|
ਪਾਕਿਸਤਾਨ ਵਿਚ ਸੈਲਫੋਨ ‘ਤੇ ਮੰਗੀ ਜਾ ਰਹੀ ਹੈ ਭੀਖ |
|
Sunday, 04 May 2008 |
 ਇਸਲਾਮਾਬਾਦ- ਵੈਸੇ ਤਾਂ ਦੁਨੀਆਂ ਭਰ ਵਿਚ ਭੀਖ ਮੰਗਣ ਦੇ ਅਜੀਬੋ-ਗਰੀਬ ਤਰੀਕੇ ਹਨ ਪਰ ਲੱਗਦਾ ਹੈ ਪਾਕਿਸਤਾਨ ਦੇ ਭਿਖਾਰੀਆਂ ਨੇ ਸਾਰਿਆਂ ਨੂੰ ਪਛਾੜ ਦੇਣ ਦਾ ਫੈਸਲਾ ਕਰ ਲਿਆ ਹੈ। ਉੌਥੋਂ ਦੇ ਭਿਖਾਰੀ ਇੰਨੇ ਹਾਈ-ਟੈਕ ਹੋ ਗਏ ਹਨ ਕਿ ਭੀਖ ਮੰਗਣ ਦੇ ਲਈ ਉਹ ਸੈਲਫੋਨ ਦਾ ਇਸਤੇਮਾਲ ਕਰਨ ਲੱਗੇ ਹਨ। ਇਹ ਭਿਖਾਰੀ ਸੈਲਫੋਨ ‘ਤੇ ਪਾਕਿ ਕਰੰਸੀ ਵਿਚ 10 ਰੁਪਏ ਤੋਂ 100 ਰੁਪਏ ਵਿਚਕਾਰ ਭੀਖ ਦੇਣ ਦੀ ਅਪੀਲ ਕਰਦੇ ਹਨ। ਕੁਝ ਲੋਕ ਇਹਨਾਂ ਦੇ ਜਾਲ ਵਿਚ ਫਸ ਹੀ ਜਾਂਦੇ ਹਨ ਕਿਉਂਕਿ ਭੀਖ ਅੱਲ੍ਹਾ ਦੇ ਨਾਂ ‘ਤੇ ਮੰਗੀ ਜਾਂਦੀ ਹੈ। ਇਸ ਢੰਗ ਨਾਲ ਭੀਖ ਮੰਗਣ ਦਾ ਇਕ ਨਮੂਨਾ ਦੇਖੋ- 'ਮੈਂ ਬੇਹੱਦ ਗਰੀਬ ਇਨਸਾਨ ਹਾਂ ਅਤੇ ਮੇਰੀ ਬੇਟੀ ਹਸਪਤਾਲ ਵਿਚ ਦਾਖਲ ਹੈ। ਜੇਕਰ ਤੁਹਾਨੂੰ ਅੱਲ੍ਹਾ ਵਿਚ ਜ਼ਰਾ ਵੀ ਯਕੀਨ ਹੈ ਤਾਂ ਮੈਨੂੰ ਘੱਟ ਤੋਂ ਘੱਟ 10 ਰੁਪਏ ਭੇਜਣ ਦੀ ਕਿਰਪਾ ਕਰੋ। ਅੱਲ੍ਹਾ ਤੁਹਾਨੂੰ ਬਰਕਤ ਦੇਵੇਗਾ ਅਤੇ ਤੁਹਾਡੀਆਂ ਸਾਰੀਆਂ ਦਿੱਕਤਾਂ ਦੂਰ ਕਰੇਗਾ। ਇੰਨਾ ਹੀ ਨਹੀਂ, ਇਸ ਕਿਸਮ ਦੇ ਮੈਸੇਜ ਦੇ ਨਾਲ ਭੇਜੀਆਂ ਗਈਆਂ ਜੱਨਤ ਦੀਆਂ ਤਸਵੀਰਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਕਈ ਲੋਕਾਂ ਦੇ ਲਈ ਮੁਸ਼ਕਿਲ ਹੋ ਜਾਂਦਾ ਹੈ ਅਤੇ ਉਹ ਕੁਝ ਨਾ ਕੁਝ ਰਕਮ ਭੇਜ ਹੀ ਦਿੰਦੇ ਹਨ।
|
