|
ਮੇਰੇ ਮਰਨ ਤੋਂ ਬਾਅਦ ਵੀ ਤਿੱਬਤੀ ਸੰਘਰਸ਼ ਜਾਰੀ ਰਹੇਗਾ- ਦਲਾਈਲਾਮਾ |
|
Saturday, 22 March 2008 |
 ਨਵੀਂ ਦਿੱਲੀ- ਕੌਮਾਤਰੀ ਨੋਬਲ ਪੁਰਸਕਾਰ ਜੇਤੂ ਅਤੇ ਤਿੱਬਤ ਦੇ ਧਰਮ ਗੁਰੂ ਦਲਾਈ ਲਾਮਾ ਨੇ ਅੱਜ ਕਿਹਾ ਕਿ ਉਹਨਾਂ ਦੇ ਮਰਨ ਤੋਂ ਬਾਅਦ ਵੀ ਤਿੱਬਤ ਦੀ ਆਜ਼ਾਦੀ ਦਾ ਸੰਘਰਸ਼ ਜਾਰੀ ਰਹੇਗਾ।
ਉਹਨਾਂ ਅੱਜ ਕਿਹਾ ਕਿ ਮੈਂ ਇਸ ਗੱਲ ਵਿਚ ਬਿਲਕੁਲ ਸੱਚ ਨਹੀਂ ਹੈ ਕਿ ਉਹਨਾਂ ਦੇ ਮਰਨ ਤੋਂ ਬਾਅਦ ਤਿੱਬਤੀ ਅੰਦੋਲਨ ਦਮ ਤੋੜ ਦੇਵੇਗਾ। ਉਹਨਾਂ ਕਿਹਾ ਕਿ ਜਦੋਂ ਤੱਕ ਤਿੱਬਤ ਆਜ਼ਾਦ ਨਹੀਂ ਹੋ ਜਾਂਦਾ, ਨਵੀਂ ਅਤੇ ਪੁਰਾਣੀ ਪੀੜ੍ਹੀ ਇਸ ਸੰਘਰਸ਼ ਨੂੰ ਪੂਰੇ ਜੋਸ਼ ਨਾਲ ਜਾਰੀ ਰੱਖੇਗੀ। ਅੰਦੋਲਨ ਵਿਚ ਤੇਜ਼ੀ ਆਉਣ ਕਾਰਨ ਉਹਨਾਂ ਨੂੰ ਹੁਣ ਲੱਗਦਾ ਹੈ ਕਿ ਤਿੱਬਤੀ ਕਦੀ ਵੀ ਆਪਣੀ ਆਜ਼ਾਦੀ ਨੂੰ ਭੁੱਲਣ ਲਈ ਤਿਆਰ ਨਹੀਂ ਹੋਣਗੇ ਅਤੇ ਨਾ ਹੀ ਚੀਨ ਦੇ ਜ਼ੁਲਮਾਂ ਨੂੰ ਕਦੀ ਭੁੱਲਣਗੇ। ਉਹਨਾਂ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਚੀਨ ਉਹਨਾਂ ਦੀਆਂ ਮੰਗਾਂ ਨੂੰ ਤੁਰੰਤ ਪ੍ਰਵਾਨ ਕਰ ਲਵੇ, ਨਹੀਂ ਤਾਂ ਤਿੱਬਤ ਕਦੀ ਵੀ ਚੀਨ ਦਾ ਅੰਗ ਨਹੀਂ ਬਣ ਸਕਦਾ। ਉਹਨਾਂ ਕਿਹਾ ਕਿ ਤਿੱਬਤ ਵਿਚ ਚੀਨ ਦੇ ਜ਼ੁਲਮਾਂ ਨੂੰ ਦੇਖ ਕੇ ਉਹ ਬਹੁਤ ਦੁਖੀ ਹਨ, ਉਹਨਾਂ ਕਿਹਾ ਕਿ ਚੀਨ ਕਿਉਂ ਆਜ਼ਾਦ ਹੋਇਆ? ਕਿਉਂਕਿ ਜਦੋਂ ਚੀਨ ਆਜ਼ਾਦ ਹੋਇਆ, ਤਿੱਬਤ ਗੁਲਾਮ ਹੋ ਗਿਆ।
|
