|
ਤਿੱਬਤ ‘ਤੇ ਅਮਰੀਕਾ ਨੇ ਫਿਰ ਤਣੀਆਂ ਅੱਖਾਂ ਦਲਾਈ ਲਾਮਾ ਨੇ ਜਲਦੀ ਗੱਲਬਾਤ ਕਰੇ ਚੀਨ |
|
Thursday, 24 April 2008 |
 ਵਾਸ਼ਿੰਗਟਨ- ਅਮਰੀਕਾ ਨੇ ਚੀਨੀ ਲੀਡਰਾਂ ਨੂੰ ਫਿਰ ਕਿਹਾ ਹੈ ਕਿ ਉਹ ਤਿੱਬਤ ਦੇ ਅਧਿਆਤਮਕ ਨੇਤਾ ਦਲਾਈ ਲਾਮਾ ਨਾਲ ਗੱਲਬਾਤ ਜਲਦੀ ਸ਼ੁਰੂ ਕਰੇ। ਨਾਲ ਹੀ ਇਹ ਵੀ ਕਿਹਾ ਹੈ ਕਿ ਉਹ ਪੱਤਰਕਾਰਾਂ ਸਮੇਤ ਸੈਲਾਨੀਆਂ ਅਤੇ ਡਿਪਲੋਮੇਟਾਂ ਨੂੰ ਤਿੱਬਤ ਵਿਚ ਪ੍ਰਵੇਸ਼ ਦੀ ਇਜਾਜ਼ਤ ਦੇਵੇ। ਇਹ ਮੰਗ ਮਿਸ਼ੀਗਨ ਯੂਨੀਵਰਸਿਟੀ ਵਿਚ ਦਲਾਈ ਲਾਮਾ ਅਤੇ ਤਿੱਬਤ ਦੇ ਲਈ ਅਮਰੀਕਾ ਦੀ ਵਿਸ਼ੇਸ਼ ਦੂਤ ਪਾਊਲਾ ਡੋਬ੍ਰਿਅੰਸਕੀ ਦੀ ਮੁਲਾਕਾਤ ਤੋਂ ਬਾਅਦ ਦੁਹਰਾਈ ਗਈ। ਅਮਰੀਕੀ ਵਿਦੇਸ਼ ਵਿਭਾਗ ਵੱਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਇਹ ਮੁਲਾਕਾਤ ਦਲਾਈ ਲਾਮਾ ਅਤੇ ਚੀਨੀ ਲੀਡਰਾਂ ਵਿਚਕਾਰ ਗੱਲਬਾਤ ਸ਼ੁਰੂ ਕਰਨ ਦੀ ਸਾਡੀ ਕੋਸ਼ਿਸ਼ ਦਾ ਹਿੱਸਾ ਹੈ। ਇਹ ਕੋਈ ਨਵੀਂ ਗੱਲ ਨਹੀਂ ਹੈ, ਅਸੀਂ ਇਸਨੂੰ ਹਮੇਸ਼ਾ ਦੁਹਰਾਇਆ ਹੈ। ਇਸ ਤੋਂ ਪਹਿਲਾਂ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਟਾਮ ਕੇਸੀ ਨੇ ਕਿਹਾ ਸੀ, ਸਾਨੂੰ ਵਿਸ਼ਵਾਸ ਹੈ ਕਿ ਤਿੱਬਤ ਵਰਗੇ ਲੰਮੇ ਸਮੇਂ ਤੋਂ ਚੱਲੇ ਆ ਰਹੇ ਮਸਲੇ ਦਾ ਹੱਲ ਗੱਲਬਾਤ ਦੇ ਜ਼ਰੀਏ ਹੀ ਹੋ ਸਕਦਾ ਹੈ। ਅਸੀਂ ਦਲਾਈ ਲਾਮਾ ਦੇ ਵਿਚਾਰ ਵੀ ਜਾਣਨਾ ਚਾਹੁੰਦੇ ਸੀ ਕਿ ਉਹਨਾਂ ਦੇ ਹਿਸਾਬ ਨਾਲ ਅਗਲਾ ਕਦਮ ਕੀ ਹੋਣਾ ਚਾਹੀਦਾ ਹੈ। ਕੇਸੀ ਨੇ ਕਿਹਾ ਕਿ ਚੀਨੀ ਅਧਿਕਾਰੀਆਂ ਨੂੰ ਵੀ ਇਸ ਗੱਲ ਦੇ ਲਈ ਉਤਸ਼ਾਹਿਤ ਕੀਤਾ ਗਿਆ ਹੈ ਕਿ ਉਹ ਦਲਾਈ ਲਾਮਾ ਦੇ ਨਾਲ ਗੱਲਬਾਤ ਸ਼ੁਰੂ ਕਰਨ। ਇਸੇ ਵਿਚਕਾਰ ਮਿਸ਼ੀਗਨ ਤੋਂ ਆਈਆਂ ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਦਲਾਈ ਲਾਮਾ ਨੇ ਤਿੱਬਤ ਵਿਚ ਹੋ ਰਹੀਆਂ ਘਟਨਾਵਾਂ ਨੂੰ ਲੈ ਕੇ ਅਮਰੀਕਾ ਦੀ ਚਿੰਤਾ ‘ਤੇ ਸੰਤੁਸ਼ਟੀ ਜਾਹਿਰ ਕਰਦੇ ਹੋਏ ਡੋਬ੍ਰਿਅੰਸਕੀ ਤੋਂ ਮਦਦ ਦੀ ਅਪੀਲ ਕੀਤੀ। ਇਸੇ ਦੇ ਚਲਦੇ ਬੁਸ਼ ਪ੍ਰਸ਼ਾਸਨ ਚੀਨ ‘ਤੇ ਲਗਾਤਾਰ ਦਬਾਅ ਪਾ ਰਿਹਾ ਹੈ ਕਿ ਉਹ ਦਲਾਈ ਲਾਮਾ ਦੇ ਨਾਲ ਗੱਲਬਾਤ ਕਰੇ। 72 ਸਾਲਾ ਦਲਾਈ ਲਾਮਾ ਅੱਜਕਲ੍ਹ ਅਮਰੀਕਾ ਦੀ ਯਾਤਰਾ ‘ਤੇ ਹਨ। ਮਿਸ਼ੀਗਨ ਵਿਚ ਤਿੱਬਤ ਮਸਲੇ ‘ਤੇ ਅਮਰੀਕਾ ਦੇ ਵਿਸ਼ੇਸ਼ ਦੂਤ ਪਾਊਲਾ ਡੋਬ੍ਰਿਅੰਸਕੀ ਦੇ ਨਾਲ ਮੁਲਾਕਾਤ ਦੇ ਦੌਰਾਨ ਦਲਾਈ ਲਾਮਾ ਨੇ ਕਿਹਾ ਕਿ ਉਹ ਤਿੱਬਤ ‘ਤੇ ਅਮਰੀਕਾ ਦੀ ਮਦਦ ਚਾਹੁੰਦੇ ਹਨ। ਉਹਨਾਂ ਨੇ ਤਿੱਬਤ ਨੂੰ ਮਹੱਤਵਪੂਰਨ ਮਸਲਾ/ਮੁੱਦਾ ਬਣਾਆਿ। ਡੋਬ੍ਰਿਅੰਸਕੀ ਨੇ ਦੱਸਿਆ ਕਿ ਦਲਾਈ ਲਾਮਾ ਦੇ ਨਾਲ ਬੈਠਕ ਵਿਚ ਤਿੱਬਤ ਦੇ ਹਾਲਾਤ ‘ਤੇ ਚਰਚਾ ਹੋਈ। ਉਹਨਾਂ ਨੇ ਕਿਹਾ ਕਿ ਬੁਸ਼ ਪ੍ਰਸ਼ਾਸਨ ਤਿੱਬਤ ਦੇ ਹਾਲਾਤ ‘ਤੇ ਗੰਭੀਰ ਹੈ ਅਤੇ ਚੀਨ ਨਾਲ ਇਸ ਮਸਲੇ ‘ਤੇ ਦਲਾਹੀ ਲਾਮਾ ਨਾਲ ਗੱਲ ਕਰਨ ਦੀ ਅਪੀਲ ਕੀਤੀ ਹੈ। ਰਾਸ਼ਟਰਪਤੀ ਜਾਰਜ ਬੁਸ਼ ਵੀ ਤਿੱਬਤ ਮਸਲੇ ‘ਤੇ ਦਲਾਈ ਲਾਮਾ ਅਤੇ ਚੀਨੀ ਲੀਡਰਾਂ ਵਿਚਕਾਰ ਗੱਲਬਾਤ ਦੇ ਪੱਖ ਵਿਚ ਹਨ। ਹਾਲਾਂਕਿ ਅਮਰੀਕਾ ਦੇ ਵਿਦੇਸ਼ ਮੰਤਰਾਲੇ ਨੇ ਇਸ ਬੈਠਕ ਦਾ ਕੋਈ ਵੇਰਵਾ ਨਹੀਂ ਜਾਰੀ ਕੀਤਾ ਹੈ। ਮਾਰਚ ਵਿਚ ਤਿੱਬਤ ਵਿਚ ਪ੍ਰਦਰਸ਼ਨ ਅਤੇ ਦੰਗਿਆਂ ਤੋਂ ਬਾਅਦ ਦਲਾਈ ਲਾਮਾ ਅਤੇ ਅਮਰੀਕਾ ਵਿਚਕਾਰ ਇਹ ਆਪਣੀ ਕਿਸਮ ਦੀ ਪਹਿਲੀ ਬੈਠਕ ਸੀ।
|
