ਬੈਰਗਾਮੋ - ਇਟਲੀ (ਗੁਰਮੁਖ ਸਿੰਘ ਸਰਕਾਰੀਆ) ਇਟਲੀ ਦੇ ਉੱਘੇ ਬਿਜਨਿਸਮੈਨ ਤੇ ਸਮਾਜ ਸੇਵਕ ਸੀ ਅਨਿਲ ਕੁਮਾਰ ਸ਼ਰਮਾ ਨੇ ਸ਼ਰਮਾ ਸਪੋਰਟਸ ਕਲੱਬ ਇਟਲੀ ਕਾਇਮ ਕੀਤੀ ਗਈ ਹੈ ਜੋ ਬਕਾਇਦਾ ਰਜਿਸਟਰਡ ਕਰਵਾਈ ਗਈ ਹੈ । ਬਨਿਉਲੋਮੇਲਾ ਦੇ ਹਵੇਲੀ ਰੈਸਟੋਰੈਂਟ ਤੇ ਬਾਰ ਵਿਖੇ ਇਸ ਕਲੱਬ ਦਾ ਐਲਾਨ ਕਰਦਿਆਂ ਦੱਸਿਆ ਕਿ ਇਹ ਕਲੱਬ ਇਟਲੀ ਦੇ ਸਾਰੇ ਖੇਡ ਮੇਲਿਆਂ ਵਿਚ ਵਧ ਚੜ੍ਹ ਕੇ ਹਿੱਸਾ ਲਵੇਗੀ ਤੇ ਖੇਡ ਮੇਲੇ ਵੀ ਆਯੋਜਿਤ ਕਰੇਗੀ । ਸ੍ਰੀ ਸ਼ਰਮਾ ਨੇ ਕਿਹਾ ਇਸ ਕਲੱਬ ਦਾ ਮਕਸਦ ਨੌਜਵਾਨਾਂ ਨੂੰ ਨਸਿ਼ਆਂ ਤੇ ਲੜਾਈਆਂ ਤੋਂ ਦੂਰ ਰੱਖ ਕੇ ਖੇਡਾਂ ਵਾਲੇ ਪਾਸੇ ਰੁਚੀ ਪੈਦਾ ਕਰਨੀਂ ਹੋਵੇਗਾ। ਇਸ ਕਲੱਬ ਨੂੰ ਬਨਾਉਣ ਦਾ ਐਲਾਨ ਕਬੱਡੀ ਯੌਰਪ ਕੱਪ ਕਰਵਾਉਣ ਦੇ ਸਬੰਧ ਵਿਚ ਵਿਚਾਰਾਂ ਕਰਨ ਲਈ ਇਕੱਤਰ ਹੋਈਆਂ ਕਲੱਬਾਂ ਦੀ ਹਾਜਰੀ ਵਿਚ ਕੀਤਾ ਜਿਸ ਦਾ ਇਟਲੀ ਦੀਆਂ 15 ਕਲੱਬਾਂ ਦੇ ਅਹੁੱਦੇਦਾਰਾਂ ਨੇ ਸਵਾਗਤ ਕੀਤਾ।
               ਸਾਰੀਆਂ ਕਲੱਬਾਂ ਦੇ ਪਹੁੰਚੇ ਅਹੁੱਦੇਦਾਰਾਂ ਨੇ ਸਪੱਸ਼ਟ ਕੀਤਾ ਕਿ ਕਬੱਡੀ ਯੌਰਪ  ਕੱਪ 1 ਜੂਨ 2008 ਨੂੰ ਕਰਵਾਇਆ ਜਾ ਰਿਹਾ ਹੈ ਤੇ  ਇਸ ਸਾਲ ਹੋਣ ਵਾਲੇ ਖੇਡ ਮੇਲੇ ਰੱਦ ਨਹੀਂ ਕੀਤੇ ਗਏ।