|
ਵੀਜਾ ਸਬੰਧੀ 9 ਭਾਰਤੀ ਕੰਪਨੀਆਂ ਤੋਂ ਪੁੱਛ-ਗਿੱਛ |
|
Wednesday, 09 April 2008 |
ਵਾਸ਼ਿੰਗਟਨ- ਅਮਰੀਕਾ ਦੇ ਦੋ ਸੈਨੇਟਰਾਂ ਨੇ ਐਚ-1ਬੀ ਵੀਜਾ ਦਾ ਇਸਤੇਮਾਲ ਕਰਨ ਵਾਲੀਆਂ 25 ਪ੍ਰਮੁੱਖ ਕੰਪਨੀਆਂ, ਜਿਹਨਾਂ ਵਿਚ 9 ਭਾਰਤੀ ਕੰਪਨੀਆਂ ਸ਼ਾਮਲ ਹਨ, ਤੋਂ ਉਹਨਾਂ ਦੇ ਕਰਮਚਾਰੀਆਂ ਦੀ ਭਰਤੀ ਪ੍ਰਕਿਰਿਆ ਦੇ ਬਾਰੇ ਪੁੱਛਗਿੱਛ ਕੀਤੀ। ਇਹਨਾਂ ਕੰਪਨੀਆਂ ਵਿਚ ਜ਼ਿਆਦਾਤਰ ਕਰਮਚਾਰੀ ਭਾਰਤ ਤੋਂ ਆਉਂਦੇ ਹਨ।
ਪੁੱਛਗਿੱਛ ਵਿਚ ਸ਼ਾਮਲ 9 ਭਾਰਤੀ ਕੰਪਨੀਅਆਂ ਹਨ ਵਿਪਰੋ, ਸਤਿਅਮ, ਟਾਟਾ ਕੰਸਲਟੈਂਸੀ ਸਰਵਿਸਿਜ਼, ਕਾਂਗਰੀਜਾਂਟ ਟੈਕ, ਸਾਲਯੂਸ਼ਨਜ਼, ਪਾਟਨੀ ਕੰਪਿਊਟਰ ਸਿਸਟਮ, ਆਈ-ਫਲੈਕਸ ਸਾਲਿਊਸ਼ਨਜ਼, ਲਾਰਸਰੂਨ ਐਂਡ ਟੂਬਰੋ ਇਨਫੋਟੈਕ ਲਿਮਟਿਡ ਅਤੇ ਮਫੈਸਿਸ ਕਾਰਪੋਰੇਸ਼ਨ। ਡੈਮੋਕਰੇਟ ਸੈਨੇਟਰ ਡਿਕ ਡਰਬਿਨ ਅਤੇ ਰਿਪਬਕਿਨ ਚੱਕ ਗ੍ਰਾਸਲੀ ਨੇ ਕੰਪਨੀਆਂ ਨੂੰ ਲਿਖੇ ਆਪਣੇ ਪੱਤਰ ਵਿਚ ਕਿਹ ਕਿ ਐਚ-1ਬੀ ਵੀਜੇ ਨੂੰ ਅਮਰੀਕਾ ਵਿਚ ਨੌਕਰੀਆਂ ਖਤਮ ਕਰਨ ਦਾ ਮਾਧਿਅਮ ਨਹੀਂ ਬਣਨ ਦਿੱਤਾ ਜਾਵੇਗਾ। ਉਹਨਾਂ ਨੇ ਪੱਤਰ ਵਿਚ ਕਿਹਾ ਕਿ ਅਸੀਂ ਇਹ ਯਕੀਨੀ ਕਰਨਾ ਚਾਹੁੰਦੇ ਹਾਂ ਕਿ ਇਸ ਵੀਜੇ ਦੀ ਦੁਰਵਰਤੋਂ ਨਾ ਹੋਵੇ। ਇਸਦੇ ਕਾਰਨ ਅਮਰੀਕੀ ਕਾਮਿਆਂ ਨੂੰ ਚੰਗੀਆਂ ਨੌਕਰੀਆਂ ਮਿਲਣ ਵਿਚ ਪ੍ਰੇਸ਼ਾਨੀ ਹੁੰਦੀ ਹੈ।
|
