ਵਾਸ਼ਿੰਗਟਨ- 15 ਅਪ੍ਰੈਲ 1912 ਨੂੰ ਇਕ ਦਿਲ ਦਹਿਲਾ ਦੇਣ ਵਾਲਾ ਹਾਦਸਾ, ਨੌਰਥ ਐਟਲਾਂਟਿਕ ਸਮੁੰਦਰ ਅਤੇ ਖੁਦ ਨੁੰ ਬਚਾਉਣ ਦੇ ਲਈ 2 ਘੰਟੇ 40 ਮਿੰਟ ਦਾ ਵਕਤ। ਫਿਰ ਸਮੁੰਦਰ ਦੀਆਂ ਡੂੰਘਾਈਆਂ ਵਿਚ ਖਾਮੋਸ਼ ਹੋ ਜਾਂਦੀਆਂ ਹਨ ਯਾਤਰੀਆਂ ਦੀਆਂ ਚੀਖਾਂ। 15 ਅਪ੍ਰੈਲ 1912 ਨੂੰ ਉਹ ਕਾਲੀ ਰਾਤ ਜਦੋਂ ਰਾਇਲ ਮੇਲ ਸਟੀਮਰ ਟਾਈਟੈਨਿਕ ਸਮੁੰਦਰ ਦੀਆਂ ਡੂੰਘਾਈਆਂ ਵਿਚ ਕਿਤੇ ਗੁਆਚ ਜਾਂਦਾ ਹੈ। ਐਤਵਾਰ 14 ਅਪ੍ਰੈਲ 11.40 ‘ਤੇ ਇਕ ਆਈਸਬਰਗ ਦੇ ਟਕਰਾਉਣ ਕਾਰਨ ਇਸ ਜਹਾਜ਼ ਵਿਚ ਹੇਠਾਂ ਵੱਲ 12 ਸਕੁਆਇਰ ਫੁੱਟ ਦਾ ਇਕ ਸੁਰਾਖ ਹੋ ਗਿਆ ਸੀ, ਜਿਸ ਕਾਰਕੇ ਇਸ ਜਹਾਜ਼ ਵਿਚ ਪਾਣੀ ਭਰ ਗਿਆ ਸੀ। ਉਹਨਾਂ ਦਿਨਾਂ ਵਿਚ ਇਹ ਜਹਾਜ਼ ਸਭ ਤੋਂ ਜ਼ਿਆਦਾ ਸੁਰੱਖਿਅਤ ਅਤੇ ਸਭ ਤੋਂ ਵੱਡਾ ਜਹਾਜ਼ ਸੀ। ਇਹ ਇਕ ਲਗਜ਼ਰੀ ਜਹਾਜ਼ ਸੀ, ਜਿਸ ਵਿਚ ਫਸਟ ਕਲਾਸ ਦੀ ਇਕ ਟਿਕਟ 4700 ਡਾਲਰ ਦੀ ਸੀ। ਇਹ ਜਹਾਜ਼ ਅੱਜ ਤਾਂ ਜ਼ਿੰਦਾ ਨਹੀਂ ਹੈ ਪਰ ਇਸਦਾ ਇਤਿਹਾਸ ਸਮੁੰਦਰ ਦੀਆਂ ਡੂੰਘਾਈਆਂ ਵਿਚ ਅੱਜ ਵੀ ਚੀਖ ਰਿਹਾ ਹੈ।
 ਜਦੋਂ ਟਾਈਟੈਨਿਕ ਡੁੱਬਿਆ ਤਾਂ ਇਸ ਵਿਚ ਸਫਰ ਕਰ ਰਹੀ ਮਿਲਵਿਨਾ ਡੀਨ ਕੇਵਲ 2 ਮਹੀਨੇ ਦੀ ਸੀ। ਅੱਜ ਉਸਦੀ ਉਮਰ 96 ਸਾਲ ਹੈ। ਇਸ ਸਮੇਂ ਉਹ ਇੰਗਲੈਂਡ ਦੇ ਸਾਊਥਐਂਪਟਨ ਵਿਚ ਰਹਿ ਰਹੀ ਹੈ। ਟਾਈਟੈਨਿਕ ਹਾਦਸੇ ਵਿਚ 705 ਲੋਕਾਂ ਨੂੰ ਬਚਾ ਲਿਆ ਗਿਆ ਸੀ, ਜਿਹਨਾਂ ਵਿਚੋਂ ਹੁਣ ਤੱਕ 704 ਲੋਕ ਇਸ ਦੁਨੀਆਂ ਵਿਚ ਨਹੀਂ ਰਹੇ ਹਨ।
 17 ਸਾਲਾ ਰੋਜ ਡੇਵਿਡ ਬਕਟਰ ਟਾਈਟੈਨਿਕ ਰਾਹੀਂ ਨਿਊਯਾਰਕ ਜਾ ਰਹੀ ਸੀ। ਇਸੇ ਦੌਰਾਨ ਉਸਦੀ ਮੁਲਾਕਾਤ ਜੈਕ ਨਾਮੀ ਲੜਕੇ ਨਾਲ ਹੁੰਦੀ ਹੈ ਅਤੇ ਉਹਨਾਂ ਵਿਚ ਪ੍ਰੇਮ ਹੋ ਜਾਂਦਾ ਹੈ। ਇਹ ਜਹਾਜ਼ 10 ਅਪ੍ਰੈਲ ਨੂੰ 2200 ਯਾਤਰੀ ਲੈ ਕੇ ਨਿਊਯਾਰਕ ਰਵਾਨਾ ਹੋਇਆ ਸੀ।