ਲੰਡਨ- ਖੋਜ ਦੇ ਆਧਾਰ ‘ਤੇ ਇਹ ਸਾਹਮਣੇ ਆਇਆ ਹੈ ਕਿ ਜ਼ਿਆਦਾ ਚੰਚਲ ਲੜਕੀਆਂ ਨੂੰ ਬਾਲਗ ਹੋਣ ‘ਤੇ ਗੰਭੀਰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅਧਿਐਨ ਵਿਚ ਪਾਇਆ ਗਿਆ ਕਿ ਉਹਨਾਂ ਵਿਚ ਜ਼ਿਆਦਾ ਚੰਚਲਤਾ ਬਾਲਗ ਹੋਣ ‘ਤੇ ਉਹਨਾਂ ਦੀ ਨੌਕਰੀ ਦੀ ਘੱਟ ਸੰਭਾਵਨਾ, ਗਲਤ ਸਬੰਧ ਅਤੇ ਘੱਟ ਉਮਰ ਵਿਚ ਗਰਭ ਧਾਰਨ ਦਾ ਕਾਰਨ ਬਣ ਸਕਦੀ ਹੈ।
 ਰਿਸਰਚ ਟੀਮ ਦਾ ਮੰਨਣਾ ਹੈ ਕਿ ਅਜਿਹੀਆਂ ਲੜਕੀਆਂ ਦੇ ਮਾਪਿਆਂ ਨੂੰ ਸਕੂਲਾਂ ਵਿਚ ਉਹਨਾਂ ਦੇ ਬਿਹਤਰ ਪ੍ਰਦਰਸ਼ਨ ਦੇ ਲਈ ਸ਼ੁਰੂਆਤ ਤੋਂ ਹੀ ਉਹਨਾਂ ਦੇ ਸਰਗਰਮੀ ਪੱਧਰ ਨੁੰ ਪਛਾਣ ਕੇ ਮਦਦ ਦੇਣੀ ਚਾਹਹੀਦੀ ਹੈ। ਛੇ ਤੋਂ 21 ਸਾਲ ਤੱਕ ਦੀਆਂ ਲੜਕੀਆਂ ‘ਤੇ ਕੀਤੇ ਗਏ ਇਸ ਅਧਿਐਨ ਵਿਚ ਉਪਰ-ਹੇਠਾਂ ਕੁੱਦਣ, ਆਰਾਮ ਸਮੇਂ ਟਿਕ ਨਾ ਨਾ ਬੈਠਣ ਅਤੇ ਬੇਚੈਨੀ ਦੇ ਲੱਛਣਾਂ ਨੂੰ ਪਰਖਿਆ ਗਿਆ। ਅਧਿਐਨ ਵਿਚ ਕਿਹਾ ਗਿਆ ਕਿ ਸਭ ਤੋਂ ਜ਼ਿਆਦਾ ਚੰਚਲ ਜਾਂ ਹਮਲਾਕਾਰੀ ਲੜਕੀਆਂ ਨੂੰ ਦੁੱਗਣੇ ਤੋਂ ਵੀ ਜ਼ਿਆਦਾ ਸਿਗਰਟਨੋਸ਼ੀ ਦੀ ਆਦਤ ਦਾ ਸ਼ਿਕਾਰ ਹੋਣ ਅਤੇ ਨਜਾਇਜਾ ਸਬੰਧਾਂ ਵਿਚ ਸ਼ਾਮਲ ਹੋਣ ਦੇ ਆਸਾਰ ਦੁੱਗਣੇ ਹੋ ਸਕਦੇ ਹਨ।