|
Tuesday, 15 April 2008 |
 ਕਿੱਥੇ ਤੇ ਕਦੋਂ ਜੰਮਣਾ ਹੈ ਇਹ ਮਨੁੱਖ ਦੇ, ਪੌਦਿਆਂ ਦੇ, ਪਸ਼ੂਆਂ–ਪੰਛੀਆਂ ਦੇ ਵਸ ਵਿਚ ਨਹੀਂ। ਜਾਤ ਪਾਤ ਜਾਂ ਕਿਸਮ ਉੱਤੇ ਤਾਂ ਉੱਕਾ ਹੀ ਸਾਡਾ ਅਧਿਕਾਰ ਨਹੀਂ। ਅਸੀਂ ਅਕਸਰ ਸੋਚਦੇ ਹਾਂ ਕਿ ਹਰ ਬੂਟੇ ਨੂੰ ਜਾਂ ਬੀਜ ਨੂੰ ਜੰਮਣ ਲਈ ਧਰਤੀ ਦੀ ਲੋੜ ਹੈ। ਪਰ ਇਸ ਪੌਦੇ ਦੀਆਂ ਪੱਤੀਆਂ ਵਿਚੋਂ ਜਨਮੇ ਨਵੇਂ ਪੌਦੇ ਦੀ ਤਸਵੀਰ ਇਸਨੂੰ ਵੀ ਰੱਦ ਕਰਦੀ ਹੈ। ਇਹ ਪੌਦਾ ਪੂਰਾ ਵਿਕਸਤ ਹੋਕੇ ਹੀ ਧਰਤੀ ਦਾ ਰੁੱਖ ਕਰਦਾ ਹੈ ਪਰ ਅੱਗੇ ਧਰਤੀ ਮਿਲੇ ਜਾਂ ਨਾ, ਇਸਦੀ ਕਿਸਮਤ। ਮਨੁੱਖ ਵੀ ਕੁਝ ਇਸੇ ਤਰ੍ਹਾਂ ਹੈ। ਜਿਸਨੂੰ ਜਿੰਨੀ ਚੰਗੀ ਧਰਤੀ ਮਿਲ ਗਈ, ਉਨ੍ਹੀਂ ਹੀ ਉਸਦੀ ਤਰੱਕੀ, ਪਰ ਮਨੁੱਖ ਅਕਸਰ ਹੀ ‘ਬਹੁਤੇ' ਨੂੰ ‘ਥੋੜਾ' ਕਰਕੇ ਜਾਣਦਾ ਹੈ। ਹੋਰ, ਹੋਰ, ਹੋਰ, ਹੋਰ, ਦੀ ਦੌੜ ਵਿਚ ਉਹ ਜ਼ਿੰਦਗੀ ਜਿਊਣੀ ਭੁੱਲ ਜਾਂਦਾ ਹੈ। ਆਪਣੇ ਹੀ ਆਲੇ–ਦੁਆਲੇ ਤਾਣੇ ਬਾਣੇ ਬੁੱਣਨੇ ਸ਼ੁਰੂ ਕਰ ਦੇਂਦਾ ਹੈ। ਕੁਦਰਤ ਵੱਲੋਂ ਮਿਲੀ ਆਜ਼ਾਦ ਜ਼ਿੰਦਗੀ ਨੂੰ ਆਪਣੇ ਤੇ ਦੂਸਰੇ ਦੇ ਨਾਸ਼ ਲਈ ਵਰਤਣ ਲੱਗ ਪੈਂਦਾ ਹੈ। ਆਪਣੀ ਭੁੱਖ ਵਧਾ ਕਿ ਦੂਸਰੇ ਨੂੰ ਭੁੱਖਾ ਮਾਰਨਾ ਸ਼ੁਰੂ ਕਰ ਦੇਂਦਾ ਹੈ। ਪਰ ਕੁਦਰਤੀ ਨੇਮਾਂ ਅੱਗੇ ਕੋਈ ਨਹੀਂ ਜਿੱਤ ਸਕਦਾ। ਸਾਡੇ ਆਲੇ ਦੁਆਲੇ ਉੱਗੇ, ਵਧਦੇ–ਫੁੱਲਦੇ ਤੇ ਮਰਦੇ ਸਥਿਰ ਰੁੱਖ ਵੀ ਇਹੋ ਹੀ ਸੁਨੇਹਾ ਦੇਂਦੇ ਹਨ। ਲੋੜ ਤਾਂ ਬਸ ਇਸ ਚਲ ਰਹੇ ਵਰਤਾਰੇ ਨੂੰ ਦੇਖਣ, ਸਮਝਣ ਤੇ ਮੰਨਣ ਦੀ ਹੈ। ਜ਼ਰਾ ਕਰਕੇ ਤਾਂ ਦੇਖੋ, ਤੁਹਾਡੀ ਜ਼ਿੰਦਗੀ ਕਿੰਨੀ ਅਨੰਦਮਈ ਹੋ ਜਾਵੇਗੀ।
– ਜਨਮੇਜਾ ਸਿੰਘ ਜੌਹਲ
98159–45018
|
