|
ਹੁਣ ਮੋਬਾਇਲ ‘ਤੇ ਬੋਲੋ ਅਤੇ ਇੰਟਰਨੈਟ ‘ਤੇ ਲੱਭੋ!ਯਾਹੂ ਨੇ ਪੇਸ਼ ਕੀਤੀ ਦੁਨੀਆਂ ਦੀ ਪਹਿਲੀ ਤਕਨੀਕ |
|
Saturday, 05 April 2008 |
 ਸਾਨ ਫਰਾਂਸਿਸਕੋ- ਇੰਟਰਨੈਟ ਸਰਚ ਇੰਜਨ ਯਾਹੂ ਨੇ ਮੋਬਾਇਲ ਫੋਨ ਤੋਂ ਬੋਲ ਕੇ ਨੈਟ ਸਰਫਿੰਗ ਦੀ ਸਹੂਲਤ ਉਪਲਬਧ ਕਰਵਾਈ ਹੈ। ਮੋਬਾਇਲ ਫੋਨ ‘ਤੇ ਬੋਲ ਕੇ ਨੈਟ ਸਰਫਿੰਗ ਕਰਨ ਦੀ ਦੁਨੀਆਂ ਦੀ ਇਹ ਸਭ ਤੋਂ ਪਹਿਲੀ ਤਕਨੀਕ ਹੈ। ਯਾਹੂ ਨੇ ਇਸ ਦੇ ਲਈ ਦੁਨੀਆਂ ਭਰ ਦੀਆਂ 29 ਟੈਲੀਫੋਨ ਕੰਪਨੀਆਂ ਦੇ ਨਾਲ ਐਗਰੀਮੈਂਟ ਕੀਤਾ ਹੈ। ਯਾਹੂ ਦੇ ਵਾਈਸ ਪ੍ਰੈਜ਼ੀਡੈਂਟ ਮਾਰਕੋ ਬੋਰਿਸ ਨੇ ਅਮਰੀਕਾ ਦੇ ਸਭ ਤੋਂ ਵੱਡੇ ਟੈਲੀਫੋਨ ਬਿਜ਼ਨੈਸ ਫੇਅਰ-2008 ਵਿਚ ਇਹ ਜਾਣਕਾਰੀ ਦਿੱਤੀ। ਇਹ ਸਹੂਲਤ ਜ਼ਿਆਦਾਤਰ ਮੋਬਾਇਲ ਫੋਨ ਦੀ ਸਕਰੀਨ ‘ਤੇ ਅਸਾਨੀ ਨਾਲ ਵਰਤੀ ਜਾ ਸਕਦੀ ਹੈ। ਮੋਬਾਇਲ ਉਪਭੋਗਤਾਵਾਂ ਨੂੰ ਆਕਰਸ਼ਿਤ ਕਰਨ ਦੀ ਦਿਸ਼ਾ ਵਿਚ ਯਾਹੂ ਦਾ ਇਹ ਪਹਿਲਾ ਕਦਮ ਹੈ। ਯਾਹੂ ਦੇ ਮੁਤਾਬਕ ਆਵਾਜ਼ ਸੁਣ ਕੇ ਮਨਚਾਹੀ ਜਾਣਕਾਰੀ ਸਰਚ ਕਰਨ ਵਾਲੀ ਤਕਨੀਕ ਕਿਸੇ ਵੀ ਸਵਾਲ ਦਾ ਜਵਾਬ ਤੁਰੰਤ ਦੇਵੇਗੀ। ਉਦਾਹਰਣ ਦੇ ਲਈ ਜੇਕਰ ਤੁਸੀਂ ਨਿਊਯਾਰਕ ਦੇ ਬਾਰੇ ਜਾਣਕਾਰੀ ਮੰਗੀ ਹੈ ਤਾਂ ਉਸ ਵਿਚ ਜ਼ਮੀਨਦੋਜ਼ ਟ੍ਰੇਨਾਂ ਦਾ ਸਮਾਂ ਸਾਰਣੀ ਦੇ ਬਾਰੇ ਵੀ ਜਾਣਕਾਰੀ ਮਿਲੇਗੀ।
|
