ਮੋਹਾਲੀ- ਭਾਰਤ ਸਮੇਤ ਦੁਨੀਆਂ ਭਰ ਵਿਚ ਵੱਸਦੇ ਸਿੱਖਾਂ ਲਈ ਹਾਂਗਕਾਂਗ ਆਧਾਰਿਤ ਕਿਊ ਗਰੁੱਪ ਦੀ ਭਾਰਤੀ ਸਹਿਯੋਗੀ 'ਕੁਵਿਸਟਨੈਟ ਇੰਡੀਆ‘ ਨੇ ਸਿੱਖ ਗੁਰੂਆਂ ਨੂੰ ਸਮਰਪਿਤ ਗੋਲਕਾਰ ਚਿੱਤਰਾਂ ਅਤੇ ਮੈਡਲਾਂ-ਸਿੱਕਿਆਂ ਦੀ ਲੜੀ ਜਾਰੀ ਕੀਤੀ ਹੈ, ਜੋ ਸ਼ੁੱਧ ਸੋਨੇ ਅਤੇ ਚਾਂਦੀ ਦੇ ਬਣੇ ਹੋਣਗੇ।
 ਇਸ ਦਾ ਐਲਾਨ ਕਵਿਸਟਨੈਂਟ ਇੰਡੀਆਦੇ ਮੈਨੇਜਿੰਗ ਡਾਇਰੈਕਟਰ ਪੁਸ਼ਪਮ ਅਪਾਲਾਨਾਇਡੂ ਨੇ ਇੱਥੇ ਕੀਤਾ। ਉਹਨਾਂ ਦੱਸਿਆ ਕਿ ਦੁਨੀਆਂਭਰ ਵਿਚ ਫੈਲੀਆਂ ਲੱਖਾਂ ਸਿੱਖ ਸੰਗਤਾਂ ਦੀ ਆਪਣੇ ਗੁਰੂਆਂ ਪ੍ਰਤੀ ਸੱਚੀ-ਸੁੱਚੀ ਆਸਥਾ ‘ਤੇ ਆਧਾਰਿਤ ਦਿਲਚਸਪੀ ਨੂੰ ਦੇਖਦੇ ਹੋਏ ਸਿੱਖ ਗੁਰੂਆਂ ਨੂੰ ਸਮਰਪਿਤ ਸੋਨੇ-ਚਾਂਦੀ ਦੇ ਮੈਡਲਾਂ ਅਤੇ ਗੋਲਕਾਰ ਚਿੱਤਰਾਂ ਦੀ ਇਹ ਲੜੀ ਜਾਰੀ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ ਕਵਿਸਟਨੈਂਟ ਇੰਡੀਆ ਵੱਲੋਂ ਵੱਖ ਵੱਖ ਭਾਰਤੀ ਭਾਈਚਾਰਿਆਂ ਦੀ ਆਸਥਾ ਦਾ ਪ੍ਰਤੀਕ ਸੰਤਾਂ, ਗੁਰੂਆਂ ਅਤੇ ਮਹਾਂਪੁਰਸ਼ਾਂ ਦੇ ਸੋਨੇ ਅਤੇ ਚਾਂਦੀ ਦੇ ਸਿੱਕੇ, ਮੈਡਲ ਅਤੇ ਗੋਲਾਕਾਰ ਚਿੱਤਰਾਂ ਦੀਆਂ ਲੜੀਆਂ ਜਾਰੀ ਕੀਤੀਆਂ ਜਾਂਦੀਆਂ ਰਹੀਆਂ ਹਨ, ਜਿਹਨਾਂ ਵਿਚ ਭਗਵਾਨ ਬਾਲਾਜੀ ਅਤੇ ਸ੍ਰੀ ਸਿਰੜੀ ਸਾਈਂ ਬਾਬਾ ਦੇ ਚਿੱਤਰਾਂ ਵਾਲੇ ਮੈਡਲ-ਸਿੱਕੇ ਸ਼ਾਮਲ ਹਨ।
 ਪੁਸਪਮ ਅਪਾਲਾਨਾਇਡੂ ਨੇ ਦੱਸਿਆ ਕਿ ਪਹਿਲੇ ਸਿੱਖ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਸ਼ੁੱਧ ਸੋਨੇ ਦਾ ਗੋਲਾਕਾਰ ਚਿੱਤਰ ਦਾ ਭਾਰ 1.24 ਗ੍ਰਾਮ ਹੈ ਅਤੇ ਇਸ ਦੀ ਕੀਮਤ 9999 ਰੁਪਏ ਰੱਖੀ ਗਈ ਹੈ ਜਦਕਿ 9 ਗੁਰੂਆਂ ਦੇ ਚਾਂਦੀ ਦੇ 9 ਚਿੱਤਰਾਂ ਦੀ ਕੀਮਤ 6999 ਰੁਪਏ ਰੱਖੀ ਗਈ ਹੈ। ਇਸ ਤੋਂ ਇਲਾਵਾ ਸਾਰੇ ਗੁਰੂਆਂ ਦੀਆਂ ਤਸਵੀਰਾਂ ਵਾਲਾ ਇਕ ਗੋਲਾਕਾਰ ਸੈਟ ਵੀ ਤਿਆਰ ਕੀਤਾ ਗਿਆ ਹੈ, ਜਿਸ ਦੀ ਕੀਮਤ 33,350 ਰੁਪਏ ਨਿਰਧਾਰਿਤ ਕੀਤੀ ਗਈ ਹੈ। ਅਪਾਲਾਨਾਇਡੂ ਨੇ ਦਾਅਵਾ ਕੀਤਾ ਹੈ ਕਿ ਕੰਪਲੀ ਵੱਲੋਂ ਇਹਨਾਂ ਸਾਰੇ ਸਿੱਕਿਆਂ ਅਤੇ ਗੋਲਾਕਾਰ ਚਿੱਤਰਾਂ ਦੀ ਢਲਾਈ (ਟਕਸਾਲੀ) ਦਾ ਕੰਮ ਜਰਮਨੀ ਦੀ ਵਿਸ਼ਵ ਪ੍ਰਸਿੱਧ ਬੀ. ਐਚ. ਮੇਅਰਮਿੰਟ ਕੋਲੋਂ ਕਰਵਾਇਆ ਹੈ ਅਤੇ ਇਸ ਦੇ ਵਜ਼ਨ ਤੇ ਗੁਣਵੱਤਾ ਦੀ ਵਿਸ਼ਵ ਵਿਆਪੀ ਗਰੰਟੀ ਹੈ।
 ਅਪਲਾਨਾਇਡੂ ਅਨੁਸਾਰ ਇਸ ਤਰ੍ਹਾਂ ਦੇ ਚਿੱਤਰਾਂ ਅਤੇ ਗੋਲਾਕਾਰ ਸਿੱਕਿਆਂ ਨੂੰ ਸਬੰਧਤ ਧਰਮ ਦੀਆਂ ਸੰਗਤਾਂ, ਜਿੱਥੇ ਕਈ ਸਮਾਜਿਕ ਅਤੇ ਧਾਰਮਿਕ ਮੌਕਿਆਂ ਉਪਰ ਇਕ ਦੂਸਰੇ ਨਾਲ ਆਦਾਨ-ਪ੍ਰਦਾਨ ਕਰਕੇ ਆਪਣੀ ਧਾਰਮਿਕ ਅਤੇ ਸਮਾਜਿਕ ਸਾਂਝ ਵਧਾਉਂਦੀਆਂ ਹਨ, ਉਥੇ ਹੀ ਆਪਣੀ ਧਾਰਮਿਕ ਵਿਰਾਸਤ ਨੂੰ ਸਦੀਆਂ ਤੱਕ ਸੰਭਾਲ ਕੇ ਵੀ ਰੱਖਦੀਆਂ ਹਨ। ਸੋਨੇ-ਚਾਂਦੀ ਦੇ ਮੈਡਲਾਂ ਅਤੇ ਗੋਲਕਾਰ ਚਿੱਤਰਾਂ ਨੂੰ ਖਰੀਦਣ ਦੇ ਵਾਸਤੇ ਤੁਸੀਂ 1800-425-1116 ‘ਤੇ ਵੀ ਸੰਪਰਕ ਕਰ ਸਕਦੇ ਹੋ।