|
ਪਾਕਿਸਤਾਨ ‘ਤੇ ਰਾਜਨੀਤਕ ਮਾਹਿਰਾਂ ਦੀ ਰਾਏ ਥੋੜ੍ਹੀ ਹੀ ਦੂਰ ਹੈ ਤਾਨਾਸ਼ਾਹੀ! |
|
Saturday, 03 May 2008 |
ਵਾਸ਼ਿੰਗਟਨ- ਜੇਕਰ ਪਾਕਿਸਤਾਨ ਦੀ ਮੌਜੂਦਾ ਸਰਕਾਰ ਜਨਤਾ ਦੀਆਂ ਆਸਾਂ ਦੇ ਮੁਤਾਬਕ ਯਾਨਿ ਚੰਗਾ ਸ਼ਾਸਨ, ਸੁਰੱਖਿਆ, ਕਾਨੂੰਨ ਅਤੇ ਨਿਆਂ ਦਾ ਸ਼ਾਸਨ ਅਤੇ ਬੁਨਿਆਦੀ ਜ਼ਰੂਰਤਾਂ ਨੂੰ ਪੂਰਾ ਨਹੀਂ ਕਰ ਪਾਉਂਦੀ ਤਾਂ ਸੰਭਵ ਹੈ ਪਾਕਿਸਤਾਨ ਵਿਚ ਫਿਰ ਤੋਂ ਤਾਨਾਸ਼ਾਹੀ ਆ ਜਾਵੇ। ਮਾਹਿਰਾਂ ਦੀ ਰਾਏ ਵਿਚ ਇਹਨਾਂ ਸਭ ਕਾਰਨਾਂ ਦੇ ਕਾਰਨ ਪਾਕਿਸਤਾਨ ਵਿਚ ਫਿਰ ਤੋਂ ਉਹੀ ਸਿਲਸਿਲੇ ਚੱਲ ਪਵੇਗਾ, ਜਿਸ ਵਿਚ ਤਾਨਸ਼ਾਹੀ ਤੋਂ ਬਾਅਦ ਲੋਕਤੰਤਰ ਅਤੇ ਲੋਕਤੰਤਰ ਤੋਂ ਬਾਅਦ ਤਾਨਾਸ਼ਾਹੀ ਆਉਂਦੀ ਹੈ।
ਦੱਖਣੀ ਏਸ਼ੀਆ ਮਾਮਲਿਆਂ ਦੀ ਮੰਨੀ ਪ੍ਰਮੰਨੀ ਮਾਹਿਰ ਟਰੇਸਿਟਾ ਸਕਾਫਰ ਦੇ ਮੁਤਾਬਕ ਪਾਕਿਸਤਾਨ ਵਿਚ ਨਵੀਂ ਸਰਕਾਰ ਨੂੰ ਅੱਤਵਾਦ ਨਾਲ ਲੜਨ ਦੇ ਲਈ ਬਹੁਤ ਸੰਘਰਸ਼ ਕਰਨਾ ਹੋਵੇਗਾ। ਨਾਲ ਹੀ ਜ਼ਰੂਰਤ ਵਸਤੂਆਂ ਦੀਆਂ ਕੀਮਤਾਂ ਵਿਚ ਵਾਧਾ ਵੀ ਰੋਕਣਾ ਹੋਵੇਗਾ। ਇਸ ਤੋਂ ਇਲਾਵਾ ਸਰਕਾਰ ਦੇ ਸਾਹਮਦੇ ਲੋਕਤੰਤਰ ਕਾਇਮ ਰੱਖਣ ਦੀ ਵੀ ਚੁਣੌਤੀ ਹੈ। ਸੈਂਟਰ ਫਾਰ ਸਟ੍ਰੈਟੇਜਿਕ ਐਂਡ ਇੰਟਰਨੈਸ਼ਨਲ ਸਟੱਡੀਜ਼ ਵੱਲੋਂ ਆਯੋਜਿਤ ਇਕ ਬਹਿਸ ਵਿਚ ਸਕਾਫਰ ਨੇ ਹਿਕਾ ਕਿ ਪਾਕਿਸਤਾਨ ਵਿਚ ਸੱਤਾ ਤਬਦੀਲੀ ਨੇ ਰਾਇਤੀ ਕਮੀਆਂ ‘ਤੇ ਧਿਆਨ ਦੇਣ ਦੇ ਲਈ ਚੰਗਾ ਮੌਕਾ ਪ੍ਰਦਾਨ ਕੀਤਾ ਹੈ। ਇਸ ਤੋਂ ਮੁਲਕ ਦੇ ਸਾਹਮਣੇ ਪੈਦਾ ਅੰਦਰੂਨੀ ਅਤੇ ਬਾਹਰਲੇ ਖ਼ਤਰਿਆਂ ‘ਤੇ ਧਿਆਨ ਦਿੱਤਾ ਜਾ ਸਕੇਗਾ। ਸਕਾਫਰ ਦੇ ਮੁਤਾਬਕ ਪਾਕਿ ਵਿਚ ਇਸ ਵਾਰ ਜਾੋ ਲੋਕ ਜਨਤਾ ਦੁਆਰਾ ਚੁਣ ਕੇ ਆਏ ਹਨ, ਉਹ ਅਮਰੀਕਾ ਤੋਂ ਦੂਰੀ ਬਣਾਉਣ ਦੀ ਕੋਸ਼ਿਸ਼ ਵਿਚ ਹਨ, ਕਿਉਂਕਿ ਉਹ ਅੱਤਵਾਦ ਦੇ ਖਿਲਾਫ ਯੁੱਧ ਨੂੰ ਆਪਣਾ ਨਾ ਮੰਨ ਕੇ ਅਮਰੀਕਾ ਦੀ ਲੜਾਈ ਮੰਨਦੇ ਹਨ। ਪਾਕਿਸਤਾਨ ਦੀਆਂ ਸਮੱਸਿਆਵਾਂ ਅਮਰੀਕੀ ਨੀਤੀ ਦੇ ਗਲਤ ਅੰਦਾਜ਼ੇ ਦੇ ਕਾਰਨ ਹੋਰ ਡੂੰਘੀਆਂ ਹੋਈਆਂ ਹਨ। ਡੈਮੋਕ੍ਰੇਸੀ ਇੰਟਰਨੈਸ਼ਨਲ ਦੇ ਗਲੇਨ ਕੋਵਾਨ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਪਾਕਿਸਤਾਨ ਦੀ ਵਾਗਡੋਰ ਸੰਭਾਲ ਰਹੇ ਲੋਕਾਂ ਵਿਚ ਸੁਧਾਰਾਂ ਬਾਰੇ ਰਾਜਨੀਤਿਕ ਇੱਛਾ ਸ਼ਕਤੀ ਦੀ ਕਮੀ ਨਜ਼ਰ ਆਉਂਦੀ ਹੈ। ਉਹਨਾਂ ਨੇ ਪਾਕਿਸਤਾਨ ਦੇ ਰਾਜਨੀਤਿਕ ਦਲਾਂ ਨੂੰ ਗੈਰ ਲੋਕਤੰਤਰੀ ਅਤੇ ਫਾਸੀਵਾਦੀ ਜ਼ਮੀਨ ‘ਤੇ ਚੱਲਣ ਵਾਲਾ ਕਰਾਰ ਦਿੱਤਾ। ਉਥੇ ਸਿਰਫ ਉਹਨਾਂ ਹੀ ਉਮੀਦਵਾਰਾਂ ਨੂੰ ਪਾਰਟੀ ਟਿਕਟ ਮਿਲ ਪਾਉਂਦੀ ਹੈ, ਜਿਹਨਾਂ ਦੇ ਕੋਲ ਚੋਣਾਂ ਲੜਨ ਲਈ ਪੈਸਾ ਹੁੰਦਾ ਹੈ। ਗਲੇਨ ਦੇ ਮੁਤਾਬਕ ਜਦੋਂ ਤੱਕ ਇਹਨਾਂ ਕਮੀਆਂ ‘ਤੇ ਧਿਆਨ ਨਹੀਂ ਦਿੱਤਾ ਜਾਵੇਗਾ, ਪਾਕਿਸਤਾਨ ਸਮੱਸਿਆਵਾਂ ਤੋਂ ਨਹੀਂ ਉੱਭਰ ਸਕੇਗਾ।
|
