|
ਹਾਕੀ ਦੇ ਵਿਕਾਸ ‘ਚ ਵੱਡੀ ਭੂਮਿਕਾ ਨਿਭਾਉਣਗੇ ਚਾਰਲਸਵਰਥ |
|
Sunday, 16 March 2008 |
 ਨਵੀਂ ਦਿੱਲੀ - ਓਲੰਪਿਕ ਲਈ ਕੁਆਲੀਫਾਈ ਨਾ ਕਰ ਸਕਣ ਤੋਂ ਬਾਅਦ ਚਾਰੇ ਪਾਸਿਆਂ ਤੋਂ ਦਬਾਅ ਝੱਲ ਰਹੇ ਭਾਰਤੀ ਹਾਕੀ ਮਹਾਸੰਘ (ਆਈ.ਐੱਚ.ਐੱਫ.) ਨੇ ਹੁਣ ਆਸਟ੍ਰੇਲੀਆ ਦੇ ਰਿਕ ਚਾਰਲਸਵਰਥ ਨੂੰ ਵੱਡੀ ਭੂਮਿਕਾ ਸੌਂਪਣ ਦੀ ਇੱਛਾ ਜਤਾਉਂਦੇ ਹੋਏ ਉਨ੍ਹਾਂ ਨੂੰ ਦਿੱਲੀ ਬੁਲਾਇਆ ਹੈ। ਸਾਬਕਾ ਕਪਤਾਨ ਅਤੇ ਹਾਕੀ ਦੇ ਧਨੰਤਰਾਂ ਵਿੱਚ ਸ਼ਾਮਲ ਚਾਰਲਸਵਰਥ ਨੂੰ ਅੰਤਰਰਾਸ਼ਟਰੀ ਹਾਕੀ ਮਹਾਸੰਘ ਨੇ ਭਾਰਤੀ ਹਾਕੀ ਦੀ ਦਸ਼ਾ ਸੁਧਾਰਨ ਲਈ ਭੇਜਿਆ ਸੀ ਪਰ ਭਾਰਤੀ ਹਾਕੀ ਮਹਾਸੰਘ ਨੇ ਉਨ੍ਹਾਂ ਨੂੰ ਸੀਨੀਅਰ ਟੀਮ ਤੋਂ ਅਲੱਗ ਰੱਖਿਆ। ਆਈ.ਐੱਚ.ਐੱਫ. ਦਾ ਤਰਕ ਸੀ ਕਿ ਉਨ੍ਹਾਂ ਦਾ ਕਰਾਰ ਅਜੇ ਪੱਕਾ ਨਹੀਂ ਹੋਇਆ। ਆਈ.ਐੱਚ.ਐੱਫ. ਮੁਖੀ ਕੇ.ਪੀ.ਐੱਸ. ਗਿੱਲ ਨਾਲ ਗੱਲਬਾਤ ਤੋਂ ਬਾਅਦ ਖੇਡ ਮੰਤਰਾਲੇ ਨੇ ਇਹ ਫੈਸਲਾ ਲਿਆ ਹੈ। ਖੇਡ ਮੰਤਰਾਲੇ ਦੇ ਸੂਤਰਾਂ ਨੇ ਦੱਸਿਆ ਕਿ ਰਿਕ ਚਾਰਲਸਵਰਥ ਦੀ ਨਿਯੁਕਤੀ ਉੱਤੇ ਆਉਂਦੇ ਦਿਨਾਂ ਵਿੱਚ ਮੋਹਰ ਲੱਗ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਚਾਰਲਸਵਰਥ, ਖੇਡ ਮੰਤਰਾਲੇ ਅਤੇ ਆਈ.ਐੱਚ.ਐੱਫ. ਵਿਚਾਲੇ ਕਰਾਰ ‘ਤੇ ਹਸਤਾਖਰ ਬੈਠਕ ਤੋਂ ਬਾਅਦ ਕਰਨਗੇ। ਇਹ ਮਾਮਲਾ ਉਦੋਂ ਤੋਂ ਪੈਂਡਿੰਗ ਪਿਆ ਹੈ, ਜਦੋਂ ਚਾਰਲਸਵਰਥ ਨੇ 4 ਮਹੀਨੇ ਪਹਿਲਾਂ ਉਨ੍ਹਾਂ ਨੂੰ ਕੀਤੀ ਗਈ ਪੇਸ਼ਕਸ਼ ਦਾ ਜਵਾਬ ਨਹੀਂ ਦਿੱਤਾ ਸੀ। ਆਈ.ਐੱਚ.ਐੱਫ. ਮੁਖੀ ਸ੍ਰੀ ਗਿੱਲ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਅਗਲੇ ਕੁਝ ਦਿਨਾਂ ਅੰਦਰ ਮਸਲਾ ਸੁਲਝਾ ਲਿਆ ਜਾਵੇਗਾ।
|
