀ ਹਾਕੀ ਟੀਮ ਦੇ 80 ਸਾਲਾਂ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਉਲੰਪਿਕ ਲਈ ਕੁਆਲੀਫਾਈ ਨਾ ਕਰ ਸਕਣ ਕਾਰਨ ਵਿਰੋਧੀ ਸੁਰਾਂ ਤੇਜ਼ ਹੋ ਗਈਆਂ ਹਨ। ਗਿੱਲ ਹਟਾਓ ਹਾਕੀ ਬਚਾਓ ਮੁਹਿੰਮ ਵਿਚ ਸੰਸਦ ਦੇ ਦੋਵੇਂ ਸਦਨਾਂ ਦੇ ਸਾਰੀਆਂ ਪਾਰਟੀਆਂ ਦੇ ਐਮ. ਪੀ. ਸ਼ਾਮਲ ਹਨ। ਸਾਬਕਾ ਹਾਕੀ ਖਿਡਾਰੀ ਅਤੇ ਸਾਬਕਾ ਸਾਂਸਦ ਅਸਲਮ ਸ਼ੇਖ ਖਾਨ ਨੇ ਦੱਸਿਆ ਕਿ ਇਸ ਮਾਮਲੇ ਵਿਚ ਸਾਰੇ ਐਮ. ਪੀ. ਇੱਕਮਤ ਹਨ। ਉਹਨਾਂ ਦਾ ਕਹਿਣਾ ਹੈ ਕਿ ਇਸ ਮੁਹਿੰਮ ਵਿਚ ਕਰੀਬ 200 ਐਮ. ਪੀ. ਸਾਡਾ ਸਾਥ ਦੇ ਰਹੇ ਹਨ। ਪੰਜਾਬ ਵਿਚ ਸਿੱਖ ਨਸਲਕੁਸ਼ੀ ਦੇ ਮੁੱਖ ਦੋਸ਼ੀ ਗਿੱਲ ‘ਤੇ ਹੁਣ ਸਰਕਾਰ ਨੂੰ ਸ਼ਿਕੰਜਾ ਕਸਣਾ ਹੀ ਪੈਣਾ ਹੈ।