|
ਭੁਲੱਕੜਾਂ ਦੇ ਲਈ ਅਨੋਖਾ ਤੋਹਫਾ ਲੈ ਕੇ ਆਈ ਟਰੰਟੋ ਦੇ ਵਿਗਿਆਨੀਆਂ ਦੀ ਇਕ ਟੀਮ |
|
Wednesday, 07 May 2008 |
 ਲੰਡਨ- ਕੀ ਤੁਹਾਨੂੰ ਭੁੱਲਣ ਦੀ ਆਦਤ ਹੈ? ਨਾਂ ਜਾਂ ਚਿਹਰਾ ਯਾਦ ਨਹੀਂ ਰਹਿੰਦੇ? ਜੇਕਰ ਤੁਹਾਡੇ ਦਿਮਾਗ ਵਿਚ ਫਿੱਟ ਹੋਣ ਵਾਲੀ ਕੋਈ ਮੈਮਰੀ ਚਿਪ ਮਿਲ ਜਾਵੇ ਤਾਂ ਹੋ ਸਕਦਾ ਹੈ, ਇਸਦੇ ਲਈ ਤੁਸੀਂ ਮੂੰਹ ਮੰਗੀ ਕੀਮਤ ਦੇਣ ਲਈ ਰਾਜ਼ੀ ਹੋ ਜਾਓ। ਵਿਗਿਆਨੀਆਂ ਨੇ ਪਤਾ ਲਗਾ ਲਿਆ ਹੈ ਕਿ ਤੁਸੀਂ ਕਿਸ ਕਿਸਮ ਦੀਆਂ ਗੱਲਾਂ ਅਤੇ ਚਿਹਰਿਆਂ ਨੂੰ ਚੰਗੀ ਤਰ੍ਹਾਂ ਯਾਦ ਰੱਖ ਸਕਦੇ ਹੋ। ਵੈਸੇ ਕੇਵਲ ਮਨੁੱਖ ਹੀ ਭੁੱਲਦੇ ਹਨ, ਅਜਿਹਾ ਨਹੀਂ ਹੈ। ਘੋਗੇ, ਮੱਖੀਆਂ, ਮੱਕੜੀ, ਚੂਹਾ, ਬਾਂਦਰ ਯਾਨਿ ਲੱਗਭੱਗ ਹਰ ਪ੍ਰਾਣੀ ਨੂੰ ਭੁੱਲਣ ਦੀ ਆਦਤ ਹੁੰਦੀ ਹੈ। ਭੁਲੱਕੜਾਂਦੇ ਲਈ ਟਰੰਟੋ ਦੀ ਰਿਸਰਚ ਟੀਮ ਨੇ ਇਕ ਅਜਿਹੀ ਤਕਨੀਕ ਵਿਕਸਤ ਕੀਤੀ ਹੈ, ਜਿਸਨੂੰ ਦਿਮਾਗ ਵਿਚ ਡੂੰਘਾਈ ‘ਤੇ ਲਗਾ ਦਿੱਤਾ ਜਾਵੇ ਤਾਂ ਸਾਡੇ ਸਰੀਰ ਵਿਚ ਪਹਿਲਾਂ ਤੋਂ ਮੌਜੂਦ ਯਾਦਾਸ਼ਤ ਦੇ ਸਰਕਟ ਵਿਚ ਸੁਧਾਰ ਆ ਸਕਦਾ ਹੈ ਅਤੇ ਸਾਡੀ ਯਾਦਾਸ਼ਤ ਬਹੁਤ ਤੇਜ਼ ਹੋ ਸਕਦੀ ਹੈ। ਪਰ ਇਸ ਤਕਨੀਕ ਨੂੰ ਮਨੁੱਖੀ ਦਿਮਾਗ ਵਿਚ ਲਗਾਉਣ ਤੋਂ ਪਹਿਲਾਂ ਇਸ ਵਿਚ ਕੁਝ ਸੁਧਾਰ ਅਤੇ ਵਿਕਾਸ ਦੀ ਜ਼ਰੂਰਤ ਹੈ। ਇਹ ਤਕਨੀਕ ਹਮੇਸ਼ਾ ਕਾਮਯਾਬ ਹੋਵੇਗੀ ਜਾਂ ਨਹੀਂ, ਭਰੋਸੇਯੋਗ ਰਹੇਗੀ ਜਾਂ ਨਹੀਂ? ਜ਼ਰੂਰਤ ਪੈਣ ‘ਤੇ ਕੰਮ ਕਰੇਗੀ ਜਾਂ ਨਹੀਂ? ਇਹ ਕੁਝ ਅਜਿਹੇ ਸਵਾਲ ਹਨ, ਜਿਹਨਾਂ ਦੇ ਜਵਾਬ ਲੱਭੇ ਜਾ ਰਹੇ ਹਨ। ਰਿਸਰਚ ਟੀਮ ਦਾ ਮੰਨਣਾ ਹੈ ਕਿ ਸਾਡੇ ਦਿਮਾਗ ਨੂੰ ਅਜਿਹੀ ਤਕਨੀਕ ਦੀ ਜ਼ਰੂਰਤ ਹੈ ਜੋ ਕੰਪਿਊਟਰ ‘ਤੇ ਇੰਟਰਨੈਟ ਦੇ ਗੂਗਲ ਸਰਚ ਜਾਂ ਉਸੇ ਕਿਸਮ ਦੇ ਸਰਚ ਇੰਜਨਾਂ ਵਾਂਗ ਕੰਮ ਕਰੇ। ਪਰ ਕੀ ਅਜਿਹਾ ਕਰਨ ਨਾਲ ਸਾਡਾ ਦਿਮਾਗ ਕੰਪਿਊਟਰ ਹੋ ਜਾਵੇਗਾ? ਬਿਲਕੁਲ ਨਹੀਂ। ਦਿਮਾਗ ਵਿਚ ਇਕ ਮਾਸਟਰ ਮੈਮਰੀ ਚਿਪ ਲਗਾਉਣ ਨਾਲ ਤੁਹਾਡੀ ਸੋਚਣ, ਸਮਝਣ, ਮਹਿਸੂਸ ਕਰਨ, ਪਿਆਰ ਕਰਨ, ਹੱਸਣ ਜਾਂ ਰੋਣ ਦੀ ਸਮਰੱਥਾ ਬਰਕਰਾਰ ਰਹਿੰਦੀ ਹੈ। ਇਹ ਚਿੱਪ ਤੁਹਾਡੀ ਭੁਲੱਕੜਪਣ ਦੀ ਆਦਤ ਨਹੀਂ ਛੁਡਵਾ ਸਕੇਗੀ, ਤੁਹਾਡੇ ਦਿਮਾਗ ਦਾ ਆਕਾਰ ਜਾਂ ਮੈਮਰੀ ਬੈਂਕ ਵੀ ਇਸ ਨਾਲ ਨਹੀਂ ਵਧੇਗਾ।
|
