|
ਪੁਰਸ਼ਾਂ ਤੋਂ ਬਿਹਤਰ ਡ੍ਰਾਈਵਰ ਹੁੰਦੀਆਂ ਹਨ ਔਰਤਾਂ |
|
Tuesday, 20 May 2008 |
 ਮੈਲਬੌਰਨ- ਸਿਡਨੀ ਦੀ ਸਭ ਤੋਂ ਵੱਡੀ ਬੱਸ ਅਪਰੇਟਿੰਗ ਕੰਪਨੀ ਵਿਓਲੀਆ ਟ੍ਰਾਂਸਪੋਰਟ ਦਾ ਮੰਨਣਾ ਹੈ ਕਿ ਪੁਰਸ਼ਾਂ ਦੇ ਮੁਕਾਬਲੇ ਔਰਤਾਂ ਬਿਹਤਰ ਬੱਸ ਡ੍ਰਾਈਵਰ ਹੁੰਦੀਆਂ ਹਨ। ਕੰਪਨੀ ਦਾ ਤਰਕ ਹੈ ਕਿ ਕਿਸੇ ਵੀ ਝਗੜੇ ਜਾਂ ਵਿਵਾਦ ਨੂੰ ਸੁਲਝਾਉਣ ਵਿਚ ਔਰਤਾਂ ਪੁਰਸ਼ਾਂ ਤੋਂ ਬਿਹਤਰ ਸਮਰੱਥ ਹੁੰਦੀਆਂ ਹਨ, ਇਸ ਕਰਕੇ ਔਰਤਾਂ ਬਿਹਤਰ ਡ੍ਰਾਈਵਰ ਦੇ ਨਾਲ ਹੀ ਸੜਕਾਂ ‘ਤੇ ਵਧੀਆ ਚਾਲਕ ਦੀ ਭੂਮਿਕਾ ਵੀ ਅਦਾ ਕਰਦੀਆਂ ਹਨ। ਔਰਤਾਂ ਦੇ ਡ੍ਰਾਈਵਰ ਹੋਣ ਦੇ ਕਾਰਨ ਬੱਸ ਸਬੰਧੀ ਜ਼ਿਆਦਾ ਚਿੰਤਾ ਕਰਨ ਦੀ ਜ਼ਰੂਰਤ ਨਹੀਂ ਹੁੰਦੀ। ਕੰਪਨੀ ਦੁਆਰਾ 9 ਮਹੀਨੇ ਤੱਕ ਚਲਾਏ ਗਏ ਮਹਿਲਾ ਬੱਸ ਡ੍ਰਾਈਵਰ ਮੁਹਿੰਮ ਨੂੰ ਸਫਲ ਹੁੰਦਾ ਦੇਖ ਕੇ ਨਿਊ ਸਾਊਥ ਵੇਲਸ ਦੇ ਅਟਾਰਨੀ ਜਨਰਲ ਨੇ ਵੀ ਕੰਪਨੀ ਨੂੰ ਬੱਸ ਡ੍ਰਾਈਵਰ ਦੇ ਰੂਪ ਵਿਚ ਔਰਤਾਂ ਦੀ ਭਰਮੀ ਨੂ ਨੂੰਹਰੀ§ਡੀ ਦਿਖਾ ਦਿੱਤੀ ਹੈ। ਵਿਯੋਲੀਆ ਟ੍ਰਾਂਸਪੋਰਟ ਦੇ ਮੈਨੇਜਿੰਗ ਡਾਇਰੈਕਟਰ ਮੋਰਿਸ ਕੇਪੁਟੀ ਨੇ ਕਿਹਾ ਕਿ ਔਰਤਾਂ ਨੂੰ ਬੱਸ ਡ੍ਰਾਈਵਰ ਬਣਾਉਣ ਤੋਂ ਬਾਅਦ ਅਸੀਂ ਦੇਖਿਆ ਕਿ ਉਹ ਮਸ਼ੀਨਾਂ ਦਾ ਇਸਤੇਮਾਲ ਪੁਰਸ਼ਾਂ ਦੀ ਤੁਲਨਾ ਵਿਚ ਬਿਹਤਰ ਤਰੀਕੇ ਨਾਲ ਕਰਦੀਆਂ ਹਨ। ਇੰਨਾ ਹੀ ਨਹੀਂ, ਮਹਿਲਾ ਡ੍ਰਾਈਵਰ ਯਾਤਰੀਆਂ ਦੇ ਨਾਲ ਸਲੀਕੇ ਨਾਲ ਪੇਸ਼ ਆਉਂਦੀਆਂ ਹਨ। ਕੇਪੁਟੀ ਨੇ ਕਿਹਾ ਕਿ ਔਰਤਾਂ ਸੰਵੇਦਨਸ਼ੀਲ ਹੁੰਦੀਆਂ ਹਨ। ਉਹ ਦੂਜਿਆਂ ਦੇ ਦਰਦ ਨੂੰ ਬਿਹਤਰ ਸਮਝਦੀਆਂ ਹਨ। ਮਹਿਲਾ ਡ੍ਰਾਈਵਰ ਬੱਸ ਦੀ ਗਤੀ ਨੂੰ ਆਪਣੇ ਕੰਟਰੋਲ ਵਿਚ ਰੱਖਦੀ ਹੈ, ਜਿਸ ਕਰਕੇ ਦੁਰਘਟਨਾਵਾਂ ਵੀ ਘੱਟ ਹੁੰਦੀਆਂ ਹਨ। ਅਸੀਂ ਜਲਦੀ ਹੀ ਵੱਡੀ ਗਿਣਤੀ ਵਿਚ ਮਹਿਲਾ ਡ੍ਰਾਈਵਰਾਂ ਦੀ ਭਰਤੀ ਕਰਾਂਗੇ।
|
