|
ਮੰਗਲ ‘ਤੇ ਉਤਰਨ ਲਈ ਤਿਆਰ ਹੈ ਫੀਨਿਕਸ |
|
Friday, 23 May 2008 |
 ਵਾਸ਼ਿੰਗਟਨ-ਦਸ ਮਹੀਨਿਆਂ ਵਿਚ 19.5 ਕਰੋੜ ਕਿਲੋਮੀਟਰ ਦੀ ਯਾਤਰਾ ਕਰਕੇ ਮੰਗਲ ਦੇ ਨੇੜੇ ਪਹੁੰਚਿਆ ਅਮਰੀਕੀ ਪੁਲਾੜ ਰਾਕਟ 'ਫੀਨਿਕਸ‘ ਐਤਵਾਰ ਨੂੰ ਮੰਗਲ ਦੇ ਉੱਤਰੀ ਧਰੁਵ ‘ਤੇ ਪਹੁੰਚਣ ਵਾਲਾ ਹੈ ਪਰ ਉਸਦੀ ਇਹ ਯਾਤਰਾ ਆਸਾਨ ਨਹੀਂ ਹੋਵੇਗੀ। ਇਹ ਰਾਕਟ 20 ਹਜ਼ਾਰ ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਮੰਗਲ ਦੇ ਵਾਯੂਮੰਡਲ ਵਿਚ ਪ੍ਰਵੇਸ਼ ਕਰੇਗਾ। ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦੇ ਵਿਗਿਆਨਕ ਮੰਗਲ ‘ਤੇ ਜੀਵਨ ਦੀ ਖੋਜ ਦੇ ਲਈ ਕੀਤੇ ਗਏ ਇਸ ਰਾਕਟ ਦੇ ਸਫਲਤਾਪੂਰਵਕ ਉਤਰਨ ਨੂੰ ਲੈ ਕੇ ਕਾਫੀ ਚੌਕਸ ਸਨ ਕਿ ਮੰਗਲ ‘ਤੇ ਬਰਫ ਦੀ ਹੋਂਦ ਹੈ। ਨਾਸਾ ਦੇ ਵਿਗਿਆਨਕ ਮੁਹਿੰਮ ਡਾਇਰੈਕਟੋਰੇਟ ਦੇ ਜੁਆਇੰਟ ਪ੍ਰਸ਼ਾਸਕ ਐਂਡ ਵੇਲਰ ਨੇ ਕਿਹਾ ਕਿ ਇਹ ਕੋਈ ਆਸਾਨ ਯਾਤਰਾ ਨਹੀਂ ਹੈ। ਮੰਗਲ ‘ਤੇ ਕਿਸੇ ਰਾਕਟ ਨੂੰ ਸੁਰੱਖਿਅਤ ਉਤਾਰਨਾ ਬਹੁਤ ਕਠਿਨ ਅਤੇ ਖ਼ਤਰਨਾਕ ਕੰਮ ਹੈ। ਵਰਣਨਯੋਗ ਹੈ ਕਿ ਮੰਗਲ ਦੀ ਸਤਹਿ ‘ਤੇ ਉਤਰਨ ਦੇ ਪਿਛਲੇ 15 ਯਤਨਾਂ ਵਿਚੋਂ ਪੰਜ ਹੀ ਸਫਲ ਹੋ ਸਕੇ ਹਨ ਅਤੇ ਉਹ ਪੰਜੇ ਸਫਲ ਯਾਤਰਾਵਾਂ ਨਾਸਾ ਦੇ ਰਾਕਟਾਂ ਨੇ ਹੀ ਕੀਤੀਆਂ ਹਨ। ਅਜਿਹੀ ਵਿਵਸਥਾ ਕੀਤੀ ਗਈ ਹੈ ਕਿ ਮੰਗਲ ‘ਤੇ ਉਤਰਨ ਦੇ ਠੀਕ ਪਹਿਲਾਂ ਰਾਕਟ ਦੀ ਗਤੀ ਨੂੰ ਕੰਟਰੋਲ ਕੀਤਾ ਜਾ ਸਕੇ ਤਾਂ ਜੋ ਇਸਦੇ ਉਤਸਦੇ ਸਮੇਂ ਕਿਸੇ ਦੁਰਘਟਨਾ ਦੀ ਸੰਭਾਵਨਾ ਨੂੰ ਘੱਟ ਕੀਤਾ ਜਾ ਸਕੇ। ਮੰਗਲ ਦੀ ਆਪਣੀ ਤਿੰਨ ਮਹੀਨੇ ਦੀ ਯਾਤਰਾ ਦੇ ਦੌਰਾਨ ਇਹ ਰਾਕਟ ਉਥੇ ਜਮੀ ਬਰਫ ਨੂੰ ਪੁੱਟਣ ਦੇ ਲਈ 2.4 ਮੀਟਰ ਲੰਮੇ ਇਕ ਯੰਤਰ ਦੀ ਵਰਤੋਂ ਕਰੇਗਾ।
|
