|
ਤਿੱਬਤੀ ਮੱਠ ਨੇ ਚੀਨ ਨੂੰ ਝੂਠਾ ਕਰਾਰ ਦਿੱਤਾ |
|
Thursday, 27 March 2008 |
 ਲਹਾਸਾ- ਤਿੱਬਤ ਦੇ ਬੋਧੀ ਭਿਕਸ਼ੂਆਂ ਨੇ ਅੱਜ ਵਿਦੇਸ਼ੀ ਮੀਡੀਆ ਨੂੰ ਸਪਸ਼ਟ ਤੋਰ ‘ਤੇ ਕਿਹਾ ਹੈ ਕਿ ਚੀਨ ਝੂਠ ਬੋਲ ਰਿਹਾ ਹੈ। ਸਾਰਾ ਤਿੱਬਤ ਅਤੇ ਤਿੱਬਤ ਤੋਂ ਤੋੜ ਕੇ ਬਣਾਏ ਗਏ ਨਵੇਂ ਰਾਜਾਂ ਵਿਚ ਤਿੱਬਤੀ ਜਨਤਾ ਚੀਨ ਤੋਂ ਆਜ਼ਾਦੀ ਚਾਹੁੰਦੀ ਹੈ ਅਤੇ ਚੀਨ ਝੂਠ ਬੋਲ ਰਿਹਾ ਹੈ।
ਚੀਨ ਵੱਲੋਂ ਵਿਦੇਸ਼ੀ ਪੱਤਰਕਾਰਾਂ ਨੂੰ ਅੱਜ ਤਿੱਬਤ ਦਾ ਦੌਰਾ ਕਰਵਾਉਣ ਦੇ ਦੌਰਾਨ ਕਰੀਬ 20 ਭਿਕਸ਼ੂਆਂ ਨੇ ਪਾਬੰਦੀਆਂ ਤੋੜ ਕੇ ਇਸ ਪੱਤਰਕਾਰ ਸੰਮੇਲਨ ਵਿਚ ਸ਼ਰੇਆਮ ਐਲਾਨ ਕੀਤਾ ਕਿ ਤਿੱਬਤ ਚੀਨ ਦਾ ਅੰਗ ਨਹੀਂ ਅਤੇ ਅਸੀਂ ਆਜ਼ਾਦੀ ਚਾਹੁੰਦੇ ਹਾਂ। ਉਹਨਾਂ ਨੇ ਕਿਹਾ ਕਿ ਸਾਰੇ ਬੋਧੀ ਮਠ ਬੰਦ ਕਰ ਦਿੱਤੇ ਗਏ ਅਤੇ ਉਹਨਾਂ ਵਿਚ ਬੰਦ ਭਿਕਸ਼ੂਆਂ ਨੂੰ ਕੈਦ ਕਰ ਲਿਆ ਗਿਆ ਹੈ। ਇਸ ਤੋਂ ਬਾਅਦ ਇਹਨਾਂ ਭਿਕਸ਼ੂਆਂ ਨੂੰ ਚੀਨੀ ਫੌਜ ਨੇ ਪਕੜ ਲਿਆ ਅਤੇ ਉਹਨਾਂ ‘ਤੇ ਲਾਠੀਆਂ ਬਰਸਾਉਂਦੇ ਮਚ ਵਿਚ ਲੈ ਗਏ। ਵਿਦੇਸ਼ੀ ਪੱਤਰਕਾਰਾਂ ਨੇ ਕਿਹਾ ਕਿ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਬਾਅਦ ਵਿਚ ਉਹਨਾਂ ਭਿਕਸ਼ੂਆਂ ਨਾਲ ਕੀ ਸਲੂਕ ਕੀਤਾ ਗਿਆ। ਇਹਨਾਂ ਭਿਕਸ਼ੂਆਂ ਨੂੰ ਤਿੱਬਤ ਵਿਚ ਲਾਮਾ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ ਅਤੇ ਇਹੀ ਤਿੱਬਤ ਦੀ ਬੌਧਿਕ ਤਾਕਤ ਹਨ।
|
