|
ਚੀਨ ਵਿਚ ਸਬਜ਼ੀਆਂ ਵਾਂਗ ਵਿਕ ਰਹੇ ਹਨ ਬੱਚੇ |
|
Thursday, 01 May 2008 |
 ਲੰਡਨ- ਚੀਨ ਵਰਗੇ ਵਿਕਸਤ ਦੇਸ਼ ਵਿਚ ਛੋਟੇ ਬੱਚਿਆਂ ਦੀ ਸਥਿਤੀ ਬਿਲਕੁਲ ਚੰਗੀ ਨਹੀਂ ਹੈ। ਬਾਲ ਅਧਿਕਾਰਾਂ ਦਾ ਖੁੱਲ੍ਹੇਆਮ ਉਲੰਘਣਾ ਹੋ ਰਿਹਾ ਹੈ। 10 ਸਾਲ ਤੱਕ ਦੇ ਛੋਟੇ-ਛੋਟੇ ਬੱਚਿਆਂ ਨੂੰ ਸਕੂਲ ਭੇਜਣ ਦੀ ਬਜਾਏ ਇਲੈਕਟ੍ਰਾਨਿਕਸ ਅਤੇ ਖਿਡੌਣਿਆਂ ਦੀਆਂ ਫੈਕਟਰੀਆਂ ਵਿਚ ਭੇਜਿਆ ਜਾ ਰਿਹਾ ਹੈ। ਉਹਨਾਂ ਦੇ ਨਾਲ ਬੰਧੂਆ ਮਜ਼ਦੂਰ ਵਰਗੇ ਵਿਵਹਾਰ ਕੀਤਾ ਜਾਂਦਾ ਹੈ। ਕੰਮ ਕਰਾਉਣ ਦੇ ਲਈ ਸਬਜ਼ੀਆਂ ਵਾਂਗ ਉਹਨਾਂ ਦੀ ਖਰੀਦ-ਵਿੱਕਰੀ ਹੁੰਦੀ ਹੈ। ਦਾ ਟੈਲੀਗ੍ਰਾਫ ਦੇ ਮੁਤਾਬਕ ਹਜ਼ਾਰਾਂ ਦੀ ਗਿਣਤੀ ਵਿਚ ਬੱਚਿਆਂ ਨੂੰ ਦੱਖਣੀ ਚੀਨ ਸਥਿਤ ਇਲੈਕਟ੍ਰਾਨਿਕਸ ਅਤੇ ਖਿਡੌਣਿਆਂ ਦੀਆਂ ਫੈਕਟਰੀਆਂ ਵਿਚ ਕੰਮ ਦੇ ਲਈ ਭੇਜਿਆ ਜਾਂਦਾ ਹੈ। ਬੱਚਿਆਂ ਦੀ ਖਰੀਦ-ਵਿੱਕਰੀ ਦਾ ਕੰਮ ਸਭ ਤੋਂ ਜ਼ਿਆਦਾ ਚੀਨ ਦੇ ਸੰਘਣੀ ਆਬਾਦੀ ਵਾਲੇ ਪ੍ਰਾਂਤ ਸਿਚੁਆਨ ਵਿਚ ਚੱਲਦਾ ਹੈ। ਰਿਪੋਰਟਰ ਦੇ ਮੁਤਾਬਕ ਲਾਈਨ ਲਗਾ ਕੇ ਖੜ੍ਹੇ ਬੱਚਿਆਂ ਨੂੰ ਜਾਨਵਰਾਂ ਵਾਂਗ ਟਰੱਕਾਂ ਵਿਚ ਭਰ ਕੇ ਚੀਨ ਦੇ ਦਿਲ ਕਹੇ ਜਾਂਦੇ ਪਰਲ ਰਿਵਰ ਡੇਲਟਾਂ ਸਥਿਤ ਫੈਕਟਰੀਆਂ ਵਿਚ ਭੇਜਿਆ ਜਾਂਦਾ ਹੈ। ਉਹਨਾਂ ਨੂੰ ਗਾਲੀ-ਗਲੋਚ ਦਾ ਸ਼ਿਕਾਰ ਵੀ ਹੋਣਾ ਪੈਂਦਾ ਹੈ। ਵਰਣਨਯੋਗ ਹੈ ਕਿ ਚੀਨ ਵਿਚ ਨਵੇਂ ਸਾਲ ਯਾਨਿ ਫਰਵਰੀ ਮਹੀਨੇ ਵਿਚ 76 ਬੱਚਿਆਂ ਦੇ ਗੁੰਮ ਹੋਣ ਦੀ ਗੱਲ ਸਾਹਮਣੇ ਆਈ ਸੀ।
|
