Mumbai-born doctor could well revolutionize the world of organ transplants

A Mumbai-born doctor could well revolutionize the world of organ transplants. Dr Hemant Thatte, a senior cardiovascular surgeon at Harvard University who was born in Dadar and raised in Pune, has worked out a 21-chemical solution that could preserve a donated organ for up to a week before a transplant.


"Preliminary studies have shown that hearts stored in SOMAH solution (as the new preservative is called) for 24 hours can be resuscitated without medicines as against other solutions that allow for only four hours," said Dr Thatte via email. In studies conducted on pigs, the solution has been effective in preserving tissues for up to a week.

Organs retrieved from brain-dead persons are stored for a few hours before being transported to various departments or hospitals for transplant. At present, hearts and lungs need to be transplanted within 4-6 hours of being recovered from a brain-dead donor, the liver within eight hours and kidneys within a little more than 24 hours.

What SOMAH—the Sanskrit name for the elixir of immortality—can do is preserve organs long enough to be transported across a large country or half-way across the globe. "Current technologies require that organs from cadaver donors be transplanted within a small window of 4-6 hours. If the transplant surgery cannot take place within that time, the available organ cannot be used. Moreover, the available organs cannot be transported long-distance for transplant and have to be made available locally. The use of SOMAH expands that small window to seven days,'' he said.

In technical terms, the preservative slows down the process of cell deterioration.

In October 2009, Dr Thatte had published a paper in the medical journal Circulation, comparing SOMAH to a widely-used preservation solution to show how the rate of cell death was lower in the former. This research suggested hearts kept in SOMAH could be stored for up to a week.

Dr Thatte believes Somah's biggest advantage is that it can be used at room temperatures. "If we physicians can maintain an organ in the same energy status it was used to before being retrieved, the organ is in a better state when transplanted. It can get into rhythm sooner," he said.

Dr Thatte has worked in Harvard for more than two decades. Over a decade ago, he synthesized a solution called GALA that could preserve blood vessels used as bypass channels during heart surgeries. GALA is in use across the US and France.

SOMAH is still a year or more away from clinical trial. Experts are, however, sceptical about its week-long claim.

A Canadian doctor, Dr Vivek Rao, from the Toronto General Hospital was quoted in local newspapers as saying, "There are thousands of solutions out there, all of which make the same claims.''

Mumbai-based cardiac surgeon Pawan Kumar said there is immense scope for progress as far as preservation of organs goes. "But we have to wait and see the results first," he said.

Dr Vatsala Trivedi, a urologist who conducted Mumbai's first cadaver kidney transplant in 1997, said SOMAH could be a boon for organ transplant if it can indeed be proved it works.

ਦੇਸ਼ ਨੂੰ 3500 ਕਰੋੜ ਵਿਚ ਪੈਣਗੀਆਂ ਲੋਕ ਸਭਾ ਚੋਣਾਂ

ਦੇਸ਼ ਨੂੰ 3500 ਕਰੋੜ ਵਿਚ ਪੈਣਗੀਆਂ ਲੋਕ ਸਭਾ ਚੋਣਾਂ

ਭਾਰਤੀ ਚੋਣ ਕਮਿਸ਼ਨ ਦੇ ਇਕ ਅਨੁਸਾਰ ਆਉਂਦੀਆਂ ਲੋਕ ਸਭਾ ਚੋਣਾਂ 'ਤੇ ਕੁਲ 3500 ਕਰੋੜ ਰੁਪਏ ਦਾ ਖ਼ਰਚਾ ਆਵੇਗਾ। ਇਹ ਰਕਮ ਪਿਛਲੀ ਵਾਰ 2009 ਵਿਚ ਹੋਈਆਂ ਚੋਣਾਂ ਵਿਚ ਹੋਏ ਖ਼ਰਚੇ ਦੀ ਰਕਮ ਤੋਂ 150 ਫ਼ੀ ਸਦੀ ਵੱਧ ਹੈ।
2009 ਵਿਚ ਹੋਈਆਂ ਚੋਣਾਂ 'ਤੇ 1400 ਕਰੋੜ ਰੁਪਏ ਦਾ ਖ਼ਰਚਾ ਆਇਆ ਸੀ। 3500 ਕਰੋੜ ਰੁਪਏ ਵਿਚ ਸੁਰੱਖਿਆ ਏਜੰਸੀਆਂ ਅਤੇ ਸਿਆਸੀ ਪਾਰਟੀਆਂ ਵਲੋਂ ਕੀਤਾ ਜਾਣ ਵਾਲਾ ਖ਼ਰਚ ਸ਼ਾਮਲ ਨਹੀਂ ਹੈ। ਚੋਣ ਕਮਿਸ਼ਨ ਦੇ ਅਧਿਕਾਰੀ ਨੇ ਨਾਂ ਨਾ ਛਾਪਣ ਦੀ ਸ਼ਰਤ 'ਤੇ ਦਸਿਆ, ''ਹਰ ਸੂਬਾ ਅਪਣੇ ਖ਼ਰਚ ਦਾ ਵੇਰਵਾ ਕੇਂਦਰ ਨੂੰ ਭੇਜ ਦੇਵੇਗਾ। ਕੇਂਦਰੀ ਕਾਨੂੰਨ ਮੰਤਰਾਲਾ ਸੂਬਿਆਂ ਦੇ ਖ਼ਰਚਿਆਂ 'ਤੇ ਕਾਰਵਾਈ ਕਰੇਗਾ। ਚੋਣ ਕਮਿਸ਼ਨ ਵਲੋਂ ਲਗਾਏ ਗਏ ਇਕ ਅੰਦਾਜ਼ੇ ਅਨੁਸਾਰ ਲੋਕ ਸਭਾ ਚੋਣਾਂ 'ਤੇ ਲਗਭਗ 3500 ਕਰੋੜ ਰੁਪਏ ਦਾ ਖ਼ਰਚਾ ਆਵੇਗਾ ਅਤੇ ਇਹ ਰਕਮ ਵੱਧ ਜਾਂ ਘੱਟ ਵੀ ਹੋ ਸਕਦੀ ਹੈ।'' 2009 ਤੋਂ ਬਾਅਦ ਲਗਾਤਾਰ ਮਹਿੰਗਾਈ ਵਧਣ ਕਾਰਨ ਇਹ ਖ਼ਰਚਾ ਵਧਿਆ ਹੈ ਅਤੇ ਚੋਣ ਕਮਿਸ਼ਨ ਵਲੋਂ ਲਗਾਤਾਰ ਜਾਗਰੂਕਤਾ ਮੁਹਿੰਮ ਚਲਾਈ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਚੋਣ ਕਮਿਸ਼ਨ ਪਿਛਲੇ ਕੁੱਝ ਸਾਲਾਂ ਤੋਂ ਇਹ ਕੋਸ਼ਿਸ਼  ਕਰ ਰਿਹਾ ਹੈ ਕਿ ਵੱਧ ਤੋਂ ਵੱਧ ਲੋਕਾਂ ਨੂੰ ਵੋਟ ਪਾਉਣ ਲਈ ਆਕਰਸ਼ਤ ਕਰਨ ਅਤੇ ਵੋਟਾਂ ਵੇਚਣ ਤੋਂ ਰੋਕਿਆ ਜਾ ਸਕੇ, ਵਿਸ਼ੇਸ਼ ਤੌਰ 'ਤੇ ਤਾਮਿਲਨਾਡੂ ਅਤੇ ਆਂਧਰਾ ਪ੍ਰਦੇਸ਼ ਵਰਗੇ ਸੂਬਿਆਂ ਵਿਚ। ਉਨ੍ਹਾਂ ਕਿਹਾ ਕਿ ਛੇ ਮਹੀਨੇ ਤੋਂ ਚੋਣ ਕਮਿਸ਼ਨ ਨੇ ਜ਼ਿਆਦਾ ਤੋਂ ਜ਼ਿਆਦਾ ਲੋਕਾਂ ਨੂੰ ਵੋਟਿੰਗ ਸੂਚੀ ਵਿਚ ਸ਼ਾਮਲ ਕਰਨ ਲਈ ਸਾਰੇ ਦੇਸ਼ ਵਿਚ ਇਕ ਮੁਹਿੰਮ ਸ਼ੁਰੂ ਕੀਤੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਬਾਕੀ ਖ਼ਰਚਿਆਂ ਵਿਚ ਚੋਣਾਂ ਦੌਰਾਨ


ਕੰਮ ਕਰਨ ਵਾਲੇ ਅਧਿਕਾਰੀਆਂ ਨੂੰ ਅਦਾਇਗੀ ਕਰਨਾ ਵੀ ਸ਼ਾਮਲ ਹੈ। ਇਸ ਤੋਂ ਬਾਅਦ ਹੋਰ ਵੱਡੇ ਖ਼ਰਚਿਆਂ ਵਿਚ ਪਾਰਟੀਆਂ ਨੂੰ ਵੋਟਾਂ ਲਈ ਨੋਟ ਵੰਡਣ ਤੋਂ ਰੋਕਣਾ ਵੀ ਸ਼ਾਮਲ ਹੈ।
ਜ਼ਿਕਰਯੋਗ ਹੈ ਕਿ ਸਾਲ 1952 ਵਿਚ ਭਾਰਤ ਵਿਚ ਪਹਿਲੀ ਵਾਰ ਲੋਕ ਸਭਾ ਚੋਣਾਂ ਕਰਵਾਈਆਂ ਗਈਆਂ ਸਨ ਅਤੇ ਇਸ 'ਤੇ ਉਸ ਸਮੇਂ ਕੁਲ 10-15 ਕਰੋੜ ਰੁਪਏ ਦਾ ਖ਼ਰਚਾ ਆਇਆ ਸੀ।
ਤਾਮਿਲਨਾਡੂ ਦੇ ਮੁੱਖ ਚੋਣ ਅਧਿਕਾਰੀ ਪ੍ਰਵੀਨ ਕੁਮਾਰ ਨੇ ਕਿਹਾ ਕਿ ਚੋਣਾਂ ਦੌਰਾਨ ਸੁਰੱਖਿਆ ਲਈ ਹਰ ਸੂਬੇ ਨੂੰ ਅਪਣੇ ਪੱਧਰ 'ਤੇ ਖ਼ਰਚ ਕਰਨਾ ਪਵੇਗਾ।

ਤੇਲੰਗਾਨਾ ਬਣਿਆ ਦੇਸ਼ ਦਾ 29ਵਾਂ ਸੂਬਾ

ਨਵੀਂ ਦਿੱਲੀ, 20 ਫ਼ਰਵਰੀ : ਤੇਲੰਗਾਨਾ ਨੂੰ ਭਾਰਤ ਦਾ 29ਵਾਂ ਸੂਬਾ ਬਣਾਉਣ ਦਾ ਰਾਹ ਪਧਰਾ ਕਰਦਿਆਂ ਇਸ ਨਾਲ ਸਬੰਧਤ ਵਿਵਾਦਤ ਬਿਲ ਨੂੰ ਅੱਜ ਸੰਸਦ ਦੀ ਪ੍ਰਵਾਨਗੀ ਮਿਲ ਗਈ ਅਤੇ ਪ੍ਰਧਾਨ ਮੰਤਰੀ ਨੇ ਭਰੋਸਾ ਦਿਤਾ ਕਿ ਸੀਮਾਂਧਰਾ ਦੇ ਲੋਕਾਂ ਦੇ ਹਿਤਾਂ ਦੀ ਰਾਖੀ ਕੀਤੀ ਜਾਵੇਗੀ। ਰਾਜ ਸਭਾ ਵਿਚ ਅੱਜ ਦਿਨ ਭਰ ਚਲੇ ਹੰਗਾਮੇ ਅਤੇ ਕਈ ਵਾਰ ਸਦਨ ਦੀ ਕਾਰਵਾਈ ਮੁਲਤਵੀ ਕਰਨ ਤੋਂ ਬਾਅਦ ਵਿਰੋਧੀ ਧਿਰ ਵਲੋਂ ਲਿਆਂਦੀਆਂ ਗਈਆਂ ਸੋਧਾਂ ਨੂੰ ਰੱਦ ਕਰਦਿਆਂ ਆਂਧਰਾ ਪ੍ਰਦੇਸ਼ ਪੁਨਰ ਗਠਨ ਬਿਲ-2014 ਨੂੰ ਆਵਾਜ਼ ਮਤ ਰਾਹੀਂ ਪਾਸ ਕਰ ਦਿਤਾ ਗਿਆ।
ਪ੍ਰਧਾਨ ਮੰਤਰੀ ਡਾ। ਮਨਮੋਹਨ ਸਿੰਘ ਨੇ ਆਂਧਰਾ ਪ੍ਰਦੇਸ਼ ਦੀ ਵੰਡ ਨਾਲ ਬਣਨ ਵਾਲੇ ਦੋ ਸੂਬਿਆਂ ਸੀਮਾਂਧਰਾ ਅਤੇ ਤੇਲੰਗਾਨਾ ਲਈ 6 ਨੁਕਾਤੀ ਪ੍ਰੋਗਰਾਮ ਦਾ ਐਲਾਨ ਕੀਤਾ ਜਿਸ ਤਹਿਤ ਸੀਮਾਂਧਰਾ ਨੂੰ ਟੈਕਸਾਂ ਵਿਚ ਛੋਟ ਦੇਣਾ ਅਤੇ ਵਿਸ਼ੇਸ਼ ਰਾਜ ਦਾ ਦਰਜਾ ਦੇਣਾ ਵੀ ਸ਼ਾਮਲ ਹੈ। ਇਸ ਤੋਂ ਪਹਿਲਾਂ ਬਿਲ ਨੂੰ ਜ਼ਬਰਦਸਤ ਹੰਗਾਮੇ ਦਰਮਿਆਨ ਰਾਜ ਸਭਾ ਵਿਚ ਪੇਸ਼ ਕਰ ਦਿਤਾ ਗਿਆ ਜਿਥੇ ਵਿਰੋਧੀ ਧਿਰ ਭਾਜਪਾ ਨੇ ਬਿਲ ਦਾ ਸਮਰਥਨ ਕਰਦਿਆਂ ਸੀਮਾਂਧਰਾ ਦੇ ਲੋਕਾਂ ਦੇ ਹਿਤਾਂ ਵਲ ਵਿਸ਼ੇਸ਼ ਧਿਆਨ ਦਿਤੇ ਜਾਣ 'ਤੇ ਜ਼ੋਰ ਦਿਤਾ ਪਰ ਇਕ ਕੇਂਦਰੀ ਮੰਤਰੀ ਨੇ ਬਿਲ ਦਾ ਵਿਰੋਧ ਕਰਦਿਆਂ ਸਰਕਾਰ ਨੂੰ ਭੰਬਲਭੂਸੇ ਵਿਚ ਪਾ ਦਿਤਾ।
ਉਧਰ ਤੇਲਗੂ ਦੇਸਮ ਪਾਰਟੀ, ਸਮਾਜਵਾਦੀ ਪਾਰਟੀ, ਤ੍ਰਿਣਮੂਲ ਕਾਂਗਰਸ ਸਣੇ ਕਈ ਪਾਰਟੀਆਂ ਦੇ ਮੈਂਬਰਾਂ ਨੇ ਬਿਲ ਦਾ ਤਿੱਖਾ ਵਿਰੋਧ ਕੀਤਾ। ਆਂਧਰਾ ਪ੍ਰਦੇਸ਼ ਪੁਨਰਗਠਨ ਬਿਲ 2014 'ਤੇ ਬਹਿਸ ਵਿਚ ਹਿੱਸਾ ਲੈਂਦਿਆਂ ਸੈਰ ਸਪਾਟਾ ਮੰਤਰੀ ਚਿਰੰਜੀਵੀ ਨੇ ਬਿਲ ਦਾ ਮੌਜੂਦਾ ਸਰੂਪ ਵਿਚ ਵਿਰੋਧ ਕੀਤਾ ਅਤੇ ਤੇਲੰਗਾਨਾ ਤੇ ਸੀਮਾਂਧਰਾ ਦੋਹਾਂ ਖੇਤਰਾਂ ਵਲ ਧਿਆਨ ਦਿਤੇ ਜਾਣ ਦੀ ਵਕਾਲਤ ਕੀਤੀ।
ਉਨ੍ਹਾਂ ਦੋਸ਼ ਲਾਇਆ ਕਿ ਇਸ ਬਿਲ ਬਾਰੇ ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਤੋਂ ਇਲਾਵਾ ਹੋਰਨਾਂ ਆਗੂਆਂ ਨਾਲ ਸਲਾਹ ਮਸ਼ਵਰਾ ਨਹੀਂ ਕੀਤਾ ਗਿਆ। ਯੂ।ਪੀ।ਏ। ਸਰਕਾਰ ਦੀ ਨੁਕਤਾਚੀਨੀ ਕਰਦਿਆਂ ਚਿਰੰਜੀਵੀ ਨੇ ਭਾਜਪਾ, ਟੀ।ਡੀ।ਪੀ। ਅਤੇ ਹੋਰਨਾਂ ਕਈ ਪਾਰਟੀਆਂ ਨੂੰ ਕਰੜੇ ਹੱਥੀਂ ਲੈਂਦਿਆਂ ਦੋਗਲੀ ਨੀਤੀ ਅਪਣਾਉਣ ਦਾ ਦੋਸ਼ ਲਾਇਆ। ਇਸ ਪਿੱਛੋਂ ਵਿਰੋਧੀ ਧਿਰ ਦੇ ਆਗੂ ਅਰੁਣ ਜੇਤਲੀ ਨੇ ਵਿਵਸਥਾ ਦਾ ਸਵਾਲ ਉਠਾਇਆ ਅਤੇ ਕਿਹਾ ਕੀ ਕੋਈ ਮੰਤਰੀ ਅਪਣੀ ਸਰਕਾਰ ਵਿਰੁਧ ਬੋਲ ਸਕਦਾ ਹੈ? ਇਸ 'ਤੇ ਸਦਨ ਦੇ ਉਪ ਚੇਅਰਮੈਨ ਪੀ।ਜੇ।ਕੁਰੀਅਨ ਨੇ ਕਿਹਾ ਕਿ ਇਹ ਮੈਂਬਰ 'ਤੇ ਨਿਰਭਰ ਕਰਦਾ ਹੈ
ਕਿ ਉਹ ਕੀ ਬੋਲਣਾ ਚਾਹੁੰਦਾ ਹੈ ਅਤੇ ਇਹ ਸੱਤਾ ਧਿਰ 'ਤੇ ਵੀ ਨਿਰਭਰ ਕਰਦਾ ਹੈ ਕਿ ਉਹ ਕਿਸ ਮੈਂਬਰ ਨੂੰ ਬੋਲਣ ਦੀ ਇਜਾਜ਼ਤ ਦਿੰਦੀ ਹੈ। ਇਸ ਤੋਂ ਪਹਿਲਾਂ ਭਾਰੀ ਰੌਲੇ ਰੱਪੇ ਦਰਮਿਆਨ ਆਂਧਰਾ ਪ੍ਰਦੇਸ਼ ਦੀ ਵੰਡ ਬਾਰੇ ਬਿਲ ਨੂੰ ਸੰਸਦ ਦੇ ਉਪਰਲੇ ਸਦਨ ਵਿਚ ਪੇਸ਼ ਕਰ ਦਿਤਾ ਗਿਆ।
ਸਦਨ ਦੀ ਕਾਰਵਾਈ ਦੁਪਹਿਰ ਦੋ ਵਜੇ ਫ਼ਿਰ ਸ਼ੁਰੂ ਹੋਣ 'ਤੇ ਜਿਉਂ ਹੀ ਕੁਰੀਅਨ ਨੇ ਤੇਲੰਗਾਨਾ ਬਿੱਲ 'ਤੇ ਚਰਚਾ ਸ਼ੁਰੂ ਕਰਵਾਉਣ ਲਈ ਕਿਹਾ, ਕਾਂਗਰਸ ਅਤੇ ਤੇਲਗੂਦੇਸ਼ਮ ਦੇ ਸੀਮਾਂਧਰ ਖੇਤਰ ਦੇ ਸੰਸਦ ਮੈਂਬਰ ਆਸਨ ਸਾਹਮਣੇ ਆ ਗਏ। ਇਸੇ ਨਾਲ ਡੇਰੇਕ ਓ ਬਰਾਊਂ ਅਤੇ ਉਨ੍ਹਾਂ ਦੀ ਪਾਰਟੀ ਤ੍ਰਿਣਮੂਲ ਕਾਂਗਰਸ ਦੇ ਹੋਰ ਮੈਂਬਰ ਵੀ ਆ ਗਏ ਅਤੇ ਨਾਅਰੇਬਾਜ਼ੀ ਕਰਨ ਲੱਗੇ। ਕਈ ਵਾਰੀ ਸ਼ਿਵਸੇਨਾ ਦੇ ਮੈਂਬਰ ਵੀ ਆਸਨ ਸਾਹਮਣੇ ਆ ਗਏ। ਉੱਚ ਸਦਨ 'ਚ ਲਗਾਤਾਰ ਹੰਗਾਮਾ ਜਾਰੀ ਰਹਿਣ ਕਾਰਨ ਦੁਪਹਿਰ ਦੋ ਵਜੇ ਤੋਂ ਲੈ ਕੇ ਸ਼ਾਮ ਸਾਢੇ ਚਾਰ ਵਜੇ
ਤਕ ਸਦਨ ਨੂੰ ਪੰਜ ਵਾਰੀ ਮੁਅੱਤਲ ਕੀਤਾ।
ਕੁਰੀਅਨ ਨੇ ਹੰਗਾਮਾ ਕਰ ਰਹੇ ਮੈਂਬਰਾਂ ਨੇ ਕਿਹਾ ਕਿ ਸਭਾਪਤੀ ਨੇ ਸਾਰੀਆਂ ਪਾਰਟੀਆਂ ਦੇ ਆਗੂਆਂ ਨੂੰ ਸਦਿਆ ਸੀ ਅਤੇ ਉਨ੍ਹਾਂ 'ਚ ਇਸ ਗੱਲ ਨੂੰ ਲੈ ਕੇ ਲਗਭਗ ਸਹਿਮਤੀ ਬਣ ਗਈ ਸੀ ਕਿ ਬਿੱਲ 'ਤੇ ਚਰਚਾ ਕੀਤੀ ਜਾਣੀ ਚਾਹੀਦੀ ਹੈ। ਉਨ੍ਹਾਂ ਨੇ ਹੰਗਾਮਾ ਕਰ ਰਹੇ ਮੈਂਬਰਾਂ ਨੂੰ ਕਿਹਾ ਕਿ ਉਹ ਬਿੱਲ 'ਤੇ ਸੋਧ ਲਿਆ ਸਕਦੇ ਹਨ। ਪਰ ਇਸ ਲਈ ਨਿਯਮ ਅਤੇ ਪ੍ਰਕਿਰਆਵਾਂ ਦਾ ਪਾਲਥ ਕੀਤਾ ਜਾਣਾ ਚਾਹੀਦਾ ਹੈ।
ਉਨ੍ਹਾਂ ਨੇ ਤੇਲਗੂਦੇਸ਼ਮ ਮੈਂਬਰ ਵਾਈ।ਐਸ। ਚੌਧਰੀ ਸਮੇਤ ਹੰਗਾਮਾ ਕਰ ਰਹੇ ਹੋਰਨਾਂ ਮੈਂਬਰਾਂ ਨੂੰ ਚੇਤਾਵਨੀ ਦਿੰਦਿਆਂ ਕਿਹਾ, ''ਇਹ ਕਰਨਾ ਗ਼ੈਰਕਾਨੂੰਨੀ ਹੈ। ਤੁਸੀਂ ਅਪਣੀਆਂ ਸੀਟਾਂ 'ਤੇ ਵਾਪਸ ਜਾਉ। ਮੈਂ ਤੁਹਾਨੂੰ ਮੁਅੱਤਲ ਕਰ ਦੇਵਾਂਗਾ। ਮੈਂ ਤੁਹਾਡੇ ਵਿਰੁਧ ਕਾਰਵਾਈ ਕਰਾਂਗਾ। ਤੁਸੀਂ ਲੋਕਤੰਤਰ ਦਾ ਕਤਲ ਕਰ ਰਹੇ ਹੋ। ਸਦਨ 'ਚ ਬਿੱਲ 'ਤੇ ਚਰਚਾ ਕਰਵਾਉਣ ਲਈ ਆਮ ਸਥਿਤੀ ਕਾਇਮ ਹੋਣੀ ਚਾਹੀਦੀ ਹੈ।'' ਭਾਜਪਾ ਦੇ ਸੀਨੀਅਰ ਆਗੂ ਐਮ। ਵੈਂਕੱਈਆ ਨਾਇਡੂ ਨੇ ਅਪਣਾ ਗੁੱਸਾ ਜ਼ਾਹਰ ਕਰਦਿਆਂ ਕਿਹਾ ਕਿ ਸੱਤਾਧਾਰੀ ਪਾਰਟੀ ਦੇ ਮੈਂਬਰ ਵੀ ਸਦਨ ਦੀ ਕਾਰਵਾਈ 'ਚ ਅੜਿੱਕਾ ਪਾ ਰਹੇ ਹਨ। ਉਨ੍ਹਾਂ ਨੇ ਸਰਕਾਰ ਨੂੰ ਕਿਹਾ ਕਿ ਉਹ ਅਜਿਹਾ ਮਾਹੌਲ ਬਣਾਉਣ ਜਿਸ 'ਚ ਸਦਨ ਅੰਦਰ ਇਸ ਬਿੱਲ 'ਤੇ ਚਰਚਾ ਹੋ ਸਕੇ।
ਉਨ੍ਹਾਂ ਕਿਹਾ ਕਿ ਭਾਜਪਾ ਸ਼ੁਰੂ ਤੋਂ ਹੀ ਕਹਿੰਦੀ ਆ ਰਹੀ ਹੈ ਕਿ ਉਹ ਤੇਲੰਗਾਨਾ ਦੇ ਹੱਕ 'ਚ ਹੈ ਪਰ ਸੀਮਾਂਧਰ ਖੇਤਰ ਦੇ ਲੋਕਾਂ ਨਾਲ ਅਨਿਆਂ ਨਹੀਂ ਹੋਣਾ ਚਾਹੀਦਾ।
ਕੁਰੀਅਨ ਨੇ ਸਦਨ 'ਚ ਹੰਗਾਮਾ ਕਰ ਰਹੇ ਮੈਂਬਰਾਂ ਦੇ ਵਤੀਰੇ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਸਦਨ ਦੇ ਸੀਨੀਅਰ ਮੈਂਬਰਾਂ ਨੂੰ ਇਨ੍ਹਾਂ ਮੈਂਬਰਾਂ ਨੂੰ ਸਮਝਾਉਣਾ ਚਾਹੀਦਾ ਹੈ ਹੰਗਾਮੇ ਵਿਚਕਾਰ ਜਨਤਾ ਦਲ (ਯੂ) ਦੇ ਮੈਂਬਰ ਬਿਹਾਰ ਨੂੰ ਵਿਸ਼ੇਸ਼ ਰਾਜ ਦਾ ਦਰਜਾ ਦੇਣ 'ਚ ਦੇਰੀ ਦੇ ਵਿਰੋਧ 'ਚ ਆਸਨ ਸਾਹਮਣੇ ਆ ਕੇ ਨਾਅਰੇਬਾਜ਼ੀ ਕਰ ਰਹੇ ਸਨ। ਉਧਰ ਬੀਜੂ ਜਨਤਾ ਦਲ ਦੇ ਮੈਂਬਰ ਉੜੀਸਾ ਨੂੰ ਵਿਸ਼ੇਸ਼ ਦਰਜਾ ਦਿਵਾਉਣ ਦੀ ਮੰਗ 'ਤੇ ਆਸਨ ਸਾਹਮਣੇ ਆ ਕੇ ਨਾਅਰੇਬਾਜ਼ੀ ਕਰ ਰਹੇ ਸਨ। ਕਈ ਹੋਰ ਪਾਰਟੀਆਂ ਦੇ ਮੈਂਬਰ ਵੀ ਅਪਣੀਆਂ ਥਾਵਾਂ 'ਤੇ ਖੜੇ ਸਨ। ਨਾਇਡੂ ਨੇ ਕਿਹਾ ਕਿ ਉਹ ਚਰਚਾ ਸ਼ੁਰੂ ਕਰਨ ਲਈ ਤਿਆਰ ਹਨ ਪਰ ਸਦਨ 'ਚ ਪਹਿਲਾਂ ਆਮ ਸਥਿਤੀ ਬਣਾਉਣੀ ਚਾਹੀਦੀ ਹੈ।
ਹੰਗਾਮੇ ਵਿਚਕਾਰ ਕੁਰੀਅਨ ਨੇ ਕਰੀਬ ਸਾਢੇ ਚਾਰ ਵਜੇ 15 ਮਿੰਟਾਂ ਲਈ ਕਾਰਵਾਈ ਮੁਅੱਤਲ ਕਰ ਦਿਤੀ। ਇਸ ਤੋਂ ਬਾਅਦ ਬੈਠਕ ਸ਼ੁਰੂ ਹੋਣ 'ਤੇ ਸਦਨ ਅੰਦਰ ਤੇਲੰਗਾਨਾ ਬਿੱਲ 'ਤੇ ਚਰਚਾ ਸ਼ੁਰੂ ਹੋ ਗਈ। ਹੰਗਾਮੇ ਵਿਚਕਾਰ ਹੀ ਨਾਇਡੂ ਨੇ ਅਪਣੀ ਗੱਲ ਕਹਿਣੀ ਸ਼ੁਰੂ ਕਰ ਦਿਤੀ। ਹਾਲਾਂਕਿ ਕੁੱਝ ਮੈਂਬਰ ਆਸਨ ਦੇ ਸਾਹਮਣੇ ਨਾਅਰੇਬਾਜ਼ੀ ਕਰਦੇ ਰਹੇ।

Russian President Vladimir Putin has warned America

Russian President Vladimir Putin has warned America and its allies against taking one-sided action in Syria.

He said any military strikes without UN approval would be "an aggression".

US President Barack Obama has called for punitive action in response to an alleged chemical weapons attack.

Mr Putin said Russia did not rule out supporting a UN Security Council resolution authorising force, if it is proved "beyond doubt" that the Syrian government used chemical weapons.

Meanwhile in the US, members of the Senate Foreign Relations Committee have agreed on a draft resolution backing the use of US military force.

The measure to be voted on next week sets a time limit of 60 days on any operation.

According to a copy of the draft resolution obtained by AFP news agency, the senators wish to restrict the operation to a "limited and tailored use of the United States Armed Forces against Syria", and bans the use of any ground forces.

The US has put the death toll from the alleged chemical attack on the outskirts of Damascus on 21 August at 1,429, including 426 children, though other countries and organisations have given lower figures.

ਸੇਵਾਦਾਰ ਸ਼ਿਵਾ ਨੇ ਆਸਾ ਰਾਮ 'ਤੇ ਲਾਏ ਗੰਭੀਰ ਦੋਸ਼

ਨਵੀਂ ਦਿੱਲੀ- ਇਕ ਨਾਬਾਲਗ ਲੜਕੀ ਨਾਲ ਸਰੀਰਕ ਸ਼ੋਸ਼ਣ ਦੇ ਦੋਸ਼ 'ਚ ਗ੍ਰਿਫਤਾਰ ਹੋਏ ਸੰਤ ਆਸਾ ਰਾਮ ਬਾਪੂ ਦੇ ਬਾਰੇ 'ਚ ਇਕ ਹੋਰ ਨਵਾਂ ਖੁਲਾਸਾ ਹੋਇਆ ਹੈ। ਉਨ੍ਹਾਂ ਦੇ ਸੇਵਾਦਾਰ ਸ਼ਿਵਾ ਨੇ ਆਪਣੇ ਬਿਆਨ 'ਚ ਕਿਹਾ ਹੈ ਕਿ ਆਸਾ ਰਾਮ ਮਹਿਲਾਵਾਂ ਨਾਲ ਇਕੱਲੇ ਮਿਲਦੇ ਸਨ। ਸ਼ਿਵਾ ਮੁਤਾਬਿਕ ਬਾਬਾ ਔਰਤਾਂ ਨਾਲ ਕਈ ਵਾਰ ਵੱਖਰੇ ਤੌਰ 'ਤੇ ਮਿਲੇ ਹਨ। ਸੇਵਾਦਾਰ ਨੇ ਕਿਹਾ ਹੈ ਕਿ ਪੀੜ੍ਹਿਤ ਲੜਕੀ ਨੂੰ ਭੂਤ-ਪ੍ਰੇਤ ਭਜਾਉਣ ਦੇ ਬਹਾਨੇ ਹੀ 14 ਅਗਸਤ ਨੂੰ ਆਸ਼ਰਮ 'ਚ ਬੁਲਾਇਆ ਗਿਆ ਸੀ। ਸੂਤਰਾਂ ਦੇ ਹਵਾਲੇ ਤੋਂ ਕਿਹਾ ਜਾ ਰਿਹਾ ਹੈ ਕਿ ਆਸਾ ਰਾਮ ਨੂੰ ਜੇਲ੍ਹ 'ਚ ਮਨਪਸੰਦ ਖਾਣਾ ਦਿੱਤਾ ਜਾ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਜੇਲ੍ਹ 'ਚ ਵੀ। ਆਈ। ਪੀ। ਸਹੁਲਤਾਂ ਦਿੱਤੀਆਂ ਜਾ ਰਹੀਆਂ ਹਨ।

ਗੁਜਰਾਤ ਵਿਚ ਹੋਏ ਫ਼ਰਜ਼ੀ ਮੁਕਾਬਲਿਆਂ ਲਈ ਮੋਦੀ ਬਰਾਬਰ ਦਾ ਜ਼ਿੰਮੇਵਾਰ'

ਅਹਿਮਦਾਬਾਦ, 3 ਸਤੰਬਰ : ਗੁਜਰਾਤ ਵਿਚ ਚਾਰ ਫ਼ਰਜ਼ੀ ਮੁਕਾਬਲਿਆਂ ਦੇ ਦੋਸ਼ ਹੇਠ ਮੁਅੱਤਲ ਆਈ।ਪੀ।ਐਸ। ਅਫ਼ਸਰ ਡੀ।ਜੀ। ਵਨਜਾਰਾ ਨੇ ਮੰਨਿਆ ਹੈ ਕਿ ਮੁੱਖ ਮੰਤਰੀ ਨਰਿੰਦਰ ਮੋਦੀ ਦੇ ਕਾਰਜਕਾਲ ਦੌਰਾਨ ਫ਼ਰਜ਼ੀ ਮੁਕਾਬਲੇ ਹੋਏ ਅਤੇ ਭਾਜਪਾ ਆਗੂ ਨੇ ਇਨ੍ਹਾਂ ਮੁਕਾਬਲਿਆਂ ਦਾ ਸਿਆਸੀ ਲਾਹਾ ਤਾਂ ਖਟਿਆ ਪਰ ਪੁਲਿਸ ਅਧਿਕਾਰੀਆਂ ਦੇ ਬਚਾਅ ਲਈ ਕੋਈ ਕਦਮ ਨਹੀਂ ਚੁਕਿਆ। 1987 ਬੈਚ ਦੇ ਆਈ।ਪੀ।ਐਸ। ਅਫ਼ਸਰ ਡੀ।ਜੀ ਵਨਜਾਰਾ, ਜਿਸ ਨੂੰ ਨਰਿੰਦਰ ਮੋਦੀ ਦਾ ਨਜ਼ਦੀਕੀ ਮੰਨਿਆ ਜਾਂਦਾ ਹੈ, ਵਲੋਂ 1 ਸਤੰਬਰ ਨੂੰ ਲਿਖਿਆ ਪੱਤਰ ਅੱਜ ਸਾਹਮਣੇ ਆਇਆ ਜਿਸ ਰਾਹੀਂ ਉਸ ਨੇ ਅਸਤੀਫ਼ਾ ਦੇਣ ਦਾ ਐਲਾਨ ਕੀਤਾ ਹੈ।
ਵਨਜਾਰਾ ਨੇ ਪੱਤਰ ਵਿਚ ਲਿਖਿਆ, ''ਮੋਦੀ ਸਰਕਾਰ ਨੇ ਮੈਨੂੰ ਅਤੇ ਮੇਰੇ ਸਾਥੀ ਅਫ਼ਸਰਾਂ ਨੂੰ ਬਚਾਉਣ ਵਿਚ ਕੋਈ ਦਿਲਚਸਪੀ ਨਹੀਂ ਦਿਖਾਈ ਅਤੇ ਸੀ।ਬੀ।ਆਈ। ਤੋਂ ਅਪਣੀ ਚਮੜੀ ਬਚਾਉਣ ਲਈ ਹੀ ਕਦਮ ਚੁਕੇ।'' ਪਿਛਲੇ ਛੇ ਸਾਲਾਂ ਤੋਂ ਜੇਲ ਵਿਚ ਬੰਦ ਵਨਜਾਰਾ ਨੇ ਗੁਰੂ ਗੋਬਿੰਦ ਸਿੰਘ ਜੀ ਵਲੋਂ ਆਖੀਆਂ ਸਤਰਾਂ ਦਾ ਜ਼ਿਕਰ ਕੀਤਾ ਜਿਨ੍ਹਾਂ ਮੁਤਾਬਕ ਜਦੋਂ ਨਿਆਂ ਹਾਸਲ ਕਰਨ ਦੇ ਸਾਰੇ ਦਰਵਾਜ਼ੇ ਬੰਦ ਹੋ ਜਾਣ ਤਾਂ ਸਿਰਫ਼ ਤਲਵਾਰ ਚੁਕਣ ਦਾ ਰਾਹ (ਧਰਮ) ਹੀ ਬਾਕੀ ਬਚਦਾ ਹੈ। ਵਨਜਾਰਾ ਨੇ ਲਿਖਿਆ, ''ਮੇਰੇ ਅਤੇ ਮੇਰੇ ਸਾਥੀ ਅਫ਼ਸਰਾਂ ਕੋਲ ਗੁਰੂ ਗੋਬਿੰਦ ਸਿੰਘ ਜੀ ਵਲੋਂ ਦਿਖਾਏ ਧਰਮ ਦੇ ਰਾਹ ਤੋਂ ਸਿਵਾਏ ਹੋਰ ਕੋਈ ਰਾਹ ਨਹੀਂ ਬਚਿਆ।''
ਵਨਜਾਰਾ ਨੇ ਮੋਦੀ ਸਣੇ ਗੁਜਰਾਤ ਦੇ ਸਾਬਕਾ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਵਿਰੁਧ ਵੀ ਦੋਸ਼ ਲਗਾਏ ਹਨ। ਦੱਸਣਯੋਗ ਹੈ ਕਿ ਅਮਿਤ ਸ਼ਾਹ ਸੋਹਰਾਬੂਦੀਨ ਸ਼ੇਖ ਮਾਮਲੇ ਵਿਚ ਜ਼ਮਾਨਤ 'ਤੇ ਚਲ ਰਿਹਾ ਹੈ। ਵਨਜਾਰਾ ਮੁਤਾਬਕ, ''ਗੁਜਰਾਤ ਦੇ ਪੁਲਿਸ ਅਫ਼ਸਰ ਮੋਦੀ ਨੂੰ ਰੱਬ ਮੰਨ ਕੇ ਕੁਰਬਾਨੀਆਂ ਕਰਦੇ ਰਹੇ ਪਰ ਅਮਿਤ ਸ਼ਾਹ ਵਰਗੇ ਸ਼ੈਤਾਨ ਦੇ ਪ੍ਰਭਾਵ ਕਾਰਨ ਮੁੱਖ ਮੰਤਰੀ ਨੇ ਇਨ੍ਹਾਂ ਪੁਲਿਸ ਅਫ਼ਸਰਾਂ ਨੂੰ ਬਚਾਉਣ ਲਈ ਕੋਈ ਕਦਮ ਨਹੀਂ ਚੁਕਿਆ।''
ਇਥੇ ਇਹ ਵੀ ਦਸਣਾ ਬਣਦਾ ਹੈ ਕਿ ਵਨਜਾਰਾ ਨੂੰ ਸੋਹਰਾਬੂਦੀਨ ਸ਼ੇਖ ਮਾਮਲੇ ਵਿਚ 2007 ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ ਇਸ ਪਿੱਛੋਂ ਤੁਲਸੀ ਪ੍ਰਜਾਪਤੀ ਫ਼ਰਜ਼ੀ ਮੁਕਾਬਲੇ ਅਤੇ ਇਸ਼ਰਤ ਜਹਾਂ ਫ਼ਰਜ਼ੀ ਮੁਕਾਬਲੇ ਵਿਚ ਵੀ ਉਸ ਦਾ ਨਾਂ ਆ ਗਿਆ। ਪੱਤਰ ਵਿਚ ਵਨਜਾਰਾ ਨੇ ਲਿਖਿਆ, ''ਹਰ ਕੋਈ ਜਾਣਦਾ ਹੈ ਕਿ ਨਰਿੰਦਰ ਮੋਦੀ ਪਿਛਲੇ 12 ਸਾਲਾਂ ਤੋਂ ਸਿਆਸੀ ਲਾਹਾ ਲੈ ਰਿਹਾ ਹੈ ਜਦਕਿ ਪੁਲਿਸ ਅਫ਼ਸਰਾਂ ਨੂੰ ਬਚਾਉਣ ਵਿਚ ਕਿਸੇ ਦੀ ਕੋਈ ਦਿਲਚਸਪੀ ਨਹੀਂ।

ਸੁਖਬੀਰ ਮੁੜ ਅਕਾਲੀ ਦਲ ਦੇ ਪ੍ਰਧਾਨ ਬਣੇ

ਅੰਮ੍ਰਿਤਸਰ, 3 ਸਤੰਬਰ (ਚਰਨਜੀਤ ਸਿੰਘ) : ਜੈਕਾਰਿਆਂ ਦੀ ਗੂੰਜ ਵਿਚ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ। ਸੁਖਬੀਰ ਸਿੰਘ ਬਾਦਲ ਨੂੰ ਸ਼੍ਰੋਮਣੀ ਅਕਾਲੀ ਦਲ ਦਾ ਸਰਬ-ਸੰਮਤੀ ਨਾਲ ਪ੍ਰਧਾਨ ਚੁਣ ਲਿਆ ਗਿਆ। ਅੰਮ੍ਰਿਤਸਰ ਦੇ ਤੇਜਾ ਸਿੰਘ ਸਮੁੰਦਰੀ ਹਾਲ ਵਿਚ ਹੋਏ ਇਕ ਪ੍ਰਭਾਵਸ਼ਾਲੀ ਸਮਾਗਮ ਦੌਰਾਨ ਅਕਾਲੀ ਦਲ ਦੇ 468 ਡੈਲੀਗੇਟਾਂ ਨੇ ਇਸ ਵਕਾਰੀ ਅਹੁਦੇ ਲਈ ਸ। ਬਾਦਲ ਦੇ ਨਾਮ ਨੂੰ ਪ੍ਰਵਾਨਗੀ ਦਿਤੀ।
ਡੈਲੀਗੇਟ ਇਜਲਾਸ ਵਿਚ ਦੂਜੀ ਵਾਰ ਸਰਬ-ਸੰਮਤੀ ਨਾਲ ਸ। ਸੁਖਬੀਰ ਸਿੰਘ ਬਾਦਲ ਨੂੰ ਪਾਰਟੀ ਦਾ ਪ੍ਰਧਾਨ ਅਤੇ ਮੁੱਖ ਮੰਤਰੀ ਸ। ਪ੍ਰਕਾਸ਼ ਸਿੰਘ ਬਾਦਲ ਨੂੰ ਪਾਰਟੀ ਦਾ ਸਰਪ੍ਰਸਤ ਚੁਣਿਆ ਗਿਆ। ਪਾਰਟੀ ਦੀ ਪ੍ਰਧਾਨਗੀ ਲਈ ਸ। ਸੁਖਬੀਰ ਸਿੰਘ ਬਾਦਲ ਦਾ ਨਾਮ ਦਲ ਦੇ ਸੀਨੀਅਰ ਮੀਤ ਪ੍ਰਧਾਨ ਸ। ਰਣਜੀਤ ਸਿੰਘ ਬ੍ਰਹਮਪੁਰਾ ਨੇ ਪੇਸ਼ ਕੀਤਾ ਜਿਸ ਦੀ ਤਾਈਦ ਪਾਰਟੀ ਦੇ ਸਕੱਤਰ ਜਨਰਲ ਸ। ਸੁਖਦੇਵ ਸਿੰਘ ਢੀਂਡਸਾ ਨੇ ਕੀਤੀ। ਇਸੇ ਤਰ੍ਹਾਂ ਪਾਰਟੀ ਅਤੇ ਪੰਜਾਬ ਲਈ ਲਗਾਤਾਰ ਜੂਝ ਰਹੇ ਮੁੱਖ ਮੰਤਰੀ ਸ। ਪ੍ਰਕਾਸ਼ ਸਿੰਘ ਬਾਦਲ ਨੂੰ ਮੁੜ ਪਾਰਟੀ ਦਾ ਸਰਪ੍ਰਸਤ ਬਣਾਉਣ ਲਈ ਨਾਮ ਜਨਰਲ ਸਕੱਤਰ ਸ। ਬਲਵਿੰਦਰ ਸਿੰਘ ਭੂੰਦੜ ਨੇ ਪੇਸ਼ ਕੀਤਾ ਜਿਸ ਨੂੰ ਇਜਲਾਸ ਨੇ ਜੈਕਾਰਿਆਂ ਦੀ ਗੂੰਜ ਵਿਚ ਪ੍ਰਵਾਨ ਕਰ ਲਿਆ।

ਭਾਰਤੀ ਕੁੜੀਆਂ ਨੇ ਹਾਕੀ ਵਿਚ ਸਿਰਜਿਆ ਇਤਿਹਾਸ

ਨਵੀਂ ਦਿੱਲੀ, 4 ਅਗੱਸਤ : ਭਾਰਤੀ ਕੁੜੀਆਂ ਦੀ ਹਾਕੀ ਟੀਮ ਨੇ ਇੰਗਲੈਂਡ ਨੂੰ 3-2 ਨਾਲ ਹਰਾ ਕੇ ਜੂਨੀਅਰ ਮਹਿਲਾ ਵਿਸ਼ਵ ਕੱਪ ਵਿਚ ਪਹਿਲੀ ਵਾਰ ਤਮਗ਼ਾ ਹਾਸਲ ਕਰ ਕੇ ਇਤਿਹਾਸ ਸਿਰਜ ਦਿਤਾ। ਹਾਕੀ ਇੰਡੀਆ ਨੇ ਕੁੜੀਆਂ ਦੀ ਇਸ ਪ੍ਰਾਪਤੀ 'ਤੇ ਹਰ ਇਕ ਖਿਡਾਰਨ ਨੂੰ ਇਕ-ਇਕ ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ।
ਕਾਂਸੀ ਦੇ ਤਮਗ਼ੇ ਲਈ ਹੋਏ ਮੈਚ ਦੌਰਾਨ  ਨਿਰਧਾਰਤ ਸਮੇਂ ਵਿਚ ਭਾਰਤ ਅਤੇ ਇੰਗਲੈਂਡ ਦੀਆਂ ਟੀਮਾਂ 1-1 ਗੋਲ ਨਾਲ ਬਰਾਬਰੀ 'ਤੇ ਰਹੀਆਂ ਜਿਸ ਪਿੱਛੋਂ ਪੈਨਲਟੀ ਸ਼ੂਟ ਆਊਟ ਦਾ ਸਹਾਰਾ ਲੈਣ ਦਾ ਫ਼ੈਸਲਾ ਕੀਤਾ ਗਿਆ। ਇਸ ਤੋਂ ਪਹਿਲਾਂ ਮੈਚ ਦੌਰਾਨ ਭਾਰਤ ਵਲੋਂ ਰਾਣੀ ਨੇ 13ਵੇਂ ਮਿੰਟ ਵਿਚ ਗੋਲ ਦਾਗ਼ਦਿਆਂ 1-0 ਦੀ ਲੀਡ ਦਬਾ ਦਿਤੀ ਪਰ ਇੰਗਲੈਂਡ ਦੀਆਂ ਕੁੜੀਆਂ ਨੇ 55ਵੇਂ ਮਿੰਟ ਵਿਚ ਬਰਾਬਰੀ ਕਰ ਲਈ ਅਤੇ ਅਖ਼ੀਰ ਤਕ ਸਕੋਰ 1-1 ਰਿਹਾ। ਦੱਸਣਯੋਗ ਹੈ ਕਿ ਭਾਰਤੀ ਕੁੜੀਆਂ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਸ਼ਾਨਦਾਰ ਖੇਡ ਦਿਖਾਉਂਦਿਆਂ ਤਾਕਤਵਰ ਟੀਮਾਂ ਨੂੰ ਹੈਰਾਨ ਕਰ ਦਿਤਾ। ਇੰਗਲੈਂਡ ਦੀਆਂ ਕੁੜੀਆਂ ਖ਼ੁਦ ਬਦਕਿਸਮਤ ਹੀ ਸਮਝ ਰਹੀਆਂ ਹੋਣਗੀਆਂ ਕਿਉਂਕਿ ਪਿਛਲੇ ਟੂਰਨਾਮੈਂਟ ਵਿਚ ਵੀ ਉਹ ਕਾਂਸੀ ਦੇ ਤਮਗ਼ੇ ਲਈ ਹੋਏ ਮੈਚ ਦੌਰਾਨ ਦਖਣੀ ਕੋਰੀਆਂ ਤੋਂ ਹਾਰ ਗਈਆਂ ਸਨ। ਪੈਨਲਟੀ ਸ਼ੂਟ ਆਊਟ ਦੌਰਾਨ ਭਾਰਤ ਦੀ ਨਵਨੀਤ ਕੌਰ ਨੇ ਪਹਿਲੀ ਕੋਸ਼ਿਸ਼ ਅਸਫ਼ਲ ਰਹਿਣ ਪਿੱਛੋਂ ਦੂਜੀ ਵਾਰ ਕੋਈ ਗ਼ਲਤੀ ਨਹੀਂ ਕੀਤੀ। ਇੰਗਲੈਂਡ ਦੀ ਐਨਾ ਟੋਮੈਨ ਦਾ ਸ਼ਾਟ  ਜਿਉਂ ਹੀ ਖੁੰਝਿਆ ਤਾਂ ਭਾਰਤੀ ਖੇਮੇ ਵਿਚ ਖ਼ੁਸ਼ੀ ਦੀ ਲਹਿਰ ਦੌੜ ਗਈ ਕਿਉੁਂਕਿ ਭਾਰਤ 3-2 ਨਾਲ ਜਿੱਤ ਚੁਕਾ ਸੀ। ਇਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਭਾਰਤੀ ਕੁੜੀਆਂ ਸਪੇਨ ਨੂੰ ਹਰਾ ਕੇ ਸੈਮੀਫ਼ਾਈਨਲ ਵਿਚ ਪੁੱਜੀਆਂ ਸਨ ਪਰ ਨੀਦਰਲੈਂਡਜ਼ ਦੀ ਟੀਮ ਤੋਂ 3-0 ਨਾਲ ਹਾਰ ਗਈਆਂ।

ਬਿਹਾਰ 'ਚ 22 ਸਕੂਲੀ ਬੱਚਿਆਂ ਦੀ ਜ਼ਹਿਰੀਲਾ ਖਾਣਾ ਖਾਣ ਨਾਲ ਮੌਤ

ਪਟਨਾ, 17 ਜੁਲਾਈ : ਬਿਹਾਰ ਦੇ ਸਾਰਨ  ਜ਼ਿਲ੍ਹੇ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ 'ਚ  ਜ਼ਹਿਰੀਲਾ ਖਾਣਾ ਖਾਣ ਨਾਲ ਦੋ ਹੋਰ ਬੱਚਿਆਂ ਦੀ  ਮੌਤ ਹੋ ਗਈ ਜਿਸ ਨਾਲ ਮਰਨ ਵਾਲੇ ਬੱਚਿਆਂ ਦੀ ਗਿਣਤੀ 22 ਹੋ ਗਈ ਹੈ।
ਪੀਐਮਸੀ  ਹਸਪਤਾਲ ਦੇ ਸੂਤਰਾਂ ਨੇ ਦਸਿਆ ਕਿ ਬੀਤੀ ਰਾਤ 10 ਸਾਲ ਤੋਂ ਘੱਟ ਉਮਰ ਦੇ 16 ਬੱਚਿਆਂ ਦੀ ਛਪਰਾ 'ਚ ਹੀ ਮੌਤ ਹੋ ਗਈ ਸੀ ਤੇ 4 ਬੱਚਿਆਂ ਨੂੰ ਪੀਐਮਸੀ ਹਸਪਤਾਲ ਪਹੁੰਚਣ 'ਤੇ ਮ੍ਰਿਤਕ ਐਲਾਨ ਦਿਤਾ ਗਿਆ ਸੀ ਅਤੇ ਦੋ ਹੋਰ ਦੀ ਮੌਤ ਅੱਜ ਸਵੇਰੇ ਹੋ ਗਈ। ਹਸਪਤਾਲ ਦੇ ਅਧਿਕਾਰੀ ਏ।ਜੇ। ਅਜ਼ਾਦ ਨੇ ਦਸਿਆ ਕਿ 25 ਹੋਰ ਬੱਚੇ ਆਈਸੀਯੂ 'ਚ ਦਾਖ਼ਲ ਹਨ ਤੇ ਸੀਨੀਅਰ ਡਾਕਟਰ ਉਨ੍ਹਾਂ ਦੀ ਦੇਖ ਰੇਖ ਕਰ ਰਹੇ ਹਨ। ਮਰਨ ਵਾਲਿਆਂ 'ਚ, ਸਕੂਲ ਵਿਚ ਸਰਕਾਰੀ ਖਾਣਾ ਬਨਾਉਣ ਵਾਲੀ ਪਾਨੂੰ ਦੇਵੀ ਦੇ ਦੋ ਬੱਚੇ ਸ਼ਾਮਲ ਹਨ। ਖਾਣਾ ਬਨਾਉਣ ਵਾਲੀ ਇਕ ਔਰਤ ਵੀ ਦਮ ਤੋੜ ਗਈ ਹੈ ਜਦਕਿ ਇਕ ਹੋਰ ਔਰਤ ਮੰਜੂ ਦੇਵੀ ਅਪਣੇ 3 ਬੱਚਿਆਂ ਸਮੇਤ ਜ਼ੇਰੇ ਇਲਾਜ ਹੈ। ਇਹ ਘਟਨਾ ਕਲ ਪਟਨਾ ਤੋਂ 60 ਕਿ। ਮੀ। ਦੂਰ ਧਰਮਸਤੀ ਗੋਦਵਾਂ ਪਿੰਡ 'ਚ ਵਾਪਰੀ ਸੀ। ਵਿਦਿਆਰਥੀ ਦੋਸ਼ ਲਾ ਰਹੇ ਹਨ ਕਿ ਖਾਣੇ 'ਚ ਮਰੀ ਹੋਈ ਛਿਪਕਲੀ ਮਿਲੀ ਸੀ।


ਬਿਹਾਰ ਦੇ ਸਿਖਿਆ ਮੰਤਰੀ ਪੀ ਕੇ ਸ਼ਾਹੀ ਨੇ ਪਟਨਾ 'ਚ ਗੱਲਬਾਤ ਕਰਦਿਆਂ ਕਿਹਾ ਕਿ ਸਬਜ਼ੀਆਂ ਬਣਾਉਣ ਲਈ ਵਰਤੇ ਗਏ ਤੇਲ 'ਚੋਂ ਬਦਬੂ ਆ ਰਹੀ ਸੀ। ਡਾਕਟਰਾਂ ਨੂੰ ਖਾਣੇ ਅਤੇ ਬੱਚਿਆਂ ਦੀ ਉਲਟੀ 'ਚ ਫ਼ਾਸਫ਼ੋਰਸ ਦੇ ਅੰਸ਼ ਮਿਲੇ ਹਨ। ਇਸ ਦਾ ਮਤਲਬ ਹੈ ਕਿ ਬੱਚਿਆਂ ਨੂੰ ਜ਼ਹਿਰੀਲਾ ਖਾਣਾ ਦਿਤਾ ਗਿਆ। ਉਨ੍ਹਾਂ ਕਿਹਾ ਕਿ ਇਸ ਪਿੱਛੇ ਸਾਜ਼ਸ਼ ਹੋ ਸਕਦੀ ਹੈ। ਜਾਂਚ ਵਿਚ ਪਤਾ ਚੱਲ ਜਾਵੇਗਾ ਕਿ ਇਹ ਸੱਭ ਕੁੱਝ ਜਾਣ-ਬੁੱਝ ਕੇ ਕੀਤਾ ਗਿਆ ਜਾਂ ਇਤਫ਼ਾਕੀਆ ਸੀ। ਇਸ ਹਾਦਸੇ ਨੇ ਸਿਆਸੀ ਦੂਸ਼ਣਬਾਜ਼ੀ ਵੀ ਛੇੜ ਦਿਤੀ ਹੈ। ਸ਼ਾਹੀ ਨੇ ਇਹ ਵੀ ਕਿਹਾ ਕਿ ਸਰਕਾਰ ਵਿਰੁਧ ਸਿਆਸੀ ਸਾਜ਼ਸ਼ ਵੀ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਸਕੂਲ ਦੀ ਪ੍ਰਿੰਸੀਪਲ ਮੀਨਾ ਕੁਮਾਰੀ ਦਾ ਪਤੀ ਕਿਸੇ ਸਿਆਸੀ ਆਗੂ ਦਾ ਕਰੀਬੀ ਹੈ। ਕੇਂਦਰੀ ਮੰਤਰੀ ਪੱਲਮ ਰਾਜੂ ਮੁਤਾਬਕ ਸਕੂਲ ਪ੍ਰਿੰਸੀਪਲ ਵਿਰੁਧ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। 10 ਸਾਲ ਤੋਂ ਘੱਟ ਉਮਰ ਦੇ 16 ਬੱਚੇ ਪਹਿਲੀ ਤੋਂ ਪੰਜਵੀਂ ਜਮਾਤ ਦੇ ਵਿਦਿਆਰਥੀ ਸਨ। ਇਹ ਬੱਚੇ ਛਪਰਾ 'ਚ ਹੀ ਦਮ ਤੋੜ ਗਏ ਸਨ ਜਦਕਿ ਚਾਰ ਬੱਚਿਆਂ ਨੇ ਬੀਤੀ ਰਾਤ ਪਟਨਾ ਦੇ ਹਸਪਤਾਲ 'ਚ ਦਮ ਤੋੜਿਆ। 25 ਹੋਰ ਬੱਚੇ ਡਾਕਟਰਾਂ ਦੀ ਨਿਗਰਾਨੀ ਹੇਠ ਹਨ।
(ਪੀਟੀਆਈ)

ਕਾਂਗਰਸ ਤੇ ਪੀਪਲਜ਼ ਪਾਰਟੀ ਵਿਚਾਲੇ ਸਮਝੌਤਾ

ਕਾਂਗਰਸ ਤੇ ਪੀਪਲਜ਼ ਪਾਰਟੀ ਵਿਚਾਲੇ ਸਮਝੌਤਾ

ਬਠਿੰਡਾ, 14 ਜੁਲਾਈ (ਗੁਰਤੇਜ ਸਿੰਘ ਸਿੱਧੂ) : ਲੋਕ ਸਭਾ ਚੋਣਾਂ ਦੇ ਸਨਮੁਖ ਜਿਥੇ ਅਕਾਲੀ-ਭਾਜਪਾ ਨੇ ਪਿਛਲੇ ਕਾਫ਼ੀ ਸਮੇਂ ਤੋਂ ਅਪਣੀ ਮੁਹਿੰਮ ਵਿੱਢੀ ਹੋਈ ਹੈ, ਉਥੇ ਇਸ ਦੇ ਮੁਕਾਬਲੇ ਲਈ ਕਾਂਗਰਸ ਅਤੇ ਪੀਪਲਜ਼ ਪਾਰਟੀ ਦਾ ਚੋਣ ਸਮਝੌਤਾ ਲਗਭਗ ਸਿਰੇ ਚੜ੍ਹ  ਗਿਆ ਹੈ।
ਸੂਤਰਾਂ ਅਨੁਸਾਰ ਪੀਪਲਜ਼ ਪਾਰਟੀ ਨੂੰ ਬਠਿੰਡਾ ਅਤੇ ਫ਼ਤਿਹਗੜ੍ਹ ਸਾਹਿਬ ਦੀਆਂ ਦੋ ਲੋਕ ਸਭਾ ਸੀਟਾਂ ਛੱਡੇ ਜਾਣ ਬਾਰੇ ਦੋਹਾਂ ਪਾਰਟੀਆਂ ਦਰਮਿਆਨ ਸਹਿਮਤੀ ਬਣ ਗਈ ਹੈ ਜਦਕਿ ਫ਼ਰੀਦਕੋਟ ਲੋਕ ਸਭਾ ਸੀਟ ਪੀਪਲਜ਼ ਪਾਰਟੀ ਨੂੰ ਛੱਡੇ ਜਾਣ ਸਬੰਧੀ ਗੱਲਬਾਤ ਆਖ਼ਰੀ ਪੜਾਅ ਤਕ ਪਹੁੰਚ ਗਈ ਹੈ। ਦੋਹਾਂ ਪਾਰਟੀਆਂ ਦਰਮਿਆਨ ਅਜੇ ਇਹ ਵੀ ਤੈਅ ਹੋਣਾ ਬਾਕੀ ਹੈ ਕਿ ਪੀਪਲਜ਼ ਪਾਰਟੀ ਦੇ ਉਮੀਦਵਾਰ ਪਤੰਗ ਦੇ ਨਿਸ਼ਾਨ 'ਤੇ ਚੋਣਾਂ ਲੜਨਗੇ ਜਾਂ ਫਿਰ ਉਨ੍ਹਾਂ ਨੂੰ ਕਾਂਗਰਸ ਦੇ ਚੋਣ ਨਿਸ਼ਾਨ ਪੰਜੇ 'ਤੇ ਚੋਣ ਲੜਾਈ ਜਾਵੇਗੀ।
ਸੂਤਰਾਂ ਅਨੁਸਾਰ ਕਾਂਗਰਸ, ਪੀਪਲਜ਼ ਪਾਰਟੀ ਦੇ ਉਮੀਦਵਾਰਾਂ ਨੂੰ ਵੀ ਪੰਜੇ ਦੇ ਨਿਸ਼ਾਨ 'ਤੇ ਚੋਣ ਲੜਾਉਣ ਲਈ ਜ਼ੋਰ ਪਾ ਰਹੀ ਹੈ ਜਦਕਿ ਪੀਪਲਜ਼ ਪਾਰਟੀ ਦੇ ਬਹੁਤੇ ਆਗੂ ਪਤੰਗ ਦੇ ਨਿਸ਼ਾਨ 'ਤੇ ਚੋਣ ਲੜਨ ਦੇ ਚਾਹਵਾਨ ਹਨ। ਭਾਵੇਂ ਦੋਹਾਂ ਪਾਰਟੀਆਂ ਦਰਮਿਆਨ ਚੋਣ ਗਠਜੋੜ ਹੋ ਚੁੱਕਾ ਹੈ ਪਰ ਅਗਲੇ ਦਿਨਾਂ ਵਿਚ ਇਸ ਦੀ ਪ੍ਰਵਾਨਗੀ ਕਾਂਗਰਸ ਹਾਈ ਕਮਾਨ ਤੋਂ ਲੈ ਲਈ ਜਾਵੇਗੀ। ਸੂਤਰਾਂ ਅਨੁਸਾਰ ਪੀਪਲਜ਼ ਪਾਰਟੀ ਦੇ ਪ੍ਰਧਾਨ ਮਨਪ੍ਰੀਤ ਸਿੰਘ ਬਾਦਲ 28 ਜੁਲਾਈ ਨੂੰ ਦਿੱਲੀ ਵਿਖੇ ਆਲ ਇੰਡੀਆ ਕਾਂਗਰਸ ਪ੍ਰਧਾਨ ਸ੍ਰੀਮਤੀ ਸੋਨੀਆ ਗਾਂਧੀ ਅਤੇ ਜਨਰਲ ਸਕੱਤਰ ਰਾਹੁਲ ਗਾਂਧੀ ਨਾਲ ਮੁਲਾਕਾਤ ਕਰਨ ਜਾਣਗੇ ਜਿਥੇ ਉਹ ਸ੍ਰੀਮਤੀ ਗਾਂਧੀ ਨੂੰ ਪੰਜਾਬ ਦੀ ਤਾਜ਼ਾ ਸਿਆਸੀ ਸਥਿਤੀ ਤੋਂ ਜਾਣੂ ਕਰਵਾਉਣਗੇ ਅਤੇ ਜੋ ਕੁੱਝ ਨੁਕਤੇ ਦੋਹਾਂ ਪਾਰਟੀਆਂ ਦਰਮਿਆਨ ਹੱਲ ਨਹੀਂ ਹੋਏ, ਉਨ੍ਹਾਂ ਨੂੰ ਵੀ ਰਾਹੁਲ ਗਾਂਧੀ ਤੇ ਸੋਨੀਆ ਗਾਂਧੀ ਅੱਗੇ ਰਖਿਆ ਜਾਵੇਗਾ। ਦੋਹਾਂ ਪਾਰਟੀਆਂ ਦਰਮਿਆਨ ਚੋਣ ਸਮਝੌਤੇ ਤਹਿਤ ਬਠਿੰਡਾ ਲੋਕ ਸਭਾ ਸੀਟ ਪੀਪਲਜ਼ ਪਾਰਟੀ ਦੇ ਖਾਤੇ ਜਾਣ ਦੀ ਚਰਚਾ ਨੂੰ ਇਸ ਗੱਲ ਤੋਂ ਹੋਰ ਬਲ ਮਿਲਦਾ ਹੈ ਕਿ ਪਾਰਟੀ ਪ੍ਰਧਾਨ ਮਨਪ੍ਰੀਤ ਸਿੰਘ ਬਾਦਲ 19 ਜੁਲਾਈ ਤੋਂ ਬਠਿੰਡਾ ਜ਼ਿਲ੍ਹੇ ਦੇ ਦੌਰੇ 'ਤੇ ਪਹੁੰਚ ਰਹੇ ਹਨ। ਉਨ੍ਹਾਂ ਕੁੱਝ ਦਿਨ ਪਹਿਲਾਂ ਅਪਣੇ ਪਿੰਡ ਬਾਦਲ ਵਿਖੇ ਪਾਰਟੀ ਆਗੂਆਂ ਦੀ


ਮੀਟਿੰਗ ਸਮੇਂ ਬਠਿੰਡਾ ਤੋਂ ਸਮਝੌਤੇ ਤਹਿਤ ਚੋਣ ਲੜਨ ਦੇ ਸੰਕੇਤ ਦਿਤੇ ਸਨ। ਹੁਣ 19 ਜੁਲਾਈ ਨੂੰ ਗ਼ੈਰ ਰਸਮੀ ਤੌਰ 'ਤੇ ਅਪਣੀ ਚੋਣ ਮੁਹਿੰਮ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ। ਪੀਪਲਜ਼ ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਸੁਖਦੇਵ ਸਿੰਘ ਚਹਿਲ ਨੇ ਦਸਿਆ ਕਿ ਸ। ਬਾਦਲ ਇਸ ਦਿਨ ਬਠਿੰਡਾ ਜ਼ਿਲ੍ਹੇ ਦੇ 7 ਪਿੰਡਾਂ ਅੰਦਰ ਮੀਟਿੰਗਾਂ ਕਰਨਗੇ।
ਉਨ੍ਹਾਂ ਦਸਿਆ ਕਿ ਸ। ਬਾਦਲ ਮੌੜ ਵਿਧਾਨ ਸਭਾ ਹਲਕੇ ਦੇ ਪਿੰਡ ਕੋਟੜਾ ਕਿ²ਸ਼ਨਪੁਰਾ ਤੇ ਯਾਤਰੀ, ਤਲਵੰਡੀ ਸਾਬੋ ਵਿਧਾਨ ਸਭਾ ਹਲਕੇ ਦੇ ਪਿੰਡ ਸ਼ੇਖ਼ਪੁਰਾ, ਲੇਲੇਵਾਲਾ ਅਤੇ ਭਾਗੀਬਾਂਦਰ, ਬਠਿੰਡਾ ਦਿਹਾਤੀ ਵਿਧਾਨ ਸਭਾ ਹਲਕੇ ਦੇ ਪਿੰਡ ਪਥਰਾਲਾ ਅਤੇ ਜੰਗੀਰਾਣਾ ਵਿਖੇ ਲੋਕਾਂ ਦੇ ਇਕੱਠਾਂ ਨੂੰ ਸੰਬੋਧਨ ਕਰਨਗੇ। ਉਨ੍ਹਾਂ ਦਸਿਆ ਕਿ ਇਸ ਤੋਂ ਬਾਅਦ ਸ। ਬਾਦਲ ਬਾਕੀ ਰਹਿੰਦੇ ਵਿਧਾਨ ਸਭਾ ਹਲਕਿਆਂ ਦਾ ਵੀ ਦੌਰਾ ਕਰਨਗੇ ਜਿਸ ਦੀ ਰਣਨੀਤੀ ਤਿਆਰ ਕੀਤੀ ਜਾ ਰਹੀ ਹੈ।

ਏ ਡੀ ਜੀ ਪੀ ਨਰਿੰਦਰ ਸ਼ਰਮਾ ਦਾ ਲੰਮੀ ਬੀਮਾਰੀ ਪਿੱਛੋਂ ਦੇਹਾਂਤ

ਏ ਡੀ ਜੀ ਪੀ ਨਰਿੰਦਰ ਸ਼ਰਮਾ ਦਾ ਲੰਮੀ ਬੀਮਾਰੀ ਪਿੱਛੋਂ ਦੇਹਾਂਤ

ਚੰਡੀਗੜ੍ਹ, 16 ਜੁਲਾਈ (ਸਪੋਕਸਮੈਨ ਸਮਾਚਾਰ ਸੇਵਾ) :  ਸੀਨੀਅਰ ਆਈ ਪੀ ਐਸ ਅਫ਼ਸਰ ਅਤੇ ਏ ਡੀ ਜੀ ਪੀ ਸ੍ਰੀ ਨਰਿੰਦਰ ਸ਼ਰਮਾ ਦਾ ਬੀਤੀ ਰਾਤ ਇਥੇ ਲੰਮੀ ਬੀਮਾਰੀ ਉਪਰੰਤ ਦੇਹਾਂਤ ਹੋ ਗਿਆ। ਏ ਡੀ ਜੀ ਪੀ ਸ੍ਰੀ ਨਰਿੰਦਰ ਸ਼ਰਮਾ ਦਾ ਅੰਤਮ ਸਸਕਾਰ ਅੱਜ ਇਥੇ ਸੈਕਟਰ-25 ਦੇ ਸ਼ਮਸ਼ਾਨ-ਘਾਟ 'ਚ ਬਾਅਦ ਦੁਪਹਿਰ 2 ਵਜੇ ਕਰ ਦਿਤਾ ਗਿਆ। ਨਰਿੰਦਰ ਸ਼ਰਮਾ ਦਾ ਸਰਕਾਰੀ ਸਨਮਾਨਾਂ ਨਾਲ ਅੰਤਮ ਸਸਕਾਰ ਕੀਤਾ ਗਿਆ। ਮੁੱਖ ਮੰਤਰੀ ਸ। ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਸ। ਸੁਖਬੀਰ ਸਿੰਘ ਬਾਦਲ ਦੁਹਾਂ ਨੇ ਸ੍ਰੀ ਸ਼ਰਮਾ ਦੀ ਮੌਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।

ਮੁੱਖ ਮੰਤਰੀ ਵਿਜੇ ਬਹੁਗੁਣਾ ਨੇ ਗੁਜਰਾਤ ਦੇ ਮੁੱਖ ਮੰਤਰੀ ਨਰਿੰਦਰ ਮੋਦੀ ਦਾ ਉਹ ਪ੍ਰਸਤਾਵ ਠੁਕਰਾ ਦਿਤਾ

ਦੇਹਰਾਦੂਨ, 30 ਜੂਨ : ਉਤਰਾਖੰਡ ਦੇ ਮੁੱਖ ਮੰਤਰੀ ਵਿਜੇ ਬਹੁਗੁਣਾ ਨੇ ਗੁਜਰਾਤ ਦੇ ਮੁੱਖ ਮੰਤਰੀ ਨਰਿੰਦਰ ਮੋਦੀ ਦਾ ਉਹ ਪ੍ਰਸਤਾਵ ਠੁਕਰਾ ਦਿਤਾ ਜਿਸ ਵਿਚ ਕੇਦਰਨਾਥ ਮੰਦਰ ਦੀ ਮੁੜ ਉਸਾਰੀ ਕਰਨ ਦੀ ਪੇਸ਼ਕਸ਼ ਕੀਤੀ ਗਈ ਸੀ। ਬਹੁਗੁਣਾ ਨੇ ਕਿਹਾ ਕਿ ਇਹ ਕੰਮ ਉਨ੍ਹਾਂ ਦੀ ਸਰਕਾਰ ਅਤੇ ਮੰਦਰ ਕਮੇਟੀ ਕਰੇਗੀ ਪਰ ਮੁੜ ਉਸਾਰੀ ਦੇ ਫ਼ੰਡ ਵਿਚ ਕੋਈ ਵੀ ਯੋਗਦਾਨ ਦੇ ਸਕਦਾ ਹੈ।
ਇਕ ਇੰਟਰਵਿਊ ਦੌਰਾਨ ਉਨ੍ਹਾਂ ਆਖਿਆ, ''ਮੈਂ ਪਹਿਲਾਂ ਹੀ ਸਪੱਸ਼ਟ ਕਰ ਚੁੱਕਾ ਹਾਂ ਕਿ ਮੰਦਰ ਦੀ ਉਸਾਰੀ ਸੂਬਾ ਸਰਕਾਰ ਅਤੇ ਮੰਦਰ ਕਮੇਟੀ ਦੀ ਨਿਗਰਾਨੀ ਵਿਚ ਹੋਵੇਗੀ। ਹਾਂ, ਇਹ ਗੱਲ ਵਖਰੀ ਹੈ ਕਿ ਕੋਈ ਵੀ ਵਿਅਕਤੀ, ਸੂਬਾ ਅਤੇ ਭਾਰਤ ਜਾਂ ਵਿਦੇਸ਼ਾਂ ਨਾਲ ਸਬੰਧਤ ਕੋਈ ਵੀ ਜਥੇਬੰਦੀ ਇਸ ਕੰਮ ਲਈ ਆਰਥਕ ਸਹਾਇਤਾ ਦੇ ਸਕਦੀ ਹੈ।'' ਦਸਣਯੋਗ ਹੈ ਕਿ ਮੋਦੀ ਨੇ ਪਿਛਲੇ ਹਫ਼ਤੇ ਉਤਰਾਖੰਡ ਦੇ ਦੌਰੇ ਦੌਰਾਨ ਕਿਹਾ ਸੀ ਕਿ ਗੁਜਰਾਤ ਸਰਕਾਰ ਕੇਦਾਰਨਾਥ ਮੰਦਰ ਦੀ ਮੁੜ ਉਸਾਰੀ ਦੀ ਜ਼ਿੰਮੇਵਾਰੀ ਲਵੇਗੀ। ਬਹੁਗੁਣਾ ਨੇ ਅੱਗੇ ਕਿਹਾ ਕਿ ਕੇਦਾਰਨਾਥ ਇਕ ਧਾਰਮਕ ਸਥਾਨ ਹੈ ਅਤੇ ਇਸ ਦੀ ਮੁੜ ਉਸਾਰੀ ਦਾ ਕਾਰਜ ਇਕ ਭਾਵਨਾਤਮਕ ਮੁੱਦਾ ਹੈ। ਪਹਿਲਾਂ ਤਾਂ ਇਹ ਪਤਾ ਲਗਾਉਣਾ ਹੋਵੇਗਾ ਕਿ ਮੰਦਰ ਨੂੰ ਕਿੰਨਾ ਨੁਕਸਾਨ ਹੋਇਆ ਹੈ। ਭਾਰਤੀ ਪੁਰਾਤਤਵ ਵਿਭਾਗ ਇਸ ਕੰਮ ਨੂੰ ਅੰਜਾਮ ਦੇਵੇਗਾ। ਉਧਰ ਸਾਧੂ ਅਤੇ ਹਿੰਦੂ ਆਗੂ ਇਸ ਗੱਲ ਦਾ ਦਬਾਅ ਪਾ ਰਹੇ ਹਨ ਕਿ ਮੰਦਰ ਵਿਚ ਪੂਜਾ ਸ਼ੁਰੂ ਕਰ ਦੇਣੀ ਚਾਹੀਦੀ ਹੈ ਪਰ ਇਸ ਸਬੰਧੀ ਫ਼ੈਸਲਾ ਵੀ ਸੋਚ ਸਮਝ ਕੇ ਹੀ ਲੈਣਾ ਹੋਵੇਗਾ।

ਪੰਜਾਬ ਦਾ ਵਿਕਾਸ ਪ੍ਰਧਾਨ ਮੰਤਰੀ ਦੀਆਂ ਮੁੱਖ ਤਰਜੀਹਾਂ 'ਚ

ਚੰਡੀਗੜ੍ਹ, 29 ਜੂਨ  (ਜੀ।ਸੀ।ਭਾਰਦਵਾਜ) : ਪ੍ਰਧਾਨ ਮੰਤਰੀ ਡਾ। ਮਨਮੋਹਨ ਸਿੰਘ ਨੇ ਪੰਜਾਬ  ਵਿਚ ਬੁਨਿਆਦੀ ਢਾਂਚੇ ਅਤੇ ਸਨਅਤੀ ਵਿਕਾਸ ਨੂੰ ਅਪਣੀਆਂ ਮੁੱਖ ਤਰਜੀਹਾਂ ਵਿਚ ਸ਼ਾਮਲ ਕਰ ਲਿਆ ਹੈ ਅਤੇ ਇਸੇ ਤਹਿਤ ਅੰਮ੍ਰਿਤਸਰ-ਕੋਲਕਾਤਾ ਸਨਅਤੀ ਲਾਂਘੇ ਦੇ ਐਲਾਨ ਤੋਂ ਕੁੱਝ ਦਿਨਾਂ ਬਾਅਦ ਜਲੰਧਰ, ਲੁਧਿਆਣਾ ਅਤੇ ਫ਼ਿਰੋਜ਼ਪੁਰ ਵਿਖੇ ਤਿੰਨ ਹਵਾਈ ਅੱਡੇ ਉਸਾਰਨ ਨੂੰ ਪ੍ਰਵਾਨਗੀ ਦੇ ਦਿਤੀ ਗਈ। ਦਸਣਯੋਗ ਹੈ ਕਿ ਪ੍ਰਧਾਨ ਮੰਤਰੀ ਨੇ ਨਿਵੇਸ਼ਕਾਂ ਦੇ ਉਤਸ਼ਾਹ ਨੂੰ ਬਰਕਰਾਰ ਰਖਣ ਲਈ ਅਗਲੇ ਛੇ ਮਹੀਨਿਆਂ ਦੌਰਾਨ ਬੁਨਿਆਦੀ ਢਾਂਚੇ ਦੇ ਖੇਤਰ ਵਿਚ 1।15 ਲੱਖ ਕਰੋੜ ਰੁਪਏ ਖ਼ਰਚ ਕਰਨ ਦਾ ਟੀਚਾ ਰਖਿਆ ਹੈ। ਬਨੁਆਦੀ ਢਾਂਚੇ ਨਾਲ ਸਬੰਧਤ ਇਹ ਪ੍ਰਾਜੈਕਟ ਜਨਤਕ-ਨਿਜੀ ਭਾਈਵਾਲੀ(ਪੀ।ਪੀ।ਪੀ।) ਤਹਿਤ ਹੋਂਦ ਵਿਚ ਆਉਣਗੇ।
ਪੰਜਾਬ  ਕਾਂਗਰਸ ਦੇ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਨੇ ਪੰਜਾਬ ਨੂੰ ਸਨਅਤੀ ਤੇ ਬੁਨਿਆਦੀ ਢਾਂਚੇ ਦੇ ਵਿਕਾਸ 'ਚ ਪ੍ਰਮੁੱਖ ਸਥਾਨ ਦੇਣ ਲਈ ਪ੍ਰਧਾਨ ਮੰਤਰੀ ਡਾ। ਮਨਮੋਹਨ ਸਿੰਘ, ਯੂ।ਪੀ।ਏ ਦੀ ਚੇਅਰਪਰਸਨ ਸੋਨੀਆ ਗਾਂਧੀ,  ਅਤੇ ਕਾਂਗਰਸ ਦੇ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਦਾ ਧਨਵਾਦ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਲੁਧਿਆਣਾ, ਜਲੰਧਰ ਤੇ ਫਿਰੋਜ਼ਪੁਰ 'ਚ ਘੱਟ ਲਾਗਤ ਵਾਲੇ ਹਵਾਈ ਅੱਡੇ ਬਣਾਉਣ ਦਾ ਫ਼ੈਸਲਾ ਵਪਾਰਕ ਗਤੀਵਿਧੀਆਂ ਨੂੰ ਉਤਸ਼ਾਹਤ ਕਰੇਗਾ ਅਤੇ ਹਵਾਬਾਜ਼ੀ ਖੇਤਰ ਦੇ ਵਿਕਾਸ ਦੀ ਜ਼ਮੀਨ ਤਿਆਰ ਕਰੇਗਾ।
ਸੋਨੀਆ ਗਾਂਧੀ ਤੇ ਪ੍ਰਧਾਨ ਮੰਤਰੀ ਨੂੰ ਭੇਜੇ ਸੁਨੇਹੇ ਵਿਚ ਬਾਜਵਾ ਨੇ ਉਨ੍ਹਾਂ ਨੂੰ ਪੰਜਾਬ ਦੇ ਸਰਹੱਦੀ ਜ਼ਿਲ੍ਹਿਆਂ ਲਈ ਸਨਅਤੀ ਪੈਕੇਜ ਐਲਾਨਣ ਦੀ ਮੰਗ  ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਸਰਹੱਦੀ ਇਲਾਕਿਆਂ 'ਚ ਸੜਕਾਂ ਦੀ ਘਾਟ ਹੈ ਅਤੇ ਪੰਜਾਬ 'ਚ ਵਡੀਆਂ  ਸਨਅਤਾਂ ਲੱਗਣ ਨਾਲ ਸੂਬੇ ਦੀ ਆਰਥਕਤਾ ਨੂੰ ਹੁਲਾਰਾ ਮਿਲੇਗਾ। ਸਰਹੱਦੀ ਇਲਾਕਿਆਂ ਨੂੰ ਵਿਸ਼ੇਸ਼ ਫਾਇਦਾ ਇੰਡਸਟਰੀ ਨੂੰ ਪੰਜਾਬ ਤੋਂ ਬਾਹਰ ਜਾਣ ਤੋਂ ਰੋਕੇਗਾ ਅਤੇ ਬਾਰਡਰ ਜ਼ਿਲ੍ਹਿਆਂ ਨੂੰ ਸਨਅਤ ਲਗਾਉਣਾ ਇਕ ਚੰਗਾ ਵਿਕਲਪ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਯੂ।ਪੀ।ਏ ਸਰਕਾਰ ਨੇ ਪੰਜਾਬ ਨੂੰ ਸਨਅਤੀ ਨਕਸ਼ੇ 'ਤੇ ਲਿਆਂਦਾ ਹੈ ਤੇ ਪੰਜਾਬ 'ਚ ਮਨੁੱਖੀ ਸਰੋਤਾਂ ਦੇ ਵਿਕਾਸ ਕਰਨ ਲਈ ਆਈ।ਆਈ।ਟੀ ਰੋਪੜ, ਮੋਹਾਲੀ


ਵਿਖੇ ਇੰਡੀਅਨ ਇੰਸਟੀਚਿਊਟ ਆਫ ਸਾਇੰਸ ਐਜੁਕੇਸ਼ਨ ਐਂਡ ਰਿਸਰਚ, ਮੋਹਾਲੀ 'ਚ ਨੈਸ਼ਨਲ ਐਗ੍ਰੀ-ਫੂਡ ਬਾਇਓ ਟੈਕਨਾਲੋਜੀ ਇੰਡਸਟੀਚਿਊਟ ਅਤੇ ਇੰਡੀਅਨ ਬਿਜ਼ਨਸ ਸਕੂਲ ਸਥਾਪਤ ਕੀਤੇ ਹਨ। ਸੰਗਰੂਰ 'ਚ 500 ਕਰੋੜ ਰੁਪਏ ਦੀ ਲਾਗਤ ਨਾਲ ਕੈਂਸਰ ਹਸਪਤਾਲ ਅਤੇ ਬਠਿੰਡਾ 'ਚ ਸੈਂਟਰਲ ਯੂਨੀਵਰਸਿਟੀ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਅਫਸੋਸਜਨਕ ਹੈ ਕਿ ਅਕਾਲੀ ਭਾਜਪਾ ਸਰਕਾਰ ਦੇ ਅੜੀਅਲ ਰਵੱਈਏ ਕਾਰਨ ਕੁਝ ਹੋਰ ਵੱਡੇ ਪ੍ਰੋਜੈਕਟ ਜਿਵੇਂ ਅੰਮ੍ਰਿਤਸਰ 'ਚ ਸੈਟਰਲ ਯੂਨੀਵਰਸਿਟੀ, ਰੇਲ ਪੁਰਜਿਆਂ ਦੇ ਨਿਰਮਾਣ ਦਾ ਕਾਰਖਾਨਾ ਅਤੇ ਬਿਆਸ ਤੇ ਕਾਦੀਆਂ ਵਿਚਾਲੇ ਇਤਿਹਾਸਿਕ ਰੇਲ ਲਿੰਕ ਸਿਰੇ ਨਹੀਂ ਚੜ੍ਹ ਸਕੇ।
ਬਾਜਵਾ ਨੇ ਯੂ।ਪੀ।ਏ ਸਰਕਾਰ ਦੀ ਕੋਸ਼ਿਸ਼ਾਂ ਦੀ ਸ਼ਲਾਘਾ ਕੀਤੀ ਹੈ, ਜਦਕਿ ਅਕਾਲੀ ਭਾਜਪਾ ਸਰਕਾਰ ਸਨਅਤਾਂ ਦੀ ਲੋੜਾਂ 'ਤੇ ਖਰਾ ਉਤਰਨ 'ਚ ਨਾਕਾਮਯਾਬ ਰਹੀ ਹੈ। ਜਿਸਨੇ ਕੌਮੀ ਨਕਸ਼ੇ 'ਤੇ ਪੰਜਾਬ ਨੂੰ ਪਹਿਲੇ ਤੋਂ 12ਵੇਂ ਸਥਾਨ 'ਤੇ ਪਹੁੰਚਾ ਦਿੱਤਾ ਹੈ। ਪੰਜਾਬ ਸਨਅਤਾਂ ਦੇ ਹਿੱਤਾਂ ਦੀ ਰਾਖੀ ਕਰਨ 'ਚ ਨਾਕਾਮਯਾਬ ਰਿਹਾ ਹੈ। ਐਨ।ਡੀ।ਏ ਸਰਕਾਰ ਵੇਲੇ ਵੀ ਵਿਸ਼ੇਸ਼ ਸਨਅਤੀ ਪੈਕੇਜ ਹਿਮਾਚਲ ਪ੍ਰਦੇਸ਼, ਜੰਮੂ ਕਸ਼ਮੀਰ ਤੇ ਉਤਰਾਖੰਡ ਵਰਗੇ ਗੁਆਂਢੀ ਸੂਬਿਆਂ ਨੂੰ ਦਿੱਤੇ ਗਏ। ਜਦਕਿ ਡਿਪਟੀ ਮੁੱਖ ਮੰਤਰੀ ਸੁਖਬੀਰ ਬਾਦਲ ਉਸ ਵੇਲੇ ਕੇਂਦਰ 'ਚ ਸਨਅੱਤੀ ਰਾਜ ਮੰਤਰੀ ਸਨ।
ਸਕੀਮ ਦੇ ਐਨਾਨ ਤੋਂ ਬਾਅਦ ਸੱਤ ਸਾਲਾਂ ਦੌਰਾਨ ਪੰਜਾਬ ਨੇ ਰਾਜਧਾਨੀ ਨੂੰ ਫਲਾਈਟ ਉੱਡਦੀ ਦੇਖੀ ਹੈ। ਸਾਲ 2004 ਤੇ 2010 ਵਿਚਾਲੇ ਪੰਜਾਬ ਦੀਆਂ 274 ਉਦਯੋਗਿਕ ਯੁਨਿਟਾਂ ਬਾਹਰ ਚਲੀ ਗਈਆਂ ਹਨ। ਸੂਬੇ 'ਚ ਨਿਵੇਸ਼ ਨੂੰ 3674।79 ਕਰੋੜ ਦਾ ਘਾਟਾ ਪਿਆ ਹੈ। ਪ੍ਰਮੁੱਖ ਸਨਅਤੀ ਜ਼ਿਲ੍ਹਿਆਂ ਤੋਂ ਇਲਾਵਾ ਅੰਮ੍ਰਿਤਸਰ ਤੇ ਗੁਰਦਾਸਪੁਰ ਵਰਗੇ ਸਰਹਦੀ ਜ਼ਿਲ੍ਹਿਆਂ 'ਤੇ ਵੀ ਬੁਰਾ ਪ੍ਰਭਾਵ ਪਿਆ ਹੈ। ਲੁਧਿਆਣਾ 'ਚ 2027।34 ਕਰੋੜ ਦਾ ਘਾਟਾ ਪਿਆ ਹੈ (33 ਸਨਅੱਤੀ ਯੂਨਿਟ ਬਾਹਰ ਚਲੇ ਗਏ), ਮੋਹਾਲੀ (39 ਯੂਨਿਟ) 742।50 ਕਰੋੜ ਦਾ ਘਾਟਾ ਪਿਆ ਹੈ, ਜਦਕਿ ਗੁਰਦਾਸਪੁਰ 'ਚ 46।11 ਕਰੋੜ ਦਾ ਘਾਟਾ ਪਿਆ, ਜਿਥੋਂ 149 ਸਨਅਤੀ ਯੂਨਿਟ ਵਿਸ਼ੇਸ਼ਕਰ ਬਰਨਾਲਾ ਤੋਂ ਗਏ। ਇਸੇ ਤਰ੍ਹਾਂ 188।50 ਕਰੋੜ ਰੁਪਏ ਵਾਲੇ 23 ਯੂਨਿਟ ਅੰਮ੍ਰਿਤਸਰ ਜ਼ਿਲ੍ਹੇ ਤੋਂ ਹੋਰਨਾਂ ਰਾਜਾਂ ਨੂੰ ਚਲੇ ਗਏ ਹਨ।
ਪੰਜਾਬ ਦੇ ਸਰਹਦੀ ਇਲਾਕਿਆਂ ਨੂੰ ਸਨਅਤੀ ਹੁਲਾਰਾ ਦੇਣਾ ਸਮੇਂ ਦੀ ਲੋੜ ਹੈ। ਕਲਕੱਤਾ ਤੇ ਅੰਮ੍ਰਿਤਸਰ ਤੋਂ ਸਰਹਦੀ ਇਲਾਕਿਆਂ ਨੂੰ ਫਾਇਦਾ ਮਿਲਣ ਦੀ ਆਸ ਹੈ, ਮਗਰ ਜੇਕਰ ਪੰਜਾਬ ਸਰਕਾਰ ਨੇ ਆਪਣੀ ਉਦਯੋਗਿਕ ਨੀਤੀ 'ਚ ਸਰਹਦੀ ਜ਼ਿਲ੍ਹਿਆਂ 'ਤੇ ਧਿਆਨ ਨਾ ਦਿੱਤਾ, ਤਾਂ ਇਹ ਕੋਸ਼ਿਸ਼ ਨਾਕਾਮ ਹੋ ਜਾਵੇਗੀ। ਸਰਹਦੀ ਇਲਾਕਿਆਂ 'ਚ ਗੁਰਦਾਸਪੁਰ, ਪਠਾਨਕੋਟ, ਅੰਮ੍ਰਿਤਸਰ, ਤਰਨਤਾਰਨ, ਫਿਰੋਜ਼ਪੁਰ ਤੇ ਫਾਜਿਲਕਾ ਜਿਲ੍ਹੇ ਆਰਥਿਕ ਅਧਾਰ 'ਤੇ ਬਹੁਤ ਪਿਛੜੇ ਹਨ। ਜਿਥੇ ਨੌਜਵਾਨਾਂ ਲਈ ਰੋਜਗਾਰ ਨਹੀਂ ਹਨ। ਕਈ ਸਰਹਦੀ ਜ਼ਿਲ੍ਹਿਆਂ 'ਚ ਪਾਣੀ, ਸਸਤੀ ਜ਼ਮੀਨ ਤੇ ਇਨਸਾਨੀ ਤਾਕਤ ਮੌਜ਼ੂਦ ਹੈ, ਜਿਥੇ ਵੱਡੇ ਸਨਅਤੀ ਯੂਨਿਟ ਲੱਗ ਸਕਦੇ ਹਨ।
ਬਾਜਵਾ ਨੇ ਕਿਹਾ ਕਿ ਉਹ ਸਰਹਦੀ ਜ਼ਿਲ੍ਹਿਆਂ ਲਈ ਵਿਸ਼ੇਸ਼ ਪੈਕੇਜ ਐਲਾਨ ਕਰਨ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨੂੰ ਮਿਲਣਗੇ। ਗੁਆਂਢੀ ਰਾਜਾਂ ਨੂੰ ਦਿੱਤੇ ਪੈਕੇਜਾਂ ਦੇ ਅਧਾਰ 'ਤੇ ਪੰਜਾਬ ਨੂੰ ਵੀ ਉਹੀ ਮੁਆਵਜ਼ਾ ਮਿਲਣਾ ਚਾਹੀਦਾ ਹੈ। ਇਨ੍ਹਾਂ ਤਿੰਨ ਸੂਬਿਆਂ ਨੂੰ ਛੋਟ ਦੇਣ ਦੌਰਾਨ ਪੰਜਾਬ ਨੂੰ ਵੱਡੇ ਪੱਧਰ 'ਤੇ ਘਾਟਿਆਂ ਦਾ ਸਾਹਮਣਾ ਕਰਨਾ ਪਿਆ ਹੈ।
ਅਸਲੀਅਤ 'ਚ ਅਕਾਲੀ ਭਾਜਪਾ ਸਰਕਾਰ ਨੇ ਸਰਹਦੀ ਇਲਾਕਿਆਂ ਨੂੰ ਆਪਣੀ ਉਦਯੋਗਿਕ ਨੀਤੀ 'ਚ ਅਣਦੇਖਾ ਕੀਤਾ ਹੈ ਅਤੇ ਮੌਜ਼ੂਦਾ ਸਨਅੱਤ ਦਾ ਪਲਾਇਣ ਰੋਕਣ ਲਈ ਕੁਝ ਨਹੀਂ ਕੀਤਾ ਗਿਆ। ਉਨ੍ਹਾਂ ਨੇ ਅਕਾਲੀ ਭਾਜਪਾ ਸਰਕਾਰ ਨੂੰ ਕੌਮੀ ਅਧਾਰ 'ਤੇ ਆਪਣੀ ਉਦਯੋਗਿਕ ਨੀਤੀ ਨੂੰ ਬਦਲਣ ਲਈ ਕਿਹਾ ਹੈ, ਤਾਂ ਜੋ ਪੰਜਾਬ ਨੂੰ ਹੋਰ ਨੁਕਸਾਨ ਹੋਣ ਤੋਂ ਬਚਾਇਆ ਜਾ ਸਕੇ।

ਕਾਂਗਰਸ ਨੇ 15 ਜੁਲਾਈ ਤੋਂ ਅਕਾਲੀ-ਭਾਜਪਾ ਵਿਰੁਧ ਮੋਰਚਾ ਖੋਲ੍ਹਣ ਦਾ ਫ਼ੈਸਲਾ ਲਿਆ

ਚੰਡੀਗੜ੍ਹ, 30 ਜੁਨ (ਜੀ ਸੀ ਭਾਰਦਵਾਜ) : ਭਾਜਪਾ ਤੇ ਐਨ ਡੀ ਏ ਵਲੋਂ ਪਿਛਲੇ ਹਫ਼ਤੇ ਮਾਧੋਪੁਰ ਤੋਂ ਪ੍ਰਚਾਰ ਮੁਹਿੰਮ ਸ਼ੁਰੂ ਕਰਨ ਦੇ ਜੁਆਬ ਵਿਚ ਅਤੇ ਨਰਿੰਦਰ ਮੋਦੀ ਦੀ ਤਿੱਖੀ ਧਾਰ ਨੂੰ ਖੁੰਢਾ ਕਰਨ ਦੀ ਲੋਰ ਵਿਚ ਪੰਜਾਬ ਕਾਂਗਰਸ ਨੇ ਵੀ ਅੱਜ ਪਾਰਟੀ ਭਵਨ ਵਿਚ ਵੱਡੀ ਡੈਲੀਗੇਟ ਕਾਨਫ਼ਰੰਸ ਕਰ ਕੇ ਕੇਂਦਰੀ ਨੇਤਾਵਾਂ ਦੀ ਅਗਵਾਈ ਵਿਚ ਪਾਰਟੀ ਨੂੰ ਮਜ਼ਬੂਤ ਕਰਨ ਅਤੇ ਲੋਕਾਂ ਵਿਚ ਵਿਚਰਨ ਦਾ ਹਲਫ਼ ਲਿਆ। ਸਵੇਰੇ 11 ਵਜੇ ਤੋਂ ਦੁਪਹਿਰ ਢਾਈ ਵਜੇ ਤਕ ਚੱਲੀ ਇਸ ਵਿਚਾਰ ਚਰਚਾ ਅਤੇ ਬਹਿਸ ਉਪਰੰਤ ਤਿੰਨ ਮਤੇ ਪਾਸ ਕੀਤੇ ਗਏ ਜਿਨ੍ਹਾਂ ਤਹਿਤ 15 ਜੁਲਾਈ ਤੋਂ ਪਿੰਡ ਪਿੰਡ ਜਾ ਕੇ ਲੋਕਾਂ ਨੂੰ ਪੰਜਾਬ ਸਰਕਾਰ ਦੀ ਸੰਕਟਮਈ ਵਿੱਤੀ ਹਾਲਤ ਬਾਰੇ ਪਿਛਲੇ ਚੋਣ ਮਨੋਰਥ ਪੱਤਰ ਵਿਚ ਕੀਤੇ ਵਾਅਦਿਆਂ ਨੂੰ ਪੂਰਾ ਨਾ ਕਰਨ ਸਬੰਧੀ ਜਾਗਰੂਕ ਕਰਨਾ ਸ਼ਾਮਲ ਹੈ। ਬੇਰੁਜ਼ਗਾਰ ਨੌਜੁਆਨਾਂ ਤੇ ਮੁਟਿਆਰਾਂ ਦੀ ਦਫ਼ਤਰਾਂ ਵਿਚ ਰਜਿਸਟਰੇਸ਼ਨ ਕਰਾਉਣ ਉਪਰੰਤ ਹਾਈ ਕੋਰਟ ਵਿਚ ਕੇਸ ਪਾਉਣ ਦੇ ਉਪਰਾਲੇ ਵੀ ਕੀਤੇ ਜਾਣਗੇ ਤਾਕਿ ਇਕਰਾਰ ਕੀਤੇ 1000 ਰੁਪਏ ਮਹੀਨਾ ਭੱਤੇ ਦੁਆਏ ਜਾ ਸਕਣ। ਦਲਿਤ ਵਿਦਿਆਰਥੀਆਂ ਨੂੰ ਵਜ਼ੀਫ਼ੇ ਦੇਣੇ ਅਤੇ ਮਾੜੀ ਕਾਨੂੰਨ ਵਿਵਸਥਾ ਬਾਰੇ ਮਤਾ ਪਾਸ ਕਰਨੇ ਵੀ ਇਸ ਤਿੰਨ ਮਹੀਨੇ ਵਾਲੀ ਮੁਹਿੰਮ ਦਾ ਹਿੱਸਾ ਬਣਾਇਆ ਗਿਆ।


ਇਹ ਵੀ ਫ਼ੈਸਲਾ ਕੀਤਾ ਗਿਆ ਕਿ ਲੋਕ ਸਭਾ ਚੋਣਾਂ ਨੂੰ ਸਾਹਮਣੇ ਰੱਖ ਕੇ ਮਾਲਵਾ, ਮਾਝਾ ਅਤੇ ਦੋਆਬਾ ਵਿਚ ਪਾਰਟੀ ਨੂੰ ਮਜ਼ਬੂਤ ਕਰ ਕੇ ਲੋਕਾਂ ਨੂੰ ਸਰਕਾਰ ਵਿਰੁਧ ਲਾਮਬੰਦ ਕੀਤਾ ਜਾਵੇਗਾ। ਵਿਰੋਧੀ ਧਿਰ ਦੇ ਵਿਧਾਨ ਸਭਾ ਵਿਚ ਨੇਤਾ ਸੁਨੀਲ ਕੁਮਾਰ ਜਾਖੜ ਨੇ ਗੁਜਰਾਤ ਸਰਕਾਰ ਵਲੋਂ ਉਥੇ ਵਸੇ 25 ਤੋਂ 40 ਹਜ਼ਾਰ ਪੰਜਾਬੀ ਤੇ ਹੋਰ ਗ਼ੈਰ ਗੁਜਰਾਤੀ ਪਰਵਾਰਾਂ ਵਿਰੁਧ ਵਿਖਾਈ ਬੇਰੁਖ਼ੀ ਦਾ ਜ਼ਿਕਰ ਕਰਦਿਆਂ ਇਸ ਬੈਠਕ ਵਿਚ ਮੁੱਖ ਮੰਤਰੀ ਨਰਿੰਦਰ ਮੋਦੀ ਦਾ ਅਸਲੀ ਚਿਹਰਾ ਪੇਸ਼ ਕੀਤਾ। ਜੁਲਾਈ ਤੋਂ ਸਤੰਬਰ ਤਕ ਚਲਾਈ ਜਾਣ ਵਾਲੀ ਇਸ ਲਾਮਬੰਦੀ ਵਿਚ ਇਹ ਅਹਿਮ ਨੁਕਤਾ ਹੋਵੇਗਾ ਅਤੇ ਦਸਿਆ ਜਾਵੇਗਾ ਕਿ ਕਿਵੇਂ ਭਾਜਪਾ ਦਾ ਪ੍ਰਧਾਨ ਮੰਤਰੀ ਲਈ ਉਮੀਦਵਾਰ ਗ਼ੈਰ ਗੁਜਰਾਤੀ ਲੋਕਾਂ ਦਾ ਸਕਾ ਨਹੀਂ ਹੈ। ਲਗਭਗ ਤਿੰਨ ਘੰਟੇ ਤੋਂ ਵੱਧ ਚੱਲੀ ਇਸ ਪਹਿਲੀ ਬੈਠਕ ਬਾਰੇ ਪੰਜਾਬ ਮਾਮਲਿਆਂ ਦੇ ਇੰਚਾਰਜ ਅਤੇ ਕਾਂਗਰਸ ਦੇ ਜਨਰਲ ਸਕੱਤਰ ਸ਼ਕੀਲ ਅਹਿਮਦ ਨੇ ਪ੍ਰੈੱਸ ਕਾਨਫ਼ਰੰਸ ਵਿਚ ਦਸਿਆ ਕਿ ਸ। ਪ੍ਰਕਾਸ਼ ਸਿੰਘ ਬਾਦਲ ਦੀ ਅਕਾਲੀ ਭਾਜਪਾ ਗਠਜੋੜ ਸਰਕਾਰ ਵਲੋਂ ਲਏ ਗਏ ਕਥਿਤ ਲੋਕ ਵਿਰੋਧੀ ਫ਼ੈਸਲਿਆਂ ਵਿਰੁਧ ਪੰਜਾਬ ਕਾਂਗਰਸ ਯੋਜਨਾਬਧ ਤਰੀਕੇ ਨਾਲ ਅੰਦੋਲਨ ਛੇੜੇਗੀ। ਮੀਡੀਆ ਸਾਹਮਣੇ ਅਪਣੀ ਗੱਲ ਦੋ ਮਿੰਟਾਂ ਵਿਚ ਖ਼ਤਮ ਕਰਨ ਉਪਰੰਤ ਪੰਜਾਬ ਕਾਂਗਰਸ ਵਿਚ ਚਲ ਰਹੀ ਅੰਦਰੂਨੀ ਲੜਾਈ, ਵੱਖ ਵੱਖ ਨੇਤਾਵਾਂ ਵਿਚ ਇਕ ਦੂਜੇ ਵਿਰੁਧ ਬਿਆਨ ਦੇਣ ਅਤੇ ਹੋਰ ਕਈ ਤਰ੍ਹਾਂ ਦੀ ਖਹਿਬਾਜ਼ੀ ਸਬੰਧੀ ਪੁੱਛੇ ਜਾਣ 'ਤੇ ਸ਼ਕੀਲ ਅਹਿਮਦ ਨੇ ਸਪੱਸ਼ਟ ਕੀਤਾ ਕਿ ਪੰਜਾਬ ਕਾਂਗਰਸ ਵਿਚ ਦਿਸ ਰਹੀ ਗੁਟਬੰਦੀ ਦਾ ਕੋਈ ਵਿਸ਼ੇਸ਼ ਮਹੱਤਵ ਨਹੀਂ, ਅਜਿਹਾ ਹਰ ਸੂਬੇ ਵਿਚ ਚਲਦਾ ਹੈ। ਜਦ ਕੈਪਟਨ ਵਲੋਂ ਬਾਜਵਾ ਵਿਰੁਧ ਸੋਨੀਆ ਨੂੰ ਪੱਤਰ ਬਾਰੇ ਪੁਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਮੀਡੀਆ ਵਿਚ ਛਪੀ ਚਿੱਠੀ ਐਵੇਂ ਸੁਣੀ ਸੁਣਾਈ ਗੱਲ ਹੈ ਜਿਸ ਬਾਰੇ ਨਾ ਤਾਂ ਕੈਪਟਨ ਅਮਰਿੰਦਰ ਸਿੰਘ ਤਾਈਦ ਕੀਤੀ ਹੈ ਅਤੇ ਨਾ ਹੀ ਪਾਰਟੀ ਹਾਈ ਕਮਾਨ ਨੇ ਚਿੱਠੀ ਮਿਲਣ ਦਾ ਕੋਈ ਇਸ਼ਾਰਾ ਕੀਤਾ ਹੈ। ਕਾਂਗਰਸ ਦੇ ਜਨਰਲ ਸਕੱਤਰ ਸ਼ਕੀਲ ਅਹਿਮਦ ਨੇ ਕਿਹਾ ਕਿ ਪੰਜਾਬ ਲਈ ਪਾਰਟੀ ਮਾਮਲਿਆਂ ਦੇ ਇੰਚਾਰਜ ਥਾਪਣ ਉਪਰੰਤ ਅੱਜ ਦੀ ਇਸ ਪਹਿਲੀ ਡੈਲੀਗੇਟ ਕਾਨਫ਼ਰੰਸ ਵਿਚ ਪਾਰਟੀ ਨੇ ਮਜ਼ਬੂਤੀ ਵਲ ਕਦਮ ਵਧਾਉਣ ਦੀ ਚਰਚਾ ਕੀਤੀ ਹੈ ਅਤੇ ਗੁਟਬਾਜ਼ੀ ਬਾਰੇ ਕੋਈ ਵੀ ਗੱਲ ਇਸ ਮੀਟਿੰਗ ਵਿਚ ਬਹਿਸ ਦਾ ਮੁੱਦਾ ਨਹੀਂ ਬਣੀ। ਪੰਜਾਬ ਅੰਦਰ ਲੋਕ ਸਭਾ ਦੀਆਂ 13 ਸੀਟਾਂ 'ਤੇ ਕਾਂਗਰਸ ਦੇ ਵੱਡੇ ਨੇਤਾਵਾਂ ਨੂੰ ਉਮੀਦਵਾਰ ਬਣਾਉਣ ਬਾਰੇ ਇਕ ਸਵਾਲ ਦੇ ਜਵਾਬ ਵਿਚ ਸ਼ਕੀਲ ਅਹਿਮਦ ਨੇ ਗੋਲਮੋਲ ਜਵਾਬ ਦਿੰਦਿਆਂ ਕਿਹਾ ਕਿ ਹਾਈ ਕਮਾਨ ਸਹੀ ਸਮਾਂ ਆਉਣ 'ਤੇ ਇਸ ਬਾਰੇ ਫ਼ੈਸਲਾ ਕਰੇਗੀ। ਸੁਨੀਲ ਜਾਖੜ ਅਤੇ ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ ਕਿ ਕਾਂਗਰਸ ਸ਼ਹਿਰੀ ਜਾਇਦਾਦ ਟੈਕਸ  ਲਾਉਣ ਵਿਰੁਧ ਅਤੇ ਕਿਸਾਨਾਂ ਦੇ ਹਿਤ ਵਿਚ 7000 ਕਰੋੜ ਦਾ ਪੈਕੇਜ ਲੈਣ ਲਈ ਪੰਜਾਬ ਦੇ ਕਾਂਗਰਸੀ ਐਮ ਪੀ ਅਤੇ ਲੀਡਰਾਂ ਸਣੇ ਸੋਨੀਆ ਗਾਂਧੀ ਅਤੇ ਪ੍ਰਧਾਨ ਮੰਤਰੀ ਨੂੰ ਮਿਲਣਗੇ। ਉਨ੍ਹਾਂ ਦੋਸ਼ ਲਾਇਆ ਕਿ ਬਾਦਲ ਸਰਕਾਰ ਤਾਂ ਠੱਗੀ ਮਾਰਨ ਦੀ ਮਨਸ਼ਾ ਨਾਲ ਕੇਂਦਰ ਤੋਂ ਪੈਕੇਜ ਮੰਗਦੇ ਹਨ ਜਿਸ ਮੁੱਦੇ ਨੂੰ ਸਾਡੀ ਪਾਰਟੀ ਪੰਜਾਬ ਦੇ ਲੋਕਾਂ ਵਿਚ ਜਾ ਕੇ ਵੇਰਵਾ ਦੇਵੇਗੀ। ਅੱਜ ਦੀ ਕਾਂਗਰਸ ਦੀ ਬੈਠਕ ਵਿਚ ਹਾਈ ਕਮਾਨ ਤੋਂ ਆਏ ਜਨਰਲ ਸਕੱਤਰ ਸ਼ਕੀਲ ਅਹਿਮਦ, ਸਕੱਤਰ ਹਰੀਸ਼ ਚੌਧਰੀ ਤੋਂ ਇਲਾਵਾ ਪੰਜਾਬ ਦੇ ਕੇਂਦਰ ਵਿਚ ਮੰਤਰੀ ਸੰਤੋਸ਼ ਚੌਧਰੀ, ਪ੍ਰਨੀਤ ਕੌਰ, ਮਨੀਸ਼ ਤਿਵਾੜੀ ਅਤੇ ਸੰਸਦ ਮੈਂਬਰ ਵਿਜੇਇੰਦਰ ਸਿੰਗਲਾ, ਮਹਿੰਦਰ ਸਿੰਘ ਕੇ।ਪੀ ਅਤੇ ਕੁੱਝ ਵਿਧਾਇਕਾਂ ਨੂੰ ਛੱਡ ਕੇ ਬਾਕੀ ਸਾਰੇ ਵਿਧਾਇਕ, ਅਹੁਦੇਦਾਰ ਸ਼ਾਮਲ ਹੋਏ। ਜਨਰਲ ਸਕੱਤਰ ਸ। ਲਾਲ ਸਿੰਘ ਵੀ ਹਾਜ਼ਰ ਸਨ। ਕੈਪਟਨ ਅਮਰਿੰਦਰ ਸਿੰਘ, ਸਾਬਕਾ ਸੰਸਦ ਮੈਂਬਰ ਸ। ਜਗਮੀਤ ਸਿੰਘ ਬਰਾੜ, ਬੀਬੀ ਰਾਜਿੰਦਰ ਕੌਰ ਭੱਠਲ, ਅੰਬਿਕਾ ਸੋਨੀ, ਅਸ਼ਵਨੀ ਕੁਮਾਰ ਗ਼ੈਰ ਹਾਜ਼ਰ ਰਹੇ।